{ نهاية حبك إعدامي } ...(قصة مميزة.. الإدارة)

التكمله


بوفارس: سمعي هالقصه .. في زمان قبل البترول .. العرب كانوا عايشين بالخيام وحياتهم كانت صعبه .. في ريال تقدم به العمر .. وماعنده الا ولد واحد .. طلب من ولده انه يتزوج بنت ريال شهم .. لان بنت الريال الشهم متربيه تربيه طيبه و ابوها بيكون حكيم .. الولد وافق ابوه على هالكلام وطمنه .. مر زمن ومات هالشيبه بعدها الولد نفذ بوصية ابوه .. لقى ريال شهم وتقد لخطبة بنته .. ابو البنت وايد حكيم .. قال للولد انا بزوجك بنتي بس عندي شرط .. لو وافقت عليه لك بنتي .. الولد سمع شرط الريال .. وكان شرطه ان بعد ما يتزوج و زوجته زعلت وراحت بيت اهلها ما يجي يراضيها الا بعد سنه كامله ..
فاطمه بدهشه: سنه كامله ؟ ليش بابا ؟
بوفارس: الحين بتعرفين يا قلبي .. زين الولد وافق على الشرط والله تمم لهم وتزوج البنت وكانوا عايