{ نهاية حبك إعدامي } ...(قصة مميزة.. الإدارة)

مر هاليوم على خير .. لحد الساعه 6 الا ربع .. طلع خالد ومعاه اخوه علي .. قد محمد متصل لفارس و زافه على الحركه .. سبقهم محمد عند فارس .. وهم طلعوا على الوقت .. وهم فالطريق عند الاشارات وقفت سياره جنبهم التفت علي على اللي بالسياره وصد على طول .. عقد حواجبه والتفت مره ثانيه وتم يطالع الشخص اللي يسوق..
علي: خلود مو جنه هاذي صلوح بوقحفيه ..
خالد لف راسه: اي هاذي هو ..
علي: الحقه ..
لحقوا السياره اللي كان فيها صلوح .. تم خالد يولع له ليتات لين وقف .. وكانوا معاه شخصين بالسياره نزل خالد من السياره و وراه اخوه علي .. تكتفوا هم الثنين يطالعون هالشخص .. اول ما نزل من السياره سحبه خالد وضربه ضرب .. ومسكه علي ورفسه في بطنه ترفس .. الشباب اللي كانوا مع صلوح نزلوا يفازعون حق رفيجهم ..
الشاب الاول: هييي .. شتسون .. تركوا الولد ..
علي التفت عليه ودزه: ادلف انت مالك خص ..
الشاب الاول: هييي ولد عمي شنو مالي خص ..
علي: هلا هلا .. عيل انت فصول الخبل .. ومسكه وضربه ضرب ..
فيصل: آآآه .. شتسوي .. آآآي ..
اما الشاب الثاني كان خايف ومو عارف شو يسوي ..
خالد وهو ماسك صلوح: ها .. تذكرني صلوح .. افتح عيونك وشوفني ..
صلوح: ها .. آآآي ..
خالد: تذكرني ولا اذكرك .. وضربه على عيونه كم ضربه ..
اما علي بهدل فصول وحذفه على الارض .. التفت على اخوه ومسك صلوح ..
علي: تذكرنا يا بوقحفيه .. انا علي ..
خالد: وانا خالد ..
صلوح بخوف: هاااا ..
خالد: انا تاج راسك يالنذل ..
صلوح: انا مالي خص .. الشباب هم اللي قالوا لي ..
خالد: مالك خص ها .. اوريك يالنذل .. وعطاه كم كف على وي ..
علي: منو اللي قالك من الشباب ؟
صلوح: عيال بيت بوسالم ..
خالد عطاه كف وصرخ عليه: كـــــذاب .. قول من ولا بكسر ويهك ..
علي بكس له: تكلم قول من ؟
صلوح: انا وفصول ولد عمي ..
خالد رفس صلوح رفسه في بطنه وحذفه على الارض .. التفت على فصول اللي كان طايح على الارض .. ورفسه على وي .. طلع الدم منه .. اما الشاب الثالث كان واقف ورا السياره ويراقب بخوف ..
خالد: تعرف لو شفتك انت و ولد عمك باذبحكم زين ..
علي: يلا اخوي .. لا نتأخر على فارس ..
خالد وهو راكب السياره: مشينا .. حرك السياره وحفص عليهم وراح مسرع ..
علي: تصدق خلود ..
خالد: هلا ..
علي: احس ودي ارجع و ازيدهم ..
خالد: بس انت .. والله شوري يقولي ارجع اكمل عليهم ..
علي: النذل صلوح .. هو و ولد عمه هالخبل فصول .. هم السبب ..
خالد: ابي اشوفه مره ثانيه .. صدقني لو تجي الحكومه بكبرها ما هديته ..
علي: عندك اياه ..
وصلوا عند فارس المكتب على الساعه 7 الا ربع .. اول ما دخلوا لقوا محمد قاعد ..
علي: يعني لازم انت قبلنا ..
محمد: احم .. انا الكل فالكل ..
خالد: خف علينا الشيخ ..
فارس باستغراب: من وين جاين يا شباب ؟ متهاوشين ؟
خالد: لا مو متهاوشين بس مسكنا واحد ولعنا شكله شوي ..
محمد: ه .. من يكون هاذي ؟ انتوا محد يسلم منكم ..
علي: صلوح بوقحفيه
فارس: اااااي .. صدتوه يعني ..
خالد: وقلت له لو شفتك مره ثانيه باذبحك ..
محمد: شو سويتوا فيه ؟
علي: بردنا خواطرنا شوي ..
فارس: بس شوي .. جان قضيتوا عليه بعد ..
خالد: والله كان ودي .. بعد اللي سواه مو شوي هالنذل .. صج ما يبين في عينه ..
علي: سود الله وي .. يعني عزيناه ودخلناه وسطنا .. وفالاخير يقطنا في مصيبه .. ومحد راح فيها غير خلود اخوي ..
محمد: خلود .. من اللي تكلم فيهم و نكبكم ؟
خالد: هو مع ولد عمه هالخبل فصول ..
محمد: والله .. صج نذل ..
خالد: تخيل محمد .. ركضت فالظلام والشرطه تلاحقني .. حسبي الله عليه .. هلكني ذاك اليوم .. كنا حلوين وماشين على الخطه صح .. بس هو شو اللي خلاه ينكبنا ..
فارس: انتوا شو اللي كنتوا متفقين عليه اصلا ؟
علي: شوف كنا متفقين ان انا وخالد وحمد ولد بوسالم نهد خيول عزبة جماعة خليل وربعه .. لانهم قبل السباق اتفقوا معانا ان لو فزنا عليهم ناخذ الخيل الاسود .. واحنا فزنا يوم خلود ركب الخيل وسابق خليل .. عاد هم ما عجبهم .. قالوا كلامهم وهم واثقين انهم بيفوزون على خالد ..
خالد: المهم قلت لخليل .. يلا على الوعد .. قالي انسى اعطيك الخيل الاسود .. اختار اي خيل الا الاسود .. عاد تعرفني لما اعصب .. سحبته من ثوبه ورضخته على الارض .. تجمعوا الشباب وباعدونا عن بعض .. عاد انا توعدتهم .. واتفقنا انا وعلوه وحمد نروح نهد كل خيولهم من الاسطبلات .. وكل واحد من الشباب كان له مكانه يعني فصول كان يراقب ورانا .. احمد بن راشد كان سابقنا ويشوف لنا الطريق .. اما صلوح كان فالعزبه صوب البركه بروحه .. المهم يوم دخلنا عزبتهم الا الشرطه تشغل الليتات .. لان صلوح النذل مبلغ خليل من قبل .. وتعرف خليلوه خاله ضابط .. فكلمه او انهم بيسون لنا كمين .. تولعت الليتات وشردنا .. وهم شافوني ولحقوني انا بس .. باقي الشباب رجعوا العزبه .. مثل ما اتفقنا .. ان لو صار ما صار نرجع العزبه ولا كأن السالفه لنا ..
المهم تموا يلاحقوني فالظلام وانا ماشوف دربي الا اشوطح بين الشير اللي شمخت يدي وريولي .. وطحت كم مره وتكسرت والله .. تذكر ركبي شلون كانت من الدم .. وماقدروا يصيدوني .. لاني انخشيت في سيارة ناطور العزبه من غير ما هو يدري .. وتميت طول الليل الهث بروحي والدم يقطر مني ..
علي: جاتنا الدوريه وتموا يدورون .. وسألونا عن خالد .. وقالهم حمد انه ما جا اليوم كلش .. وانا استغربت ان صلوح اختفى من العزبه بكبرها هو و ولد عمه هالخبل فصول .. ومن يومها ما شفناهم .. بس عرفنا انهم هم اللي انكبونا ..
فارس: صج نذاله .. بس هم ليش سوا جي ؟
خالد: تعرف صلوح مصلحجي .. و ولد عمه هالخبل ماله شخصيه .. معاكم معاكم .. عليكم عليكم ..
فارس: بس زين سويتوا فيهم ..
خالد: بعد ما برد خاطري فيه .. ودي اشوت وي تشوت هالنذل ..
محمد: خلود عصبي وايد .. هدي شوي
خالد: انا شفته فار دمي .. كان ودي انط من السياره واخنقه ..
فارس: اعرفك خلود .. من يوم احنا صغار اقشر .. تاخذ حقك بالطيب ولا بالقوه ..
علي: فديته اخوي ..
محمد: يا جماعه صارت 7 وبتتأخرون على الريال ..
الكل: يلا ..
طلعوا الشباب في سيارتين .. محمد ركب مع ولد عمه .. اما علي مع خالد اخوه .. وصلوا وجهتهم وخلصوا امورهم .. واتفقوا انهم يروحون المحكمه عشان يخلصون الاجراءات الماليه والقانونيه .. خلصوا من الريال على الساعه 8 ونص تقريبا .. وكلهم ركبوا مع فارس بعد ما خالد ركن سيارته عن الشركه .. راحوا يتعشون واتصلوا في سلمان ويوسف وفاضل وعزيز .. طبعا سلمان اعتذر .. اما يوسف فسلمان طلب منه يروح معاهم .. عشان يغير نفسيته من بعد اللي صار .. تلاقوا الشباب في المطعم اللي غسلوا فيه الصحون من فتره .. طبعا فارس ومحمد ما يدرون باللي صار .. اول ما دخلوا الا بذاك الاستقبال من مدير المطعم ومن اللي يشتغلون هناك .. فارس طالع محمد باستغراب ..
فارس: شو السالفه ؟
محمد: مادري والله .. التفت على خالد .. خلود شوالسالفه ..
خالد: بعدين اقولك .. تعال سلم على مدير المطعم بعرفكم عليه
محمد وفارس رفعوا حاجب وطالعوا بعض .. ( هالحركه دوم يسونها مع بعض ) .. سلموا على مدير المطعم وقعدوا على طاوله وحده كلهم .. والخدمه لهم كانت غير باقي رواد المطعم .. خدمه خاصه طبعا .. قال خالد لمحمد وفارس سالفة غسيل الصحون .. ماتوا من الضحك على عبطهم ..
خالد: انا ما كنت حاب الفكره ومستحي .. ريال شكبري اسوي جي .. بس الشباب اصروا علي .. والله استانست صج يوم ما ينسي ..
محمد: وحليلكم يالمقاليع ..
فارس: ه ..


تونسوا الشباب في المطعم .. بعد وناستهم كلن توجه لروتينه .. محمد وفارس مع بعض .. خالد وعلي عبدالعزيز ويوسف راحوا ميلس احمد بن راشد .. اما فاضل رجع البيت لانه وعد سلطان وجاسم وفهد واحمد يوديهم يشترون اشرطة سوني الجديده .. كانت الساعه 10 تقريبا .. اول ما دخل فاضل حشروه الشباب ..
جاسم: يعني متى نروح ؟
سلطان: احلف يعني شوف الساعه كم الحين ؟
جاسم محتج: اكيد المحل سكر الحين ..
فاضل يطالعهم ومتكتف: خلصتوا ؟
سلطان: اي شوف الساعه كم الحين ..
ورجع جاسم يحتج: يه .. مواعدنا الساعه 9 .. وجاينا الحين ..
سلطان: مواعيدك مب شي ياخي ..
فاضل يطالعهم ورد ببرود: خلصتوا ؟
احمد ميت من الضحك .. وفهد مبتسم ..
سلطان: الحين شلون بنروح ولا لأ ؟
جاسم: وين نروح شوف الساعه كم الحين ..
سلطان: ما ضيعنا الوقت ولا شي . .انت جاي متأخر .. لو رحنا بيكون المحل خلاص سكر ..
فاضل: شوف ساعتك ..
شاف سلطان ساعته: الساعه 10 و ربع ..
فاضل: انتوا كل مره متى تروحون؟
سلطان تم يتلفت حواليه: زين يلا نحرك عيل ..
فاضل مشى وراهم: مب صاحين انتوا ..
احمد ميت من الضحك على جاسم وسلطان .. وصلوا المحل .. اول ما دخلوا الشباب المحل انتشورا كل واحد منهم في زاويه يختار له شريط .. اما فاضل كان قاعد يسولف مع صاحب المحل ..
فارس ومحمد مروا على سلمان البيت .. وقعدوا عنده شوي .. تطمنوا عليه و خذوا اخباره وقالوا له باللي صار على البنت المسكينه ..
فارس: مرينا على الضابط المركز ..
سلمان: ها بشروا ؟
فارس: البنت استخفت .. من اللي صار لها .. والاخو مسكوه واللي معاه .. داهموا المكان المشبوه ومسكوا الاغلب .. لان في بعض الشباب ما كانوا موجودين ..
محمد: لا حول ولا قوة الا بالله ..
سلمان: امس ما قدرت انام .. صورت البنت في بالي .. مب قادر انسى صوتها .. ولا شكلها المسكينه .. مالومها لو استخفت ..
محمد: الله يعينها هالمسكينه .. من الصدمه صادتها ردت فعل ..
فارس: حسبي الله ونعم الوكيل ..
قعدوا شوي عند سلمان وبعدين استأذنوا لما تطمنوا عليه .. طلعوا يحوطون الشوارع بالسياره .. رن جوال فارس والرنه كانت ( عالي مستواه ) .. التفت على محمد وطول على صوت الراديو ..




يتبع ..
__________________

فارس: هلا والله ..
مناف بعصبيه: يعني اذا ما اسأل عنك ماتعرف انت تسأل .. يمكن مت ولا صار علي شي ..
فارس باستغراب: سمالله عليج يا قلبي شو هالكلام .. هدي هدي ..
مناف: ايش اهدي .. متى مكلمتك انا اليوم ؟
فارس: شوي شوي فديتج ؟
مناف بحزن: الساعه كم اخر مره كلمتك اليوم رد علي لو سمحت ؟
فارس: شو فيج معصبه يا قلبي ..
مناف: خلاص مافيني شي .. مب معصبه ..
فارس: يا قلبي انتي .. انشغلت اليوم ..
مناف: شحالك ؟
فارس: مناف ..
مناف: هلا ..
فارس: حياتي انتي .. ليش زعلانه ؟
مناف: من انا ؟ لا مب زعلانه .. قولي شسويت اليوم ؟
فارس: مناف .. كلميني عدل ولا تكابرين ..
مناف: فارس .. وصاحت ..
فارس بخوف: مناف حياتي شو فيج ؟ ليش تصيحين ..
مناف وسط دموعها: فارس .. وسكتت ما قدرت تكمل من الصياح ..
فارس اشر لمحمد انه يوقف السياره .. محمد على طول وقف السياره .. فارس نزل من السياره يكمل مكالمته مع مناف .. ومحمد كان مستغرب من فارس ..
محمد " ذبحك الحب يا فارس وصرت تداري على مشاعرها .. ايه عليك يا ولد عمي "
فارس: مناف .. ردي علي .. مناااف
مناف تشهق من الصياح: فارس . . فـ فـ فارس
فارس: عيونه انتي .. ليش تصيحين ؟ ليش يا قلبي .. اهدي شوي وقولي لي شو فيج ؟
مناف تمت مناف تصيح .. وهدت نفسها .. استجمعت قواها وتكلمت ..
مناف: فارس ..
فارس: يا لبيه فارس انتي ..
مناف: اليوم حلمت بنايف اخوي .. فارس وحشني اخوي .. وصاحت ..
فارس: فديت قلبج انا .. الله يرحمه .. اكيد كان مرتاح فالحلم ..
مناف وتمسح دموعها: الحمدلله .. كان وي منور .. وكان يضحك ..
فارس براحه: فديت قلبج .. هاي اللي مزعلج ..
مناف بحزن: كنت محتاجه اكلمك او ما قعدت من النوم ..
فارس: ليش ما اتصلتي يا قلبه ..
مناف: كنت احاتيك من سالفتك اللي قلتها لي امس .. وماحبيت اتصل فيك خفت تكون مشغول او حد حولك .. بس انت ما اتصلت فيني كلش .. وهالشي ضايقني
فارس: يا قلبي انتي يا مناف .. انا اسف بس انشغلت شوي اليوم .. وانتي لج الضوء الاخضر .. اتصلي وقت ما تبين يا قلبي ..
مناف: فديتك يا فارس ..
فارس: ها .. عيديها ..
مناف انحرجت: انت وين الحين ؟
فارس: فديت قلبج عيديها ..
مناف منحرجه: فااارس ..
فارس ابتسم: يا عيونها وقلبه انتي ..
مناف: انت وين الحين ؟
فارس: فالشارع ..
مناف باستغراب: اي شارع ؟
فارس: انا قلت لولد عمي يوقف ونزلت من السياره عشان اخذ راحتي معاج فالكلام .. فديتج خفت عليج يوم صحتي ..
مناف باحراج: اسفه يا فارس ..
فارس: فارس بشحمه ولحمه تحت امرج يا مناف ..
مناف" فديته والله": ايه عليك يا فارس ..
فارس: زين مناف ..
مناف: هلا ..
فارس: ودي اشوفج ..
مناف بجديه: لا فارس .. مب كل يوم والثاني تقول ابي اشوفج ..

فارس انصدم ومارد عليها ..
مناف بهدوء: فارس ..
فارس بصدمه: عيونه انتي ..
مناف " فديته قلبه كبير": لاتزعل يا فارس .. بس
فارس يقاطعها: فاهم عليج .. انا حاس نفسي وايد خذت عليج .. وضغطت عليج وايد .. واحرجتج بهالطلب ..
مناف" والله ودي بشوفك كل يوم يا فارس ": مو مشكله حصل خير ..
فارس ابتسم: ولا يهمج الغاليه ..
مناف: والله قلبك كبير يا فارس ..
فارس: انتي اللي دلوعه منافووو
مناف: شنو منافوو .. ياهل انا عندك ؟
فارس: فديت دلوعتي مناف .. ايه عليج بس .. ركب السياره وهو يضحك مع مناف .. حرك محمد وهو مستغرب من حال ولد عمه .. التفت محمد على فارس ..
محمد: فديت اللي غاص عميق في بحر الحب ..
فارس مبتسم: لحظه شوي يا قلبي .. طالع محمد وهو مبتسم .. حمودي .. خل عنك السوالف ..
محمد ضحك: ه .. وأشر لفارس يسكر ..
فارس: زين يا قلبي باكلمج بعد شوي .. سكر من مناف والتف على ولد عمه ..
محمد: انا بروح الحين بيت اهل المدام ..
فارس: مو جنه الوقت متأخر ؟
محمد: عادي .. بتستقبلني اي وقت ..
فارس ابتسم: ولا يهمك .. نروح ..
راحوا بيت اهل ساره زوجة محمد .. وصلوا وتم محمد فتره فالسياره متوتر وبعدين نزل .. اتصل في ساره وقالها انه عند الباب ..
محمد: فروس .. انت خلك قريب توقع اي لحظه اسوي لك ترجع لي .. لاتروح بعيد ..
فارس: ولا يهمك .. الله يرضى عليكم ..
محمد بتوتر: فديتك فروووس .. يلا سلااام
فارس: الله يرعاك ..
دخل محمد ميلس بيت اهل ساره .. كانت الساعه 11 ونص تقريبا .. انتظر فالميلس 5 دقايق على ما نزلت له ساره .. اول ما فتحت الباب التقت عيونها بعيون محمد .. تساقطت دمعات على خدها وهي تركض لمحمد بشوق وتحضنه .. لـــحـــــظه .. هاي كان خيال محمد .. نرجع للواقع .. دخلت ساره وهي منزله راسها .. وقف محمد وتم يراقبها وهي تمشي بخطوات واثقه باتجا .. مد يده مشتاق للمس يدها .. بتكبر صدت عنه وقعدت بالكرسي اللي جنبه .. ماستغرب هالحركه .. عداها لها وقعد بكل هدوء ..
محمد: ساره ..
ساره: نعم ..
محمد: ليش تسوين جي ؟ انتي شو شفتي علي عشان تشكين فيني ؟
ساره: .................
محمد: ساره حياتي .. انا جاي اتفاهم معاج .. ابي اخذ اللي بخاطرج ..
ساره: ماشوفك افتكرت فيني طول الفتره اللي راحت ..
محمد" قاسيه": كنت ماعطج فرصه تفكرين بالمشكله وتراجعين نفسج .. محد فينا كامل .. كلنا نغلط ..
ساره بعصبيه: بس انا مو غلطانه بشي ..
محمد: المصيبه لما الواحد ما يعترف بالغلط ويستمر فيه ..
ساره: شو قصدك ؟
محمد: كلامي واضح .. علميني يا ساره .. شو هالافكار اللي جاتج مره وحده ؟
ساره: ما جاتني الافكار مره وحده بس في ناس جزاهم الله خير فتحوا عيوني على اشياء انا كنت غافله عنها ..
محمد بقهر: حسبي الله ونعم الوكيل ..
ساره التفتت عليه: ليش ؟
محمد: لان اللي لعب بعقلج هدم حياتنا ..
ساره: الا ما هدمت ولا شي .. انا اللي كنت غبيه ..
محمد: انتي عن ايش تتكلمين ..
ساره: بنت عمك ..
محمد: يا بنت انا حلفت لج ان ما في قلبي شي لها .. محد خذ قلبي الا انتي .. زين بسألج .. انتي شفتي علي شي ولا على فاطمه بنت عمي ..
تقاطعه ساره: لا تقول اسمها هالحقوده ..
محمد يكمل: بنت عمي مو حقوده .. احفظي لسانج يا بنت الناس ..
ساره: اي تعزها علي ..
محمد بعصبيه: ماعزيت حد عليج .. سمعيني يا بنت الناس .. بنت عمي طول عمري عادها مثل اختي ..
ساره: قبل ممكن اصدق هالكلام .. لكن الحين مستحيل ..
محمد: انتي ما فكرتي ليش هالناس اللي فتحوا عيونج قالوا لج هالكلام؟
ساره: والله يبون مصلحتي ..
محمد: وانتي يالعاقله تشوفين ان مصلحتج بانج تهدين بيدج كل اللي بنيناها مع بعض ؟
ساره: قلت لك كنت غبيه قبل ..
محمد: ساره فديتج .. انتي اكبر من هالكلام كله .. انتي حب حياتي .. انتي زوجتي ام عيالي .. ساره حبيبتي مافكرتي في عيالج قبل ماتسوين هاي كله ؟
ساره" عيالي": خلك من هالكلام كله يا محمد ..
محمد: انا اتكلم فالهوا .. شلي الافكار من راسج ؟ وخلي العذال عنج .. بيهدمون حياتج ومحد بيخسر الا انتي ..
ساره: يوم اكتشتفت الحقيقه ما بخسر شي .. بس لو تميت غافله وعلى ويهي بخسر كل شي ..
محمد وقف: خلاص خلي الحقيقه واللي قالوا لج الحقيقه ينفعونج .. انا ما راح استمر معاج بهالطريقه .. انتي في صوب وانا في صوب .. قعدي بيت هلج مع اللي هدموا بيتج .. وانا مع عيالي في بيتنا بكرامتي ..
ساره بطلت عيونها: هاا .. محمد انت شو تقول ؟
محمد وهو رايح عند الباب: خل تنفعج افكارج .. شكلهم غسلوا مخج عدل .. عيالج ما راح تشوفينهم .. جيتج بالطيب وانت ما رضيتي .. ماعندي اسلوب غير الطيب .. هاي اخر مره تشوفيني فيها بالحلال .. ومسك يدها وباسها .. ساره كانت واقفه تسمع محمد بذهول .. ترك يدها وطلع من غير رجعه ..
ساره تمت واقفه مكانها منصدمه وماتسمع غير ( هاي اخر مره تشوفيني فيها بالحلال ) .. قعدت على الارض تصيح .. ما عرفت كيف تتصرف .. تروح لمحمد وتترجاه يرجع في قراره او تنسى لانه يخونها مثل ما تفكر .. رن جوالها وكانت المتصله صديقتها عليه ..
عليه: ساره .. بشريني شسويتي ؟
ساره وسط دموعها: بيطلقني ..
عليه مبتسمه: احسن .. وش لج فيه ..
ساره: بس ما توقعت الامور توصل لهالدرجه ..
عليه: هو الخسران .. ما راح يقلى مثلج .. وبنت عمه فطوم قدره .. يبه قومي غسلي ويهج .. ولا عليج من كلامه ..
ساره: عليوه وعيالي ؟
عليه: مردج بتشوفينهم ..
ساره: بس انا امهم .. ماقدر اصبر عنهم ..
عليه: حبيبتي بتتعودين .. قومي اخذي لج شور انعشي فيه نفسج شوي .. وبعدها كلميني ..
ساره: زين ..
سكرت ساره من عليه اللي هدمت حياتها .. لان عليه غيرانه .. كانت متزوجه و زوجها طلقها لانها مريضه بالشك .. دوم تشك فيه .. بس طلقها بدون عيال .. عشان جي قسى قلبها .. خربت حياة ساره لانها تغار وتموت قهر لما تشوف ساره فرحانه بحياتها .. حاولت انها تفرق بينهم من قبل بس ما قدرت .. و اخيرا قدرت لما اقنعتها بفكرة ان في حب قديم بين فاطمه ومحمد .. ساره لانها تحب عليه وكسرت خاطرها لما تطلقت فكانت دوم الصديقه الوفيه واللي حاضره لها وقت طلبتها عليه .. بس عليه لانها خبيثه فكانت تتمسكن .. وقدرت تخرب عليها حياتها .. ( هل محمد بيطلق ساره؟ وساره شو ردة فعلها من بعد هالسالفه؟ ) ..




يتبع ..
__________________

محمد المسكين طلع من عند ساره وتمنى لو انه ماتزوج ساره من البدايه ..
محمد" لو تزوجت فطيم بنت عمي احسن .. رشحوها لها بس فضلت عليها ساره .. والله واغتريت فيج يا ساره بس راح اخليج تتحسفين على غبائج .. خلي العذال ينفعونج .. " ركب السياره وفارس التفت عليه ..
فارس: بشر حمودي ؟
محمد ابتسم مغصوب: لا جديد .. حرك ..
فارس " الله يعينك يا محمد": ولا يهمك ..
كانت الساعه 12 وربع .. محمد طلب من فارس انهم يروحون بيتهم ..
محمد: فروس .. خل نروح بيتكم
فارس: زين ولا يهمك ..
وصلوا بيت بوفارس .. دخلوا الصاله وكانت مريم متابعه التلفزيون اما فاطمه كانت توها داخله الصاله .. شافت محمد ورجعت بسرعه لانها ما كانت لابسه شيله ..
محمد " فديت هالشوف والله .. آآه برد خاطري الحين "
فارس: سوري فطيم .. حياك محمد ..
مريم: حيالله محمد .. شحالك ولد عمي ؟
محمد: هلا بالعروسه .. شو اخبارج ؟
مريم انحرجت: الحمدلله ..
محمد ضحك عليها: ه .. حلاتين على اللي تستحي ..
فارس: لا تحرج اختي لو سمحت .. عطنى مجال ..
مريم: عاااد .. فارس ..
محمد: اخوج ذي نذل ..
فارس: مرايم .. تصدقين ؟
مريم تقهر فارس: الحين صدقت ..
محمد وفارس:
محمد" وينها فطيم فديتها" ..
فارس: قومي سوي لنا عصير لو سمحتي لو ما عليج امر واذا ما فيها كلافه عليج ..
مريم: حشى فارس .. شو طالب انت عشان تقدم لي هالموشح كله ..
فارس: لازم ..
محمد: يستخف دمه الاخ ..
فارس التفت عليه: غصبن عنك دمي خفيف ..
محمد: مرايم .. من ايدج الحلوه عصير
مريم: ان شاء الله ..
فارس: هووووووب .. دكتور فالغزل حمودي ..
مريم: حمودي .. حلوه هاذي .. ه
محمد: باصفقه اخوج .. خليه عنج ..
مريم: انا بروح اسوي العصير قبل ما تجننوني .. وطلعت عنهم .. ومحمد ينتظر دخول فاطمه في اي لحظه .. كان ينتظرها بشوق ..
محمد " آآه يا فطيم .. خذتي عقلي .. "
فارس: وين رحت حماده ..
محمد: حماده ان شاء الله يصفقك ..
فارس ضحك بصوت عالي: ااااااااااااااااااااي ..
محمد: وجع ..
فارس: عسل على قلبي يا قلبي .. رن جوال فارس بس هالرنه كانت تبيه بوصول رساله .. فتح الرساله وقراها وابتسم .. محمد يطالعه ومبتسم ..
محمد: شو هالمسج .. ويسوي نفسه انه يبي يشوف الرساله .. وفارس يبتعد عنه ..
فارس: وخر مناك ..
محمد: زين ابي اعرف ردك على الرساله ؟
فارس: حمادوووووو
محمد مسك فارس من اذنه: من حمادوووو
فارس: آآآي ي ي .. محد .. هد اذني ..
محمد: بتعيدها ؟
فارس: آخر مره
محمد: قول توبه
فارس: آي آي .. توبه توبه ..
محمد ترك فارس: اسود الويه ..
دخلت فاطمه وشافتهم بهالمنظر .. غصبن عنها ضحكت ..
فاطمه باست فارس: شحالك اخوي ..
محمد كان يطالعها باعجاب .. التفت عليه فاطمه وتلاقت عيونها بعيون محمد .. نزلت راسها بخجل ..
فارس: طيب فديتج اختي ..
محمد: شحالج فطيم ؟
فاطمه وهي تقعد جنب اخوها: الحمدلله .. انت اخبارك واخبار اليهال ؟
محمد: طيبين يسرج الحال .. تنفس براحه .. ابتسم وطلع جواله تم يتعبث فيه ..
فارس: شحالج الغاليه ؟
فاطمه: تمام فديتك .. انت شو اخبارك؟ ما شفناك اليوم ؟ اشتقنا لك
فارس: ايه عليج اختي ..
فاطمه: اليوم بابا استغرب انك طالع من الصبح ..
محمد" يا ويل حالي على الدلع انا .. بابا .. حلوه طالعه من حلجها" ..
فارس: كان عندي شغل متراكم مال كم اسبوع ..
فاطمه: زين خالد مو مقصر ..
فارس: اعرفه خالد شغول .. بس في اشياء لازم اشيك عليها بنفسي .. وفي اشياء خالد يشيك عليها ..
فاطمه: اهاا .. يعطيكم العافيه ..
فارس: الله يعافيج .. التفت على محمد .. بن عمي .. شو هالهدوء ؟
محمد رفع راسه وتلاقت عيونه بفاطمه اللي كانت سرحانه فيه: لا .. بس كنت اشيك على جوالي ..
فارس: شو تشيك رسايل الحب والغرام .. رن جوال فارس والرنه ( عالي مستواه ) ..
محمد: لا مكالمات الحب والغرام .. رد بس ..
فارس وي صار احمر .. كتم الرنه وابتسم .. فاطمه تمت اطلع فارس بشك ..
محمد يحرج فارس: رد ليش كتمت الرنه ..
فارس فاتن عليه: لا سكروا ..
محمد: علينا عاد .. ما شوفك تكتم الرنه ..
دخلت مريم بالعصير: تفضلوا احلى عصير من ايديني الحلوات ..
فاطمه: بس ثنين .. وانا ؟
محمد لا شعوريا: ولا يهمج .. تفضلي عصيري .. مد يده لها بالعصير ..
فاطمه انحرجت .. لانها ما كانت تقصد ..
فاطمه: لا عادي محمد .. كنت امزح .. بروح اسوي لي ..
محمد باصرار: لا والله تشربين عصيري ..
فاطمه: لا شدعوه محمد .. عيب والله عيب .. انت الضيف ..
محمد: من قالج بعطيج العصير جي .. لا يبه شربيه بالعافيه .. بس بتسوين لي عصير من ايدينج الحلوات .. نقزت مريم: لا يبه انا اللي ايديني حلوات ..
محمد: ولا يهمج .. ايدينج حلوات .. وفطيم ايدينها بعد حلوات ..
فاطمه كانت بتموت من الحيا ..
فارس: فطيم شربي العصير .. ولا عليج منه لاتسوين له عصير ولا شي ..
محمد: افااا ..
فاطمه: لا بسوي حق ولد عمي .. طالعت محمد بحنان .. ولا يهمك يا محمد اسوي لك احلى عصير ..
محمد" فديتها": تسلمين بنت العم .. فيج الخير .. مو مثل هالدب فروس ..
مريم: احلى الدب فروس ..
فاطمه: حدكم عن اخوي .. الا فارس ..
فارس: فديت اختي اللي تفزع لي ..
محمد: حلاتين عليك يا فارس ..
فارس: ليش ؟
محمد: من يدافع عنك ؟
فارس: فطيم اختي ..
محمد: احسدك .. ورفع حاجب وطالع فاطمه ..
فارس ومريم: ه ..
طبعا محد فهم مغزى كلام محمد الا فاطمه .. قامت من مكانها وراحت تسوي عصير حق محمد .. وهي فالمطبخ تمت تفكر في كلام محمد ..
فاطمه " شو فيه محمد ولد عمي .. وايد تغير .. نظراته تغيرت .. كلامه غير عن قبل .. بديت اخاف منه " كانت مندمجه وهي يتغسل الكاس .. وانكسر الكاس وادخل شوية زجاج في يدها وانجرحت .. صرخت ..
فاطمه: آآآي .. فارس ..
فارس سمع صوت اخته وركض لها المطبخ ..
فارس بخوف: شو فيج فطيم ؟
فاطمه اطالعه وتتألم: فارس .. يدي ..
قرب منها وشاف الدم اللي بيدها .. خاف على طول سحبها من ايدها وراح الصاله ..
فارس: مرايم روحي جيبي عباية اختج ..
مريم بخوف: شو فيج فطيم ؟
فاطمه: انكسر الكاس بيدي ودش الزجاج .. آآي .. حطت راسها على صدر فارس وصاحت ..
فارس: بسرعه مرايم فديتج .. حضن اخته .. حياتي فطيم الحين بوديج المستشفى ما عليج شر حبيبتي ..
محمد كان يطالع فاطمه بخوف: سمالله عليج فطيم .. انا السبب ..
فارس: ليش انت ؟
محمد: انا اللي طلبت منها تسوي لي عصير ..
فارس: لا يا ريال لاتقول جي .. زين محمد فديتك شغل السياره على ما نجيك ..
محمد وهو طالع: من عيوني .. " كل شي لعيون فطيم يهون " .. فارس كان حاضن فطيم ويسكتها ..
فارس: فطيم فديتج .. الا كاس وانكسر لاتكبرين الموضوع ..
فاطمه وسط دموعها: يدي تعورني فارس .. والله تعورني ..
فارس: فديت يدج يا فطيم ..
دخلت عليهم مريم وعطت فاطمه العبايه لبست عبايتها وهي تصيح ..
مريم: اجي معاكم .؟
فارس: لا فديتج ماله داعي .. بس بلغي الكل ..
مريم: ان شاء الله .. ايه عليج فطوم ..
طلع فارس مع فاطمه وركبوا السياره مع محمد .. اتصل عبدالعزيز لفارس .. اللي حس بتوأمه ..
فارس: هلا عزيز
عبدالعزيز: اخبار فطيم؟
فارس: ما عليها شر ان شاء الله .. احنا قريب المستشفى
عبدالعزيز: اجيكم ..
فارس: لا يبه ماله داعي .. كلها الا جرح صغير بس اختك دلوعه حبتين ..
فاطمه بعفويه: فاااااارس ..
فارس: اووه انتي هني ..
فاطمه صاحت: والله يعورني ..
محمد: ما تشوفين شر بنت عمي .. ما عليج من فروس بس يبي يلعوزج ..
فاطمه سمعت كلام محمد وحست براحه ..
فارس: زين عزيز وصلنا المستشفى .. باكلمك اول ما نطلع ..
عبدالعزيز: الله يحفظكم ..
وصلوا المستشفى .. نظفوا لفطيم الجرح وخيطوه لها .. كانت ماده يدها وتتألم ..
الدكتور: خليها ترتاح على السرير شويه ..
فارس: ان شاء الله ..
الدكتور: ما تشوفين شر اختي ..
فاطمه: مشكور دكتور ..
الدكتور: العفو ..
فارس: ما بتكتب لها ادويه او شي ؟
الدكتور: ما تحتاج .. بس بكتب لها بندول تقدر تجيبه لها من الصيدليه ..
فارس: خلاص صار ..
راح فارس ورا الدكتور عشان ياخذ الورقه منه .. اما محمد تم مع فاطمه .. رجع الدكتور يتطمن على فاطمه بعد ما عطى فارس الورقه ويصرفها فالصيدليه ..
الدكتور موجه كلامه لمحمد: زوجتك قويه ما شاء الله عليها ..
محمد وفاطمه انصدموا بكلام الدكتور ..
الدكتور: ما شاء الله كانت هاديه واحنا انظف لها الجرح .. ان شاء الله ما عليج شر اختي ..
محمد: يعطيك العافيه دكتور وماقصرت ..
الدكتور: الله يعافيك .. وسلامات ماتشوفون شر ..
طلع الدكتور من الغرفه اللي كانت فيها فاطمه .. محمد كان واقف عند الباب وفاطمه شبه منسدحه على السرير .. كل واحد منهم يفكر في كلام الدكتور ..
( زوجتك قويه ماشاء الله عليها ) .. هالجمله تترد على مسامع محمد وفاطمه .. دخل فارس وشاف حالهم استغرب ..
فارس: ها فطيم الحين احسن ..
فاطمه سرحانه: .............
فارس: فطومه .. مسك كتفها بهدوء .. فطيم وين رحتي ؟
فاطمه: هلا فارس ..
فارس: احسن الحين حبيبتي ؟
فاطمه اي ..
فارس: نروح البيت ؟
فاطمه: اي .. يلا ..
محمد طبعا ما كان احسن من فاطمه .. سرحان وهو واقف عند الباب ..
فارس: محمد ..
محمد: ............
فارس: شو فيكم اليوم .. حمود ..
محمد: هلا ..
فارس: يلا بنحرك ..
محمد: ان شاء الله ..
فارس: مسك اخته ومشى معاها لين وصلوا السياره .. ركبت السياره وهي ومحمد في بالهم شي واحد
( زوجتك ) هالكلمه حركت مشاعر محمد اللي اتجهت ناحية فاطمه .. اما بالنسبه لفاطمه هالكلمه خلتها تفهم غموض محمد في الفتره الاخيره .. وفهمت سر نظراته وتغير اسلوبه معاها .. اما فارس كان مستغرب هدوء محمد المفاجئ .. وصلوا البيت نزل فارس ونزلت فاطمه .. ومحمد رجع البيت وقلبه متعلق بكلام الدكتور ..
اما فاطمه فكان استقبال بوفارس لها قطع عليها حبل افكارها ..




يتبع ..
__________________

بوفارس: فديت ام الزين انا .. سمالله عليج حبيبي ..
فاطمه خنقتها العبره وحضنت ابوها وصاحت: بابا ..
بوفارس تنهد: عيون بابا انتي .. ما تشوفين شر يا قلبي ..
فاطمه تمسح دموعها: يعور
بوفارس: اجر ان شاء الله يا قلبي ..
فاطمه: الحمدلله على كل حال ..
بومحمد: بعدي عليج يالغلا .. الحمدلله على كل حال .. تعالي داخل حبيبتي ..
ايمان: سمالله عليج فطيم ؟ ما تشوفين شر ..
فاطمه: الله يسلمج حبيبتي ..
فارس: الا يدها تعورها .. فطوم دلوعه ترا ..
ايمان: عاد تقولي عن فطوم .. الدلع لاعت جبده منها ..
فاطمه وهي تتألم: والله انتوا ما تحسون .. وراحت غرفتها تصيح ..
بوفارس التفت على عياله: زين جي زعلتوا غلاي ..
فارس يقلد ابوه: زين جي زعلتوا غلاي .. يا حرام ..
بوفارس سحبه من شعره: يا اسود الويه ..
فارس: آي آي آي .. شو فيكم علي اليوم ..
بوفارس: من ؟
فارس: انت تسحب شعري .. وحمود اذني .. انا اللي بروح المستشفى الحين ..
ايمان وبوفارس: ..
طلعت ام فارس من غرفتها متج لغرفة فاطمه تطمن عليها .. طقت الباب .. وفاطمه فتحت لها ..
ام فارس: فديت بنتي انا .. ما تشوفين شر يالغاليه ..
فاطمه تمسح دموعها: ماما .. يعيبون علي ..
ام فارس تحضنها بحنان: ما عليج منهم محترين منج ..
دخل جاسم: اي ما عليج منهم .. ماتشوفين شر اختي ..
التفت ام فارس على جاسم: ويه .. انت مو نايم ؟ شو اللي قعدك ؟
جاسم: قعدت مع الحشره ..
ام فارس: فديتك انا .. تطمنت على اختك ..
جاسم: سلامات فطومه ..
ام فارس: الله يخليك لاهلك .. روح نام يا قلبي ..
جاسم: ان شاء الله .. طلع جاسم .. وتمت ام فارس تواسي بنتها واطبطب عليها .. وفاطمه كانت تتألم من الخياطه .. تمت مع بنتها لين غطت عينها .. غطتها وطلعت عنها ..
ام فارس شافت الكل متجمع في الصاله اللي فوق ..
ام فارس: جويسم روح نام ..
جاسم: .. بكره اجازه عادي ..
بوفارس يمسح على شعر ولده: معليه خليه يقعد معانا شوي ..
ام فارس: جاسم روح نام يبه ..
جاسم بحزن: زين .. راح غرفته .. واللي تموا فالصاله ايمان وفارس وبوفارس ..
ام فارس: الحين البنت في حاله وانتوا قاعدين تتمسخرون عليها .
فارس يهمس لابوه: الله يعنك الليله ..
بوفارس ابتسم: كله من فروس .. هو اللي يقول عنها دلوعه ..
ام فارس: ما يصير جي .. وطالعت فارس بنظره .. وانت سمعتك ..
فارس يضحك: .. فطيم دلوعه ..
ام فارس: خل عنك السوالف .. ولا تقعدون تسون جي في بنتي ..
ايمان: صج هي وايد دلوعه ؟
دخلت عليهم مريم: من الدلوعه ؟
ايمان: فطوم الياهل ..
ام فارس: ايمانو لمي لسانج احسن لج ..
ايمان: ما قلنا شي ..
مريم: شو اخبار فطيم ؟
فارس: ما فيها شي .. بس نظفوا الجرح من الزجاج وخيطوه لها ..
مريم: وين هي الحين ؟
ايمان: في غرفتها تدلع ..
ام فارس بعصبيه: يعني كلامي ما ينسمع ..
ايمان: ولين .. زين زين ..
راحت مريم غرفة اختها .. لقتها نايمه .. غطتها عدل .. وطلعت عنها ..
مريم: نايمه فديتها ..
بوفارس: زين مرايم .. شو قرارج المبدئي ؟
مريم انحرجت ونزلت راسها ..
ايمان: السكوت علامة الرضا .. كللللووووش
ام فارس: وجع يا ايمان ..
ايمان قامت من مكانها: اوووووه .. الواحد ما يفرح بعد .. طلعت عنهم وراحت غرفتها ..
ام فارس: احسن بعد .. ها مرايم يمه ما رديتي على ابوج ؟
مريم مبتسمه: فكرة الزواج انا مو مستنكرتها ومتقبلتها الحمدلله .. بس احتاج وقت عشان ارد عليكم ..
بوفارس: هاي اللي كنت ابي اعرفه .. دام الفكره انتي متقبلتها اخذي راحتج بالتفكير ..
فارس: تستاهلين كل خير يا مرايم .. والفال حق فطيم وايمان ان شاء الله ..
الكل: ان شاء الله ..
قام فارس وراح عند ايمان .. اما بوفارس ومريم وام فارس تموا مع مريم يسولفون معها عن الزواج واهميته ..
طق الباب على ايمان ودخل على طول ..
فارس: ايماني ..
ايمان كانت تصيح في فراشها .. قرب منها فارس ورفع اللحاف عنها ..
فارس: ايماني .. ليش زعلانه ؟
ايمان تمسح دموعها: ماما شو فيها صايره عصبيه معاي ؟
فارس: يعني اول مره امي تكون جي ؟ تعرفينها هي الكل بالكل فهالبيت .. اذا ابوي ما يقدر يكسر كلامها صح
ايمان: ادري ..
فارس: انتي ترا مثل امي .. شخصيتج قويه ..
ايمان رفعت راسها: انا ؟!
فارس: اي .. فديت امي الله يحفظها ما تسكت عن حقها ..
ايمان: شو اسوي لو انا طالعه على امي ..
فارس: فديتج لاتزعلين منها .. بس هي لانها قفلت علي انا وابوي يوم قطعنا فطيم وصيحناها ..
ايمان: فطوم دلوعه ..
فارس: كلكم جي مو بس فطوم ؟
ايمان: اي فطوم دلوعتك ما ترضى عليها ..
فارس ضحك: ه .. مو هاي قصدي ؟
ايمان: عيل ؟
فارس: بس كلكم يا خواتي فيكم هالدلع .. فطيم يمكن بزياده ..
ايمان: يعني انت قلت بنفسك ..
فارس: اي هي وايد حساسه .. و كانت تتألم واحنا نضحك ونتمسخر .. يعني ما كان وقته ..
ايمان: لا هي دلوعه وايد ..
فارس: زين زين .. هي دلوعه وايد ولا يهمج .. قومي غسلي ويهج ولا تزعلين من امي ..
ايمان: ان شاء الله ..
فارس: انا بروح ارتاح وانتي نامي فديتج ..
ايمان: ان شاء الله ..
طلع فارس من عند ايمان .. وهو مار على الصاله شاف مريم مع امه وابوه .. ابتسم لهم ودخل غرفته ..
خذ له شور دافي .. بعده حس بانتعاش .. خذ التلفون واتصل بمناف ..
مناف: هلا والله
فارس: فديت قلبها انا ..
مناف منحرجه: شخبارك؟
فارس: الحمدلله .. انتي شو اخبارج؟
مناف: طيبه والحمدلله ..
فارس: اخبار فيصل وعبدالله ؟
مناف: الحمدلله ..
فارس: الحمدلله .. مناف ..
مناف: آمرني ..
فارس: واااااي .. ما يامر عليج العدو .. فديت الذرابه انا
مناف انحرجت: فارس لاتحرجني بكلامك ..
فارس: فديت قلبج يا مناف ..
مناف: قولي وش كنت تبي من شوي ؟
فارس: كنت ابي اقولج اني مشتـــــاق ..
مناف" فديتك": ........
فارس: حياتي مناف ؟
مناف لا شعوريا: فديتك يا فارس ..
فارس: اموت في كلامج يا مناف ..
مناف: فارس ..
فارس: يا قلبه انتي ..
مناف: في خاطري كلام ودي اقوله لك ..
فارس: قولي فديت قلبج ..
مناف: فارس .. انا .. انا .. انا وايد تعلقت فيك .. بس طلبتك
فارس: عيونه ..
مناف: فديت عيونه .. مالي حد فهالدنيا .. لا تتخلى عني او تلعب بقلبي .. وصاحت ..
فارس"يعني تحبني": يا مناف انتي مو جزء مني .. انتي صرتي كلي .. والله العظيم اني بحطج بعيوني وما راح اخلي شي يمسج .. وبحافظ عليج .. وهالكلام انا قلته لج من قبل .. بس بأكد لج عليه الحين .. و اللي رفع سابع سما يا مناف بحطج بعيوني .. واذا في خاطرج شي قوليه الحين .. وانا حاضر لج .. مسحي هاللولو يا قبله انتي
مابيج تصيحين .. دموعج غاليه يالغاليه ..
مناف: انا محتاجه حنان .. من بعد الوالد الله يرحمه ضعنا .. قبل كنا على الاقل عايشين ..
يقاطعها فارس: انا تحت امرج يا مناف .. وحاضر باللي في خاطرج .. طلباتج اوامر ..
مناف: انا مابي منك شي يا فارس غير انك تحطني بعيونك ..
فارس: انتي مو بس فعيوني .. انتي ملكتيني كلي ..
مناف بخجل: الله يخليك لي يا فارس ..
فارس: آمين يا قلبي انتي .. تنهد فارس براحه .. زين يا قلبي انتي .. روحي نامي تأخر الوقت .. وقعديني للصلاه
مناف: ان شاء الله ..
سكروا وكل واحد وده يطير من وناسته بما في قلب الثاني له ..
فارس ارتاح لما مناف ابدت له اهتمامها فيه وقالت له انها تعلقت فيه ..
مناف ارتاحت لما قالت لفارس هالكلام .. لانها حبته من قلبها .. غزا قلبها بحبه وحنانه ..
كل من مناف وفارس نام براحه وعمق ..




يتبع ..
__________________

محمد كان متشتت .. يفكر في كلام زوجته وتصرفاتها الغريبه .. ويفكر في كلام الدكتور ( زوجتك )
محمد " لو فطيم كانت زوجتي .. هل بستانس معاها ؟.. هل بتشك فيني ؟ .. كيف بتكون حياتي معاها ؟
آه يا ساره ليش تسوين فيني جي .. شو اللي خلاج تشكين .. ومن تكون هاذي اللي لعبت بمخج وقصت عليج هدمتي اللي بنيناه سنين .. ضيعتي عيالنا .. حياتي معاج انتهت يا ساره انتهت .. " تم يفكرويفكر .. ماقدر ينام .. طلع من غرفة النوم وراح صالتهم .. شغل التفزيون وتم يقلب قنوات التلفزيون بملل .. تم فتره على هالحال .. مسك جواله وتم يتعبث فيه .. راح المكالمات المستلمه وشاف رقم فاطمه بنت عمه .. تم يطالع الرقم ولاشعوريا اتصل .. رن التلفون فتره وبعدين ردت فاطمه بتعب ..
فاطمه: نعم .. وبان على صوتها التعب ..
محمد بارتباك: مممممم .. مرحبا فطيم ..
فاطمه ما كانت مستوعبه الصوت: من ؟
محمد: انا محمد ..
فاطمه بطلت عيونها: محمد !
محمد: آسف متصل هالوقت المتأخر .. بس حبيت اتطمن عليج ؟
فاطمه قلبها كان يدق بسرعه: ها .. مممممممم
محمد: شلون يدج الحين ؟
فاطمه: الحمدلله .. بس تعورني الخياطه ..
محمد: ما تشوفين شر .. ان شاء الله بتتحسن .. خذتي الحبوب ؟
فاطمه: لا اول ما رجعت نمت ..
محمد: اخذيه عشان يخفف الالم .. وماشاء الله الدكتور يقول انتي قويه .. وتحملتي الالم
فاطمه تذكرت ( زوجتك ): باخذ الحبه بعدين ..
محمد: ماتشوفين شر يا فطيم بس لازم تاخذينها ..
فاطمه: الشر مايجيك .. ومشكور ما قصرت يا محمد ..
محمد: على شو تشكريني ؟
فاطمه: عنيتك معانا المستشفى .. وكفايه وقفتك ما قصرت يا بونايف ..
محمد: ولو احنا حاضرين لج يا فطيم .. انا اللي اسف .. انا السبب .. لو ما طلبت منج ما كان هاي كله صار ..
فاطمه: لا يا محمد لاتقول هالكلام .. اللي صار الله كاتبه ..
محمد: والنعم بالله .. بس انا تقيردت عليج وقلت لج تسوين لي ..
فاطمه: الحمدلله على كل حال .. ولا يهمك اي وقت تبي نسوي لك .. افا عليك ولد العم ..
محمد: ما تقصرين يا فطيم ..
فاطمه: الله يسلمك .. زين انا الحين بروح اخذ الحبه وارجع انام ..
محمد" حلوه التصريفه يا بنت العم": ما تشوفين شر الغاليه ..
فاطمه" الغاليه": الله يجيرك من الشر .. مع السلامه ..
محمد: الله يحفظج .. سلااام ..
سكر منها وهو مو مستوعب اللي استوى !!
محمد" انا صاحي ولا حلمان ؟ .. شلون سويت جي ؟ الوقت متأخر .. شو هالجرأه اللي جاتني ؟ شو بتقول عني فطيم ؟ يالله انا ليش سويت جي ليش ؟" تم يلوم نفسه وهو مو مستوعب كيف سوا هالحركه ..
اما فاطمه المسكينه كانت منصدمه اكثر منه ..
فاطمه " محمد متصلي هالحزه .. يسأل عني ؟ غريب هالانسان .. شو فيه .. بس صوته كان حزين .. احسه محتاج يتكلم مع حد .." تمت تحاتي ولد عمها .. راحت تاخذ الحبه مثل ما وصاها محمد .. بعدين نامت ..
مريم كانت تفكر في خالد .. خلصت من صلاة الاستخاره وهي مرتاحه .. وهاي مو اول مره .. من اول ما قالوا لها ان خالد تقدم لها وهي تصلي الاستخاره .. وكل مره تصلي تكون مرتاحه ..
مريم" الحمدلله ان ارتاح في كل مره .. احمدك واشكرك يا رب .. يا رب توفقني مع خالد .. يا رب ترزقنا بالذريه الصاله .. يا رب اكون عند حسن الظن " تمت تدعي في هالليله انها تتوفق مع خالد ..
اما ايمان المسكينه وايد تأثرت بالكلام امها .. نامت وهي زعلانه وماخذه على خاطرها ..
جاسم نام بهدوء وعمق .. بوفارس عاتب ام فارس على تعاملها مع عيالها .. مرت هالليله على خير على الكل تقريبا .. الا شخص واحد ..
ساره .. اللي وايد تأثرت بكلام محمد .. كلامه صحاها من غفله عاشتها فتره من الوقت ..
ساره " كلام محمد صح .. يعني اللي يبي مصلحتي ما راح يهدم حياتي .. انا شو سويت في حياتي .. شلون انجرفت ورا اكاذيب عليه .. هل كنت في كامل قواي العقليه .. شلون خليتها تهدم حياتي .. محمد اللي ماحب غيري شلون اشك فيه .. وفاطمه اللي في حالها هالطيبه .. شلون قلت عنها الكلام اللي قلته .. ما تستاهل طول عمرها تحب الناس .. وتحبني وايد .. العاقله انا قلت عنها جي .. هالانسانه الشفافه الرقيقه .. حسبي الله ونعم الوكيل شو كنت بستفيد من كل اللي سويته ؟ شو الغرض منه؟ .. يا رب تسامحني .. انا لازم الحق على محمد قبل ما يتخذ القرار اللي قالي عنه امس .." قامت ساره من مكانها .. واتصلت لمحمد على طول .. تم التلفون يرن فتره .. محمد شاف التلفون وهو متعجب ..
محمد عاقد حواجبه " ساره متصله ؟ شو عندها .. ليكون فيها شي " .. رد على طول ..
ساره تصيح: محمد ..
محمد: قلبه انتي .. شو فيج ساره حبيبتي ..
في هاللحظه اللي محمد سمع فيها صوت ساره .. نسى الدنيا كلها ..
ساره: محمد انا اسفه .. سامحني .. كنت غبيه ومغفله .. وتمت تصيح بصوت عالي ..
محمد: اهدي شوي يا حياتي .. شو فيج يا قلب محمد انتي ..
ساره: ابيك يا محمد .. ابــيــك ..
محمد وقف مكانه: الحين جايج يا حياتي انتي .. سكر منها وطلع من البيت بسرعه .. ماعرف كيف وصل بيت اهل ساره .. ساره كانت تنتظره فالحوش وهي ترجف بخوف وتصيح .. فتحت له الباب .. و شافته واقف جدامها وارتمت في احضانه وحضنته بكل قوتها ..
ساره وسط دموعها: لا تتركني يا محمد لا تتركني ..
محمد شلها ودخل الميلس معاها .. سكر باب الميلس .. وقعدها على الكرسي وقعد مجابلها على الارض .. مسك يدها وتمت يفركها بيده بقوه .. ساره تصيح ودموعها تساقطت على يد محمد .. مسك ويها وقرب منها ..
محمد بحنان: فديت زوجتي ساره .. هاي ساره اللي اعرفها .. وباسها على جبهتها ..
ساره حضنته: محمد سامحني .. سامحني .. قصوا علي عشان يهدمون حياتي .. شافوني سعيده معاك وغاروا منا .. محمد لاتتركني .. انت كل شي في حياتي يا محمد .. غلطه وتعلمت منها ..
محمد حط يده على شافيفها: بس يا قلب محمد انتي .. لاتقولين شي .. حضنها وتم مغمض عيونه ..
اما ساره تأنيب الضمير ذبحها على اللي سوته في محمد .. تمت بين احضان محمد مغمضه عيونها تسمع دقات قلبه .. حست قلبه مليان كلام .. دقات قلبه تقولها انه يموت فيها ..
تموا في احضان بعض فتره .. محمد مسك ساره من كتفها ورفع راسها من على صدره وحط ايدينه على ويها ..
محمد: حبيبتي ساره .. مابي هالشي يتكرر .. انتي حياتي وانا لايمكن اخونج ..
ساره ودموعها على خدودها: سامحني يا محمد .. انا كنت مغفله وغبيه يوم سمعت كلامها .. حسبي الله عليها .. اوعدك ما يتكرر هالشي .. باقطعها ولا راح اكلمها .. والله بياخذ حقي منها ..
محمد وقف: حياتي يا ساره .. لا تفكرين اني بكرهج في يوم .. انا كل يوم اتعذب وانتي بعيده عني .. حالتي حاله
ساره: والله يا محمد كنت اكابر جدامك بس .. اما من داخلي كنت كل يوم احترق وقلبي يتقطع على قربك يالغالي
مسكها من يدها وسحبها بقوه تجا .. اتحدت اجسامهم وصارت كأنها جسم واحد .. تلاقت عيونها وتشابكت اياديهم .. كل من يستنشق نفس الثاني .. محمد لف يده ورا ظهر ساره .. وساره طوقت رقبه محمد بايدينها .. قرب شفته من ويه ساره وهمس بصوت خفيف ..
محمد: احبج يا اغلى انسانه ..
ساره: فديت انفاسك يا محمد .. والله انك غالي يالغالي ..
محمد: شفت شلون انا وانتي جسد واحد ..
ساره: اي ..
محمد: ابي نتم جي طول العمر .. مانفترق .. ما يفرق بينا الا الموت ..
ساره: الله يخليك لي يا محمد .. يا عزوتي ..
محمد: انا كلي لج .. ابتعد عنها شوي .. يلا حياتي قومي نرجع عشنا ..
ساره بابتسامه خذت فيها قلب محمد: من عيوني يا غلاي ..
محمد: الله لا يحرمني هالبسمه يا قلب محمد انتي ..
طلعت ساره من الميلس .. ومحمد تم واقف مكانه .. وده يطير من الوناسه .. اخيرا بترجع له ساره وبيرجع الفرح له ..
محمد" فديت قلبج يا ساره " .. دخلت عليه ساره بعبايتها وشنطه صغيره ..
ساره مبتسمه: حياتي يلا ..
محمد قرب منها وشل الشنطه عنها: يا قلب محمد انتي .. طلعوا من بيت ساره .. وركبوا السياره ..
محمد كان يسوق بهدوء وماسك ايد ساره وكل شوي يبوسها ويشمها ..
محمد: فديت ريحة الغاليه ..
ساره مستانسه: الله يخليك لي يا بعد كلي ..
محمد: والله يا ساره الحين طاب خاطري .. احس اني انولدت من جديد .. فرحتي ما تنوصف .. واخيرا بنرجع انا وانتي ونايف وناصر في عشنا الصغير ..
ساره: آآه يا محمد .. لو بيدي ارجع الزمن ورا .. كنت باغير اللي صار كله يا حبيبي ..
محمد: حبيبتي اللي صار غلطه تعلمتي منها .. بس طلبتج قولي تم ..
ساره: عيوني لك .. ما قدر ارفض لك طلب ..
محمد: فديت عيونج يا قلب محمد انتي .. شوفي .. قطعي هالبنت الدنيئه .. وكل ربعج .. مابي تكون لج علاقه باي حد سمعتي .. خلي علاقتج فيهم مناسبات بس .. حتى تلفون قطعيهم .. الربع ما جاج من وراهم الا المشاكل لو في خاطرج شي قولي لي انا وبس .. حتى اختي وبنات عمي خلج معاهم مثل قبل .. بس ماتفتحين لهم مجال يتدخلون في حياتنا او انتي تسولفين معاهم عن اي شي يصير بينا .. حتى ابسط حدث يصير في حياتنا لو كان تافه بس يعتبر سر بنا انا وانتي بس ..
ساره: اوعدك يا محمد ان كل الكلام اللي قلته يتنفذ ..
وصلوا البيت وساره حست برهبة دخول البيت .. كأنها اول مره تدخل البيت .. اول ما دخلوا الصاله حست براحه مشت جنب محمد واياديهم متشابكه ببعض .. ركبوا الدري وهم فرحانين .. دخلوا الغرفه اللي كانت مضلمه ونورت بوجودهم مع بعض وقلوبهم صافيه .. محمد سكر الباب وراه بسرعه وسحب ساره لين غرفة النوم .. دزها على السرير وانسدج جنبها .. كانت ساره تشوفه بوناسه .. تكى على ايده وتم يطالعها وهو مبتسم .. مرر اصابعه على ويها وهو يقولها ..
محمد: انتي طالق طالق طالق ..
ساره قامت من النوم مفزوعه وتصرح: لااااااااااا .. محمد لاتطلقني .. لا لا لا ..
حمدت ربها انها كانت تحلم .. تمت تفكر بينها وبين نفسها وتتذكر احداث الحلم .. عاشت الحلم بكل تفاصيله ..
ساره " معقوله انا اكون غبيه جي .. ليش سويت جي ؟ شو غرضي من هاي كله .. محمد مو مقصر علي بشي يحبني وانا اشك فيه .. " قامت وصلت ركعتين وتمت تدعي ربها وهي تصيح .. ندمانه على كل شي سوته .. خلصت صلاه وتمت تصيح مو قادره تحبس دموعها .. تذكرت عيون محمد لما نزلها بيت اهلها .. تذكرت شوقه لما جاها امس .. تذكرت لمسة يده فالحلم ..
ساره " مشتاقه لك يا محمد .. اخاف تسوي اللي في بالك يا محمد .. عطني فرصه ارجوك .." ما قدرت تنام من القلق .. قررت تنتظر اول ماتطلع الشمس عشان تكلم محمد ..
( يا ترى شو بيكون قرار محمد بعد اتصال ساره ؟ )

اذن الفجر .. بومحمد قام و قعد عياله عشان الصلاه .. رجعوا من المسيد وكلن رجع ينام .. على الساعه 6 رن جوال محمد .. فتح عيونه بتعب يطالع الجوال .. استغرب من الرقم .. فتح عيونه عدل وقعد على السرير وهو يشوف الرقم .. غطى اخوه عدل وطلع من الغرفه .. ( محمد من تركته ساره وهو عايف غرفته دوم ينام عند علي اخوه) .. نزل تحت ورد على التلفون ..
محمد: مرحبا ..
ساره بخجل: محمد ..
محمد غمض عيونه بقوه: نعم ..
ساره: انا اسفه .. وصاحت ..
محمد قلبه عوره عليها: ساره شو فيج ؟
ساره: محمد انا غلطانه .. كنت غبيه .. قصوا علي .. كلامك كله صح .. انا اسفه سامحني ارجوك
محمد بجفا: زين والمطلوب مني الحين ؟
ساره بصدمه: محمد ! ..
محمد: نعم
ساره: لا يا محمد لاتقسى .. انا اعترف اني غلطت .. ارجوك سامحني .. لاتقسى ..
محمد غصبن عنه حن قلبه: آآآآه يا ساره .. انتي قلبتي كياني .. ليش سويتي فيني جي ..
ساره وسط دموعها: كنت غبيه والله كنت غبيه .. سمعت كلام اللي يغارون مني وما بغوا مصلحتي ..
محمد: الحين تأكدتي من كلامي ..
ساره تقاطعه: ارجوك يا محمد لاتقسى ..
محمد سكت فتره: زين بامرج اليوم الساعه 11 بنتفاهم ..
ساره بندم: آسفه ..
محمد قلبه دق بسرعه .. حسها طالعه من قلب ساره ..
محمد: ولا يهمج .. اليوم ابي اتغدى من ايدينج الحلوات سمعتي ..
ساره مسحت دموعها وابتسمت: والله .. عيوني لك يا محمد .. اسوي لك كل اللي تبيه فديت قلبك ..
محمد مبتسم: فديتج يا ساره ..
ساره بفرح: انتظرك محمد ..
محمد: خير ان شاء الله ..
سكر محمد وهو فرحان بقرار زوجته .. سجد نص الصاله وتم يحمد ربه ان زوجته رجعت في قرارها ..
اما ساره كانت طايره من الوناسه .. والتوتر اللي عاشته قبل ما تتصل خف وحست نفسها انولدت من جديد .. وعدت نفسها انها ما تسمع كلام اي شحص ولا تقول لاي حد عن حياتها مع زوجها .. تنفست براحه وراحت تتجهز وتجهز غرفتها عشان زوجها الغالي عليها ..
روتين كل يوم في بيت بومحمد وبوفارس والجوهره يعيشونه كلهم .. يتوجهون لاشغالهم ومدارسهم ..
في الجامعه مريم وفاطمه رايحين مع بعض وكل وحده حضرت اول محاضره وتلاقوا مع لطيفه صديقتهم في الكفتيريا .. مريم طلعت متأخر وشافتهم قاعدين مع بعض وأشرت لهم من بعيد ..
فاطمه أشرت لاختها ..
لطيفه: فطيم .. مريم اختج هاذي باكلها .. تجنن
فاطمه التفتت عليها: وانا مو عاجبتج يالدبه ..
لطيفه: خخخخخ .. مريم غير ..
مريم: هلا وغلا ..
لطيفه: وااي فديتج مرايم .. لو عندي اخو زوجتج اياه ..
مريم نزلت راسها من الخجل ..
فاطمه تغير الموضوع: زين لطوف .. متى بتجهزين للعرس ؟
لطيفه: خلاص قريب بيخلص الفستان ..
مريم: واااو .. تستاهلين .. متى بنشوفج لابسته
فاطمه: قريب .. خلاص مابقى شي .. كلها الا كم اسبوع ..
لطيف: واااي والله كل ما تذكر ان يوم العرس قرب اتوتر ..
فاطمه: انا موجوده ولا يهمج ..
لطيفه تقرض خدود فاطمه: فديت قلبج يا فطيم .. بدونج انا ماسوى والله
فاطمه انحرجت: لطوف احنا خوات فديت قلبج ..
مريم: هيي انتوا لاتسون لنا فلم هندي .. خلاص فطوم ولطوف انتوا مثل الخوات ليش مسوينها سالفه
فاطمه ولطيفه: ه مريوم ..
لطيفه: زين فطوم ابيج تكونين معاي يوم العرس ..
فاطمه: ولا يهمج .. باجهز من وقت ..
تقاطعها لطيفه: لا فطوم .. ابيج من الصبح معاي .. تعالي لبسي عندي وسوي شعرج معاي وتمكيجي معاي ..
فاطمه: ولا يهمج لطوف .. لو تبين بارقد عندج بعد العرس ولا يهمج ..
لطيفه: لا اختي دورج ينتهي بعد ما يوصل ريلي ..
البنات: ه
فاطمه ميته من الضحك: الله يغربلج لطوووف
مريم: بس حلوه منج ه
لطيفه ميته من الضحك: .. خلاص الله يغربلكم ..
فاطمه: والله .. انتي اللي سكتي ذبحتينا ..
تموا البنات يضحكون بهستيريا على كلام لطيفه .. من بعد هالضحك مريم راحت محاضرتها .. اما لطيفه وفاطمه تموا مع بعض لان عندهم محاضره الساعه 10 ونص ..
لطيفه: فطيم ..
فاطمه: هلا حبيبتي ..
لطيفه: مافي حد مني مناك ؟
فاطمه: ها ؟ شلون يعني ؟
لطيفه: ما تقدم لج حد من عيال عمج ؟ يعني انتي عندج عيال عم اكبر منج خالد وعلي
فاطمه تغير ويها: لا والله يا لطوف ..
لطيف: ليش ؟
فاطمه: بيني وبينج لطوف ..
لطيفه: ولو احنا خوات
فاطمه: خالد ولد عمي تقدم حق مريم اختي ..
لطيفه ابتسمت اول شي .. بعدين تغير ويها ..
لطيف: ليش مريم ؟
فاطمه: النفس وما تشتهي والقلب وما يهوى ..
لطيف: فطوم سؤال وجاوبيني بصراحه ..
فاطمه عيوني لج ..
لطيفه: ما حز في خاطرج لما طلب مرايم وانتي لأ ؟
فاطمه: بالعكس الا فرحت لها والله من كل قلبي ..
لطيفه مبتسمه " والله قلبج كبير يا فطيم .. الله يكبر حظج ويرزق بولد الحلال "
فاطمه: زين قومي نروح المحاضره الساعه 10 القاعه بعيده ..
لطيف مبتسمه: اوكي ..
راحوا البنات محاضرتهم .. في هالاثناء كانت ساره تتجهز عشان لقائها مع محمد .. طبخت له من ايدينها الاكله اللي يحبها .. ولبست وتكشخت له حدها .. رتبت غرفتها وعطرتها .. وقفت جدام المرايه تشوف انعكاس صورتها
ساره مبتسمه: فديتك يا محمد .. والله بعوضك عن كل اللي فات .. تمت اطالع نفسها باعجاب قطع عليها حبل افكارها الجوال .. شافت الرقم وكانت المتصله صديقتها المزيفه عليه .. رفعت الجوال اطالع الرقم ردت وبكل بساطه قالت ..
ساره: شفتي هالرقم اللي دقيتي عليه .. مسحيه من لستت ارقامج زين ..
عليه منصدمه: شتقولين سارونه ؟
ساره: كلامي واضح يا صديقتي العزيزه .. لو اتصلتي مره ثانيه بيجيج شي ما شفتيه في حياتج .. وسكرت التلفون بكل هدوء .. رفعت راسها وشافت نفسها فالمرايه وابتسمت بانتصار .. طالعت الساعه اللي بيدها وكانت الساعه 10 ونص وحست بتوتر بقرب الموعد ..
محمد كان فالحلاق يرتب نفسه خفف اللحيه بعدين غير رايه وقال للحلاق يسوي له قفل .. خلص ورجع البيت خذ له شور دافي .. لبس تكشخ حده وطلع من البيت وهو مبسوط .. رن جواله وكان المتصل فارس ..
فارس: حيالله المعرس ..
محمد مبتسم: هلا والله
فارس: قالوا لي قافل شعندك ؟
محمد: منو قالك ؟
فارس: قالوا لي ..
محمد: باتفرغ لك بعدين فروس ..
فارس: شغل عدل الولد .. موفق حبيب قلبي .. سلااااااام
محمد: تسلم حبيب قلبي .. الله يرعاك ..
وصل محمد عند بيت اهل زوجته .. تمت قاعد فالسياره فتره .. طلع له دهن عود ودهن فيه شنبه وشوي ورا اذنه عدل الغتره بند السياره تنفس بعمق ونزل .. وقف يطالع باب بيتهم .. اتصل تلفون لزوجته ..
ساره: هلا وغلا ..
محمد مبتسم: انا عند الباب ..
ساره: الحين نازله ..
محمد: اوكي ..
ساره سكرت من محمد ونزلت بسرعه استقبلته عند الباب .. اول ما شافها محمد حس وده يركض ويحضنها ..
ساره واقفه ومنزله راسها: حياك محمد ..
محمد تقدم خطوه ومد يده لساره .. ساره شافت يده ومدت له يدها .. تشابكت الايادي بقوه .. مشوا لين غرفة ساره .. دخلوا وساره سكرت الباب وقفلته وراها .. محمد قعد على الكرسي وكان يطالع ساره وهي تمشي ناحيته قربت منه و وقف مكانه وحضنها بحنان .. تساقطت دموع ساره على كتف محمد وتمت تشهق من الصياح ..
محمد يمسح دموعها: حياتي انتي .. ليش هالدموع ؟
ساره: فديتك يا محمد .. انا آسفه سامحني سامحني ..
محمد حط يده على فمها: خلاص يا حياتي .. انا فاهم كل شي .. اهدي الحين اهدي يا قلب محمد انتي ..
ساره دفنت راسها في صدر محمد وغمضت عيونها .. محمد كان يمسح على شعرها ويهديها .. تموا على هالحال فتره وبعد ما هدت ساره شوي راحت تغسل ويها ورجعت لمحمد اللي كان قاعد على السرير ينتظرها .. قعدت جنبه ومسكت ايده وباستها ..
محمد طالعها وابتسم: ساره رفعي راسج ..
رفعت راسها اطالعه .. اما محمد طوق ويها بايدينه وقرب منها ..
محمد: اللي صار يا ساره درس لنا احنا الثنين .. مو بس انتي او انا .. لازم نتعلم منه .. واتمنى ما يتكرر هالشي
ساره: اوعدك يا محمد ان اللي صار ما راح يتكرر .. وباعوضك اللي فات صدقني ..
محمد: اتمنى يا ساره .. لان اللي صار مو شي هين .. انا شردت من البيت مابغيت حد يعرف بشي .. قلت لهم اني مسافر معاج .. فالاخير انصدت .. والكل يسأل عنج .. بس تعرفين طبع الاهل فالبيت ما يتدخلون ..
ساره منزله راسها: آآه يا محمد حطيتك بموقف مو حلو كلش .. من غبائي ..
محمد: تحصل .. وشلون الانسان يتعلم لو ما غلط ..
ساره: الحمدلله على كل حال ..
محمد يلعب بشعر ساره: بسألج يا قلب محمد انتي ..
ساره: اسأل يا عيونها ..
محمد: ليش قلتي فاطمه ؟
ساره بخجل: انقص علي .. قالت لي صديقتي انتي واثقه فيه .. قلت لها اي زوجي واعرفه .. قالت لي لا يبه ما عليج منه شيكي تلفونه وشوفي وين يروح ومع من واحسبي الوقت .. يا محمد جننتني .. خلتني اشك .. ولما قلت لها اني ماقدرت اصيد عليك شي لاني اعرفك عدل .. قالت لي بنت عمه تزوجت ولا بعدها وكانت تقصد فاطمه بحكم انها اكبر من فالعيله .. انا قلت لها فطوم تجنن ما شاء الله عليها هي بعصبيه قالت لي مالت عليج يالغبيه ما صارت تجنن في عيونج الا ان في شي بينها وبين ريلج وهي تقربت منج بس عشان ماتشكين فيها .. انا من غبائي صدقتها .. وسمعت كلامها وكل يوم والثاني تشحني .. لدرجة اني صدقت كل شي والشك سرى في عروقي .. حتى لو حركاتك ما فيها شي .. انا قمت اشك بدون سبب .. لين ذاك اليوم المشؤوم قالت لي افاتحك فالموضوع .. حسيت ان الموضوع اللي صار ما كان له هدف ليش انا سويت فيك جي .. بس لما قلبتها في مخي كان هدفها تفرق بينا .. والشي اللي وعاني كلامك يا محمد .. آآه يا محمد آآه
محمد حضنها: سلامتج من الآه .. بس اهم شي انج تعلمتي من هالدرس .. ولا ابيه يتكرر سمعتي ..
ساره ابتسمت ابتاسامتها اللي تاخذ قلب محمد: من عيوني يا غناتي ..
محمد باسها على جبهتها: فديت قلبج يا سويره .. زين انا باموت من الجوع .. متى بتغديني ..
ساره وقفت جدامه: عيوني لك .. الحين باجهز الغدا وباجيبه هني ..
محمد طالعها مبتسم: فديت عيونها ..
طلعت ساره ومحمد انسدح على السرير وتم يفكر باللي صار له ..
محمد " الحمدلله على كل حال .. معقوله صديقتها سوت جي .. ليش ماتحب تشوف الناس الفرحانين ؟ الله يهديها"




يتبع ..
__________________

دخلت عليه ساره وهي شايله الغدا .. رتبت السفره وقعدت على الارض ومحمد قاعد جنبها ..
محمد: الله شو هالريحه الحلوه يا حلوه انتي ..
ساره بوناسه: كل شي لعيونك يهون .. بس اهم شي ترضى علينا ..
محمد مبتسم: الحمدلله راضي عليج يا قلب محمد انتي ..
ساره: فديت قلبك ..
محمد: زين ابي اكل من ايدج ..
ساره: عيوني لك يالغالي .. وتمت تأكل محمد بيدها وهو فرحان ويتدلع عليها وهي طايره من الوناسه ..
خلصوا من غداهم .. و ريحوا شوي على السرير .. محمد كان منسدح وساره جنبه .. كانت حاطه راسها على صدره ويدها شابكتها بيده .. تموا يسولفون بأعذب كلام الحب .. لين ناموا بهدوء والحب والموده يحيطون بهم ..
قام محمد من النوم على المغرب .. فتح عيونه بوناسه وشاف ساره نايمه جنبه وهي ماسكه ايده .. سحب يده بهدوء وغطاها .. راح الحمام توضى وجمع العصر والمغرب .. خلص من صلاته وقعد على السرير جنب ساره يتأمل ملامحها الناعمه .. فجأه تذكر فاطمه بنت عمه ..
محمد " آآه يا ساره .. ليش سويتي فيني جي .. يا ترا شو اخبار فطيم الحين ؟ ان شاء الله يدها ما تعورها .. آيه عليها بنت العم " .. خذ جواله من على الطاوله وشاف 8 مس كولات من فارس .. اتصل فيه ..
فارس: صباحيه مباركه يا عريس ..
محمد ضحك: .. هلا والله
فارس: يقولون خلص كلام الحب فالدنيا كلها ..
محمد: ه .. الله يغربلك يا فروس ..
فارس: اااااااي .. ها بشر .. كسرت ضلوعها ..
محمد: يالهمجي مو انا اللي امد يدي ..
فارس: اخاف مسكتك هي و اشتغلت عليك بالخيازرين ..
محمد: اسود ويه يا فروس ..
فارس: وحشتني حبيبي ..
محمد: صج عاد ..
فارس: حمود .. شو سوت فيك .. ما شوفك تتكلم .. ليكون واقفه جدامك بالخيزران
محمد ميت من الضحك: .. ذبحتني يا فروس ..
فارس: حالتك صعبه ولد العم ..
محمد: زين شو تبي فروس ؟
فارس: افااا .. لا غيروك علينا .. الحين ما تبيني يا حمودي ..
محمد يكح: كح كح كح .. الله يغربلك يا فروس بسك ذبحتني من الضحك .. حس بيد ناعمه على كتفه .. التفت وشاف ساره واقفه ومبتسمه له ..
محمد: زين بكلمك بعدين .. فديت هالويه انا ..
فارس سمع هالجمله وسكر على طول ..
فارس" الحمدلله .. الله يوفقك يا حمودي ويبعد عنك المشاكل " ..
محمد مسك ساره وباسها على خدها ..
ساره مبتسمه: متى قعدت فديتك ؟
محمد: من شوي
ساره: ليش ما قعدتني ؟
محمد: ما حبيت اضايقج .. خليتج ترتاحين وتقعدين بنفسج حياتي
ساره حضنته: فديت عمرك ..
محمد: فديت ريحتج يالغاليه ..
صلت ساره ومحمد كان يراقبها .. بعد ما خلصت .. التفت عليه مبتسمه ..
ساره: حياتي تبي شاي ولا نسكافيه ؟
محمد: والله ابي نسكافيه يا قلب محمد انتي ..
ساره: من عيوني فديتك ..
نزلت تسوي نسكافيه لمحمد .. ومحمد كان فرحان بس فرحته مو كامله لان ساره خلته يفكر في فاطمه بنت عمه
الساعه 6 ونص .. سلمان كان في غرفته ويفكر .. يسترجع الاحداث اللي صارت له .. منظر البنت كان مؤثر بالنسبه له ..
سلمان " آآه شصار فالدنيا .. ليش الناس تغيرت وما قامت تفكر الا في نفسها .. حسبي الله ونعم الوكيل " ..
وفجأه تذكر فاطمه .. تذكر لما شافها فالمستشفى تذكر كلامها وضحكاتها .. تذكر ابتسامتها وعفويتها ..
فاطمه تكلم ابوها: بابا .. خلني اروح بيت صديقتي عاااد
بوفارس: ليش تروحين لها ؟
فاطمه: بابا تبيني اساعدها
بوفارس: في شو ؟
فاطمه معصبه: اووووه بابا قولي لاتروحين .. لاتقعد تسألني كل شوي سؤال ..
بوفارس مبتسم: زين فهمتي بعد ..
فاطمه صدت عن ابوها: اوهووووو .. مشت شوي بعيد عنه ..
بوفارس: تعالي يا دلوعة ابوها انتي ..
فاطمه بعفويه: مابي ..
سلمان كان واقف فالممر ومتابع هالمشهد بكل وناسه ..
بوفارس: تعالي يا بعد كلي انتي ..
فاطمه قعدت على الكرسي ومنزله راسها: مابي ماحبك بابا ..
بوفارس قرب منها: فديت دلوعة ابوها .. ماقدر ارفض لج طلب روحي يبه ..
فاطمه: لا خلاص مابي .. طابت نفسي ..
بوفارس: يه ليش عاد ؟
فاطمه ادز ابوها: بس .. وخر مناك
بوفارس يضحك: الحين معنيتني ومطلعتني من الغرفه عشان هالموضوع ويوم وافقت تقولين لأ ..
فاطمه: يعني لازم تسوي لي هاي كله بعدين توافق ..
بوفارس: اموت في دلعج يا فطيم .. لي شفتج تدلعين ودي اكلج والله
فاطمه ابتسمت بعذوبه: بابا ..
ابتسامتها ودلعها ذبحوا سلمان .. هو كان واقف فالممر واستخف على فاطمه .. غصبن عنه دخلت قلبه ..
بوفارس: زين يا حياتي قومي نروح داخل ..
فاطمه: يعني بروح ولا ؟
بوفارس يلعوزها: لأ ..
فاطمه عصبت: ماحبك .. دزت ابوها ومشت عنه .. دخلت الغرفه وبوفارس دخل وراها ..
سلمان وقف مكانه ويتذكر فاطمه وحركاتها ..
سلمان" آه يا فاطمه ذبحتيني .. خلاص يا قلبي انساها فاطمه ليوسف .. خلنا نعيش انا وانت من دون حب مرتاحين احسن لنا .. آه يا قلبي " .. طلع من الغرفه ونزل عند البنات .. لقى يوسف معاهم وكانوا مستانسين ويضحكون ويسولفون ..
سلمان: يه يه .. ضحكونا معاكم ..
هنادي: هلا والله بوالشباب ..
الجوهره عاقده حواجبها: هنود
هنادي التفتت عليها: خير الشيخه ؟ اقدر اساعدج بشي ..
الجوهره: حشى كلتيني ..
يوسف: لو سمحت بوالشباب لاتقطع عروسنا ..
هنادي: حلووووه منك ..
سلمان: هنود يالمربوشه شوي شوي ..
هنادي نطت على خالها: شلون بعد شوي شوي ؟
سلمان مبتسم: تبين تعرفين شلون ..
هنادي: اي ياليت اخوي ..
مسكها سلمان وعض خشمها ..
هنادي: آآآآآي .. خالي .. وصاحت ..
الكل: ..
هنادي غطت ويها وتمت تصيح ..
سلمان تم يطالع الجوهره: يه من صجه بوالشباب يصيح .. قرب منها وحط يده على كتفها ..
هنادي دزت يده: وخر عني ..
سلمان مبتسم: افااا .. انا اوخر عنك بوالشباب
هنادي وهي تصيح: عورتني ..
سلمان: خير يعني ؟
يوسف: اي خير يعني ..
الجوهره: انتوا يالريايل دفشين .. ماتعرفون تتعاملونمع الجنس الناعم ..
يوسف التفت على سلمان: ااااااااااااي ..
سلمان: بس بوالشباب قوي ..
هنادي رفعت راسها: ماحبك خالي وراحت غرفتها ..
يوسف: يه .. ذي من صجها ..
سلمان: خلكم بروح اراضيها ..
يوسف التفت على الجوهره: تعرف اتدلع هنود ..
الجوهره: الله يغربلها هنود مينونه هاذي ..
راح سلمان ورا هنادي الزعلانه ..
سلمان: يا فراوله دلع ..
هنادي تمسح دموعها: خالي زين جي خشمي صار احمر ..
سلمان: زين عادي ..
هنادي: شلون اروح الجامعه بكره وخشمي احمر
سلمان: عادي قرصتج نمله في خشمج ..
هنادي: خااااالي ..
سلمان يضحك: .. زين هالاحمرار بيروح ..
هنادي: لا بيعلم ..
سلمان: بيعلم من ؟
هنادي: عقدتني خالي خلاص ..
سلمان باس راسها: ولا يهمج الغاليه .. انا اسف ..
هنادي: فديت قلبك خالي لاتعتذر .. انا ما زعلت بس عضتك تعور ..
سلمان: فديت خشمج انا .. قومي اوديج اخذ لك كوفي لاتيه وفادج كيك ..
هنادي بوناسه: والله .. يلا قداااااااااام ..
سلمان " فديت برأتج يا هنوده": لبسي انتظرج تحت ..
نزل سلمان والجوهره ويوسف يطالعونه بفضول ..
يوسف: ها بشر خالي ..
سلمان: قوموا عازمكم على كوفي ..
الجوهره: يس .. وراحت غرفتها ..
يوسف: قصوا عليك الحريم ..
سلمان: ه .. قوم انت بعد تزبر يالزقرت ..
يوسف: .. ولا يهمك
طلعوا كلهم يلبسون .. تلاقوا كلهم فالصاله .. الجوهره شافت خالها ..
الجوهره: خالي شهالزين ؟
سلمان: اي زين ؟
هنادي: خالي اول مره اشوفك شعرك ؟ وين تخشه ؟
سلمان ضحك: ه .. اخشه داخل ملابسي ..
الجوهره: يجنن شعرك خالي ..
هنادي: طوله خطير .. وغليض ماشاء الله ..
يوسف: لا تقصه خالي اقهرهم ..
سلمان: لا مو قاصه الحين .. خل يطول زياده عشان ارتبه ..
هنادي: من متى ما قصيت شعرك خالي ؟
سلمان: تقريبا 4 سنين ..
هنادي: يجنن خالي ماشاءالله .. اول مره نلاحظ شعرك لانك فالبيت دوم بالجلابيه وبرا بالثوب .. اما اليوم لابس جينز بان شعرك .. لا ومسوي قذله بعد ..
سلمان: لا والله بروحها ما سويتها ..
الجوهره: بس شكلك روعه وكل شوي نزلت على ويهك ..
سلمان انحرج: زين يلا نمشي ..
يوسف: انا بروح بسيارتي حد بيجي معاي ..
البنات: لأ ..
يوسف: بل ..
الكل: يتبع ..

طلعوا وراحوا المجمع اللي فيه الكوفي شوب اللي دوم يروحون له .. دخلوا الكوفي شوب واختاروا لهم طاوله في زاويه عشان ياخذون راحتهم فالقعده والسوالف .. طلبوا المعتاد وقعدوا يسولفون .. الا شافوا ولد صغير بعكازه ماشي صوبهم ومبتسم .. يوسف وسلمان عرفوه على طول .. كان جاسم ..
جاسم: السلام عليكم .. سلم على سلمان ويوسف خشم ..
يوسف: حيالله بومحمد .. شحالك ؟
جاسم: طيب الله يسلمك .. اعلومك ؟
يوسف: طيب طاب حالك ..
التفت جاسم على سلمان: شخبارك بوخليفه؟
سلمان: الحمدلله بخير انت شحالك صغيرون ؟
جاسم: الحمدلله .. شو مسوين ؟
سلمان: والله فرحانين بشوفتك .. من جايبك ؟
جاسم: مع الوالد وعيال عمي ..
يوسف: من سلطون وفهد ؟
جاسم: اي ..
البنات استخفوا على جاسم ..
الجوهره: حبيبي تعال ..
جاسم انحرج وقرب منها ..
الجوهره باسته على خده: شحالك فديتك ؟
جاسم وي احمر: طيب الله يسلمج ..
الجوهره: شسمك فديت قلبك ؟
جاسم: جاسم بن محمد ..
الجوهره: والنعم والله .. كتكوت يجنن ..
هنادي: تعال صوبي الحين ..
جاسم انحرج ومشى صوب هنادي .. وهو ماشي كان بيطيح بس مسكه يوسف ..
يوسف: سمالله عليك ..
سلمان خاف وقام مشى جنبه ..
هنادي باسته: واااي يجنن فديته .. جاسم كم عمرك ؟
جاسم: 9 ..
هنادي: واااي فديته .. العمر كله يا عسل ..
تم جاسم منزل راسه منحرج ..
سلمان: بس احرجتوا الولد .. خذه عنده وقعده في حضنه ..
يوسف: شعليك بومحمد البنات مطقوك يا سلام .. وين عزوز وفضول عنك .. جاسم مات من الضحك ..
جاسم: ه .. راحت عليهم .. وانحرج وحط يده على فمه .. اوبس ..
الكل: ..
سلمان: ابوك وينه ؟
جاسم: ابوي هناك .. وأشر على المحل اللي مقابلهم .. كان محل ملابس رجاليه ..
سلمان: زين تعال اوديك له .. وابي اسلم عليه ما شفته من فتره .. يوسف اقعد من خواتك لين ارجع ..
يوسف: ان شاء الله ..
هنادي: لحظه خالي .. ابي ابوسه ..
الجوهره: وانا بعد ..
راح عندهم جاسم و بوسوه البنات .. الا يوسف يطالعه ويهمس ..
يوسف: الله عليك الجسمي .. محد قدك ..
جاسم بهمس: فاتهم الشباب ..
يوسف ضحك بصوت عالي: .. والله خربوك هالميانين ..
جاسم: ه .. مسك يد سلمان ومشى معاه ..
الجوهره: شنو هالصبي يجنن ..
يوسف: الجسمي وحليله خربوه الشباب الله يغربلهم ..
هنادي: شلون ؟
يوسف قالها موقفه يوم العزيمه اللي سوها لما طلع من المستشفى .. شلون فاضل وعبدالعزيز لعوزوه على البنات .. وكانوا يسألونه وخالد زفهم ..
هنادي: شياطين ربعك ..
الجوهره: ه ..
يوسف: اقولج ولد عمهم سكتهم .. عاد هاذي وايد جاد .. حتى الجسمي زفه ..
الجوهره: ينادونه الجسمي ..
يوسف: اي وحليله ..
هنادي: ودي اكله هالولد .. يجنن ..
الجوهره: انتي شفتيه شلون نتوف .. ما تقولين هاذي 9 سنين .. تعطينه 6 سنين ..
هنادي: الله يحفظه وايد صغيرون .. بس شفيه بالعكاز ؟
يوسف: دخل رمح الصيد في ريله .. تدرين ان هالولد كان بين الحيا والموت ..
الجوهره بحزن: يا حرام .. شلون ؟
يوسف: فقد دم ودخل في غيبوبه .. بس الحمدلله قام منها ..
هنادي كانت وايد متأثره: مسكين .. بعدين وش له بالرمح ذي بعد ؟
يوسف: الولد يحب الصيد .. وكانوا رايحين محل اداوات بحريه وبالغلط ضغط الزناد ودش الرمح في ريله ..
هنادي: الحمدلله .. شلون كانت ردة فعل اهله ؟
يوسف: والله قالي اخوه الكبير انهم كانوا ما يذوقون النوم من كثر ما كانوا يحاتونه .. بعدين هو اخر العنقود ..
الجوهره: المدلع .. الله يحفظه و يخليه لاهله ..
تموا يسولفون عن جاسم .. اما سلمان اول ما شاف بوفارس وايد استانس ..
بوفارس: هلا والله بوخليفه ..
سلمان: شحالك بوفارس ؟
بوفارس: الحمدلله طيب .. انت شحالك ؟ وينك ما تبين يا ريال ؟
سلمان: الحمدلله .. بس شاغلتنا الدنيا ..
بوفارس: الله يعينك .. شعندك مع جسوم ؟
سلمان: ونعم التربيه يا بوفارس .. جاسم شافنا من بعيد وتعنى وجى سلم علينا .. والله وعرفت تربي يا بوفارس
بوفارس مستانس: ما عليك زود يا بوخليفه .. زين تعال نقعد نتقهوى ..
سلمان: ان شاء الله بس بخبر الاهل اول ..
بوفارس: حلو .. باخلص من هاللي جننوني ونتلاقى ..
سلمان مبتسم: خير ان شاء الله ..
راح سلمان وقالهم انه بيقعد مع بوفارس شوي ..
يوسف: خذ راحتك خالي ..
سلمان: مو مطول لان معاه العيال وهو ما يبي يطول بعد ..
هنادي: اوكي خالي بنغلس على يوسف لين ترجع ..
الكل:
رجع سلمان لبوفارس وقعدوا في نفس الكوفي شوب اللي فيه عيال اخته .. بوفارس صرف جاسم وعيال اخوه وقعد مع سلمان ..
بوفارس: لا تسون لي مشاكل سمعتوا ..
سلطان: ان شاءالله عمي ..
راحوا الشباب يلعبون .. وسلمان تم يسولف مع بوفارس ..
بوفارس: ها بشر .. شو سويت بمشروعك ؟
سلمان: والله فارس ومحمد ما قصروا معاي .. بس محتاجين وقت ندرس الموضوع اكثر .. لي معارف في امريكا برتب معاهم عن البضاعه ..وبخصوص المحل فارس قالي بيشوف لي محل موقعه حلو .. ومحمد قالي بدش معاك شريك ..
بوفارس: حلو والله .. قلت لك العيال اعرفهم ما راح يقصرون معاك ..
سلمان: رايتهم بيضه .. وصج ما قصروا معاي ..
بوفارس: الله يوفقكم .. الا بقولك سلمان ..
سلمان: آمرني الغالي ..
بوفارس: ما يأمر عليك العدو .. متى بنفرح فيك ؟
سلمان وي صار احمر: الله كريم ..
بوفارس: شو اللي بخاطرك يا سلمان ؟ قولي وانا ابوك ..
سلمان: ما تقصر يالغالي .. بس مافكر فالعرس الحين .. انت تدري ان الزواج مسؤليه كبيره ..
بوفارس: عدل كلامك . .انت شو قاصرك .. ريال متعلم مثقف مزيون .. جسم مرتب و طول ويهك منور وماشاءالله عليك سنافي .. مو قاصرك شي ..
سلمان مبتسم: من طيب اصلك والله .. بس هالموضوع مو مستعد له .. الحين بابني نفسي خلها كم سنه قدام ..
بوفارس: لا يبه وين كم سنه قدام .. انا بزوجك يا سلمان .. العمر يمشي .. ماتبي تشوف عيالك ؟ ماتبي الحضن الدافي .. ماتبي الحب ؟
سلمان: والله كلامك حلو يا بوفارس ..
بوفارس: انا ماضغط عليك .. بس انت الحين ركز على مشروعك وباذن الله خل يمشي المشروع .. وانا بنفسي بروح معاك وبنخطب لك ..
سلمان منحرج: ماتقصر يا بوفارس ..
بوفارس: ولو محتاج شي ترا حاضرين لك ..
سلمان: الحمدلله مستوره .. وما راح استحي منك . .انت مثل ابوي واخوي يا بوفارس ..
بوفارس: احسنت هاي الكلام اللي ابي اسمعه .. زين استأذن يا سلمان .. بس لاتقطعنا ..
سلمان: ان شاء الله ..
سلموا على بعض .. طلع بوفارس من الكوفي شوب اما سلمان رجع عند عيال اخته ..
يوسف: طولتوا .. شقلتوا ؟
هنادي: لقافه .. خالي شهالموضوع المهم اللي خلاك اطول هالكثر ..
سلمان: لا والله .. يعني جبتيها بطريقه ثانيه .. احسن منه ..
يوسف وهنادي: ..
الجوهره: خالي اطلب لك شي ؟
سلمان: لا فديتج .. شربت مع بوفارس ..
تم سلمان مع عيال اخته يسولف ويضحك وقلبه وعقله مشغولين بفاطمه اللي ماقدر انه يشلها من باله ..

في بيت بوفارس اللي كان توه واصل من المجمع مع عيال اخوه و ولده .. وكان مصدع منهم ..
بوفارس: سنداره هالعيال ..
جاسم يصفق ويغني: ياللي على البال تطري وانت ما تدري ..
سلطان يكمل عليه: عاش الجسمي عااااااش ..
جاسم ويترقص: وش ذنب قلب(ن) رسم لك حبه العذري .. يا سلاااااام ..
بوفارس يطالعهم: الحمدلله والشكر .. مشى عنهم وراح قعد في الحديقه عند ام فارس .. والشباب كملوا ترقصهم والاغاني داخل ..
ام فارس كانت تراقبهم وهي مبتسمه ..
بوفارس قعد بتعب: آآآه جنوني هالشباب ..
ام فارس مبتسمه: ليش ؟ شو مسوين ؟
بوفارس: فالمجمع كل شوي دخلوا لي محل وما خلوا شي ما خذوه .. وفالسياره مشغلين الاغاني ومستطربين حدهم .. مافي غير فهد اللي ضايع وسطهم ..
ام فارس: فديتهم والله ..
بوفارس: الغاليه هاج غترتي .. وجيبي لي شي بارد ابرد على قلبي ..
ام فارس خذت غترته: ان شاءالله ..
تم بوفارس قاعد بروحه .. وجاته ايمان محتجه .. بوفارس كان يطالعها ويقول " آآه بعد ايمان .. انا مو ناقص "
ايمان: بابا ..
بوفارس بتعب: عيونه ..
ايمان: بابا شوف مريوم
بوفارس: شوفيها ؟
ايمان: اكلم صديقتي و احرجتني جدامها ..
بوفارس: شو قالت لج ؟
ايمان: تقولي ام كشه ..
بوفارس ضحك: .. زين ما قالت شي غلط ..
ايمان رفعت حاجب: بــابـــااااا .. وراحت عنه ..
بوفارس: ه .. ايمانو عليج حركات ..
رجعت ام فارس وفي يدها عصير ليمون بالنعناع مع ثلج .. حطته جدام بوفارس اللي شربه مره وحده من العطش والتعب ..
بوفارس: آآه تسلم يدج الغاليه ..
ام فارس: بالعافيه .. الا بسألك بوفارس ..
بوفارس: هلا والله
ام فارس: ابي اخطب حق ولدي فديته ..
بوفارس: زين ما رحنا نخطب حق بوسعود .. خل الناس يردون علينا
ام فارس: لا فديتك .. اقصد فارس ..
بوفارس: اي ي فروس .. هاذي راسه يابس .. ما يبي يعرس الحين ..
ام فارس شو ما يعرس الحين ؟ بكره بشوف له ذيك البنت اللي بتعجبه ..
بوفارس: لا .. تحملي تسوينها ..
ام فارس: ليش ؟
بوفارس: دام الولد ما تكلم لا تسوين شي من وراه ..
ام فارس: ما راح اسوي الحرام .. بخطب له ..
بوفارس: لي قال ابي اعرس .. دوري له .. لا تسوين شي من غير ما تشاورينه ..
ام فارس: باحطه جادم الامر الواقع ..
بوفارس: تعرفين فارس .. بيفشلج جدام الناس ..
ام فارس: اعرفه عنيد .. بس يا بوفارس كم عمره الحين ؟
بوفارس: دخل الثلاثين ..
ام فارس: زين شو اللي مانعه ؟
بوفارس: كيفه يا بنت الحلال .. خليه على راحته ..
ام فارس كلمه زين ..
بوفارس: لا ماني مكلمه .. لي بغى العرس بيجي يتكلم ..
ام فارس تضايقت: ماعندك سالفه انت بعد .. ليكون تعرف وش خرابيط ولدك وساكت ..
بوفارس يطالع الكاس اللي كان بيده: لا ماعنده خرابيط الولد ..
ام فارس: اكيد يحب له وحده ؟
بوفارس: ولا يحب ..
ام فارس: شو اللي تعرفه وخاشه عني ..
بوفارس بكل برود: ماعرف شي ..
ام فارس فار دمها: احر ما عندي ابرد ما عندك ..
بوفارس: شو تبيني اقولج ..
ام فارس: شو اللي خاشه عني عن ولدك ؟
بوفارس قام من مكانه: قلت لج ولا شي .. بس لاتجبررين الولد على شي هو مو مفكر فيه .. مشى عنها وهو معصب ..
ام فارس " آخ لو اعرف شو اللي بينكم انتوا الثنين "




يتبع ..
__________________

في هالاثناء كان فارس غرقان فالحب مع مناف ..
فارس: فديت قلبج يا مناف .. تدرين خاطري شو اسوي الحين ؟
مناف: قول فديتك ..
فارس: ودي امسكج وادزج فالبحر ..
مناف عصبت: يعني ما عندك الا انا تسوي فيها جي .. بايخ ..
فارس: هههههه .. فديت اللي يعصبون انا ..
مناف بدلع: ماحبك ..
فارس: لااااااا .. اراضيج غلاي ..
مناف: لا تتمسخر علي ..
فارس: فديت قلبج بس احب اشوفج وانتي معصبه ..
مناف: سخيف ..
فارس: فديت الزعلانين .. منوفه حبيبتي ..
مناف ضحكت: شنو منوفه .. ههههههه
فارس: فديت هالضحكه .. احبج بكل حالاتج يا مناف .. بس وانتي معصبه ودي اكلج .. وسكت .. آسف ما كنت اقصد ..
مناف تغير الموضوع: ما كلمك فيصل اخوي ؟
فارس " اهم شي اللي تغير الموضوع": بلا كلمني امس .. وحليله كان مستانس .. شو اخبار عبود اخوج ..
مناف بحزن: الوحيد اللي مو قادر يستوعب موت نايف ..
فارس: الله يعينه .. اخوج لازم يطلع من الهم اللي فيه ..
مناف: عيزنا معاه ..
فارس: طلعوا روحوا مجمع او حديقه ..
مناف: و الله يبه هالاماكن حق عيال العز .. احنا الا عيال الفقر ..
فارس: ليش هاكلام يا قلبه انتي .. الله الغني والله الفقير .. حياتي ليش هالكلام ؟
مناف: آآه يا فارس تدري ان في حياتي ما رحت مجمع الا مره وحده لما كنا فالمدرسه خذونا رحله على مجمع عشان نلعب .. وكنت الوحيده اللي مستغربه واطالع بانبهار وذهول .. تخيل الدري الكهربائي خفت اركبه لان ما عرفت كيف اركبه .. والمصعد يوم ركبونا فيه تميت اصيح لان المكان كان ضيق و صغير اختنقت وكل البنات معاي كانوا مستغربين مني خفت يا فارس خفت .. و بعض البنات كانوا يضحكون علي يقولون ما شافت خير .. الالعاب اشوفها وانا مو مصدقه اللي اشوفه بعيوني .. اشياء تتحرك و ليتات تولع واشياء تطير .. اشوف البنات كلهم مستانسين ويلعبون وانا الوحيده اللي تميت قاعده على الكرسي جنب المدرسه .. واشوف البنات ياكلون من السندويشات ويشربون العصاير والايسكريم اللي دخل خاطري وانا ما كنت اقدر اشتري .. اشوفهم بحسره .. آآه كرهت ذاك اليوم يا فارس ..
فارس: فديت قلبج .. انا اوديج واخذ لج كل اللي نفسج فيه .. ولا يهمج يا مناف ..
مناف: انا مابي شي يا فارس .. فديت عمرك ..
فارس: آآه يا مناف فديت قلبج .. زين باوديكم واخذي كل اللي تبينه .. انتي أشري وانا بدفع ..
مناف: والله مابي شي يا قلبي ..
فارس: فديت روحج يا مناف .. بس انا اقصد روحي انتي واخوانج وانا بتلاقى معاج هناك وباخذ لكم كل اللي نفسكم فيه ..
مناف: مشكور وماتقصر يا قلب مناف انت ..
فارس: يا حي هالكلام اللي يشرح الصدر ..
مناف: والله تستاهل يا فارس .. الله يحفظك فديتك ..
فارس: منوفه ..
مناف: هلا والله ..
فارس: يعني تحبيني مناف ..
مناف باحراج: شهالسؤال ؟
فارس: جاوبيني ..
مناف: فارس ..
فارس: عيونه انتي .. جاوبيني ..
مناف بخجل: اي احبك يا فارس .. بس للحين ما مت فيك ..
فارس و مناف: هههههههههه ..
فارس: فديت هالضحكه .. ان شاء الله دوم فديتج ..
مناف: فديتك يا فارس .. بس تعال بسألك ؟
فارس: تحت امرج احنا ..
مناف: يا قلبي انته .. زين تذكر اخر مره جيتني فيه عند البيت ؟
فارس: اي انا ماقدر انسى اي لحظه شفتج فيها يا قلبي انتي ..
مناف: زين بسألك كنت لابس تي شيرت مكتوب عليه بالعربي .. يجنن فارس .. و بصوت خفيف .. كان روعه عليك ..
فارس: التي شيرت وراعيه ما يغلون عليج ..
مناف منحرجه: تسلم لي والله ..
فارس: بكره يكون عندج ..
مناف: لا فديتك مابيه .. بس كنت ابي اقولك انه يجنن واللي محليه انك لابسه ..
فارس: عاد انتي ما فهمتي .. حجه وحاجه يا قلبه انتي ..
مناف: هههههههه .. يالشرير ..
فارس: ههههه .. فديت قلبج غلاي ..
مناف: زين حياتي .. انا لازم الحين اروح اشوف امي واخواني .. وباكلمك فالليل ..
فارس: خلاص حياتي صار .. انتظر اتصالج ..
مناف: مع السلامه ..
فارس بهمس: حياته ..
مناف بصوت واطي: هلا ..
فارس: احبج ..
مناف منحرجه: فديتك ..
فارس: سلام ..
مناف: مع السلامه ..
سكرت مناف وهي تشوف شاشة الجوال ..
مناف " فديته " ..
سكر فارس وهو فرحان ..
فارس " اموت فيها " ..
قام من السرير و لبس وتكشخ حده .. نزل وشافته امه ..
ام فارس: فارس يبه ..
فارس: هلا والله الغاليه .. وباس راسها ..
ام فارس: وين بتروح يبه ؟
فارس: طالع مواعد الربع ..
ام فارس: وين تروحون يمه ؟ هياته فالشوارع على الفاضي ..
فارس: وين نروح عيل .. نتونس لي تجمعنا مع الشباب ..
ام فارس: فارس يبه .. ما تبي تعرس ..
فارس ابتسم لامه: لا يمه مابي اعرس ..
ام فارس: لي متى يمه بتم عزوبي ؟ صار لك شي يبه .. في حد في بالك ؟
فارس بهدوء: لا الغاليه ما صار لي شي ولا حد في بالي .. بس ما فكر فالعرس الحين ..
ام فارس: فارس يا ولدي غديت ريال .. وما عليك قصور .. بس ناقصتك المره ..
فارس: يا يمه .. لا تفتحين هالموضوع معاي .. عرس مافكر فيه الحين ..
ام فارس عصبت: وليش ما تفكر فيه .. ابي اشوف عيالك ..
فارس: ان شاء الله بتشوفينهم .. بس مو الحين ..
ام فارس بحده: لا بتتزوج يا فارس .. بروح اخطب لك بنفسي ..
فارس رفع حاجب: روحي خطبي لي .. وشوفي شلون اسوي فيكم .. باقطع ويهكم عند العرب ..
ام فارس: بنشوف يا فارس انا ولا انت ..
فارس قام من مكانه: سوي اللي تسوينه وانا بسوي اللي ابيه ..
ام فارس تصارخ: ارجع يا فارس انا ما كملت كلامي ..
فارس منزل راسه: السموحه الغاليه .. تفضلي ..
ام فارس: منو هاذي اللي مادري وين لافي عليها وقاصه عليك ..
فارس رفع راسه ومبطل عيونه: نعم .. يمه شو هالكلام ؟ انا ماعرف حد عشان تقولين عني جي .. ولا في حد في بالي عشان اقولكم ابي اتزوج .. فضيها سيره الله يخليج .. لاتكرهيني فالعرس وسيرته ..
ام فارس: لا تعاندني يا فارس ..
فارس مشى عن امه مغصوب ولا رد عليها .. تضايق من الحديث اللي دار بينهم .. طلع من البيت وعلى طول اتصل في محمد ..
محمد: شو فيك فروس ؟
فارس: متهاوش مع امي ..
محمد: شو صاير ؟
فارس: انت وين الحين ؟
محمد: مع الاهل ..
فارس: خلاص عيل لي فضيت كلمني ..
محمد: ان شاء الله ..
فارس: لاتشغل بالك فيني .. عيش جوك ..
محمد: ما اتوب فروس ..
فارس: احب اغلس عليك ..
محمد: ههههههه .. سلام
فارس: سلام ..
سكر فارس وهو مو عارف شو يسوي .. ضاقت فيه الوسيعه .. تم يحوط الشوارع بدون هدف .. ما حب يكلم مناف لانه لو كلمها بيقول لها كل شي .. وهو ما يبي يجرحها بهالكلام لانهم توهم بأول المشوار .. وهو ما يثق ويفضفض الا لمحمد ولد عمه ..


سلمان وعيال اخته رجعوا من الكوفي شوب وهم مستانسين على الاخر .. لان عيال اخته من بعد الموقف الغريب اللي عاشه خالهم يحاولون قد ما يقدرون ان يشغلون خالهم عشان نفسيته ما تتعب .. في سيارة سلمان ..
هنادي: مشكور خالي .. ونستنا والله ..
سلمان: اشوف خشمج اول ..
هنادي: خالي .. ردينا ..
الجوهره: هنود .. لاتدلعين على خالي ..
سلمان: فديتكم كلكم والله .. احب ادلعكم كلكم ..
الجوهره: الله يخليك لنا خالي ..
سلمان: الا بسألج جوجو .. كلمني ابراهيم اليوم العصر ..
الجوهره " كلمته قبل ما اطلع .. وماقالي انه كلم خالي" : زين خالي ..
سلمان: طلب رقمج ..
الجوهره" الدب اوريه .. يحب يسوي له حركات"..
سلمان: ها جوجو وش قلتي ..
الجوهره منزله راسها بخجل: مادري خالي .. انت وش رايك ؟
سلمان: انا اقولج go for it هاذي ريلج .. واحلى الذكريات في هالايام اللي قبل العرس .. حلو الواحد يتذكرها ويذكر فيها ..
هنادي: الله خالي .. انت وايد رومنسي .. روعه كلامك ..
سلمان مبتسم: يعني اصلح ممثل افلام رومنسيه ..
الكل: هههههههه
سلمان: ها جوجو اعطيه رقمج ؟
الجوهره " او انه ما يعرفه " : اوكي خالي ..
سلمان: بارك الله فيج و عسى الله يهنج يا بنتي ..
الجوهره: فديت قلبك يا خالي ..
وصلوا البيت و يوسف كان واصل قبلهم .. نزلوا وهم يضحكون ويسولفون .. الا يوسف طالع وفي يده كتاب ..
هنادي: شهالكتاب ؟
يوسف ارتبك: ولا شي ..
سلمان: شفيك يوسف ؟
يوسف وهو طالع: مستعيل .. طلع وكل واحد يطالع الثاني مستغربين من يوسف .. كلن توجه لغرفته ويفكر في يوسف ..
هنادي" شعنده يوسف اتربك لما سألته عن الكتاب ؟ شسالفته اخوي "
سلمان " شقصة هالكتاب اللي رايح راد فيه يوسف ؟"
الجوهره " فديت برهوم .. يسوي له حركات من وراي .. يا ويله مني " .. كانت بتتصل له بس قالت ..
الجوهره "لا ما راح اتصل فيه .. لما خالي يتصل يعطيه الرقم .. بنتظر اتصاله هاللوتي .. اوريه " ..



__________________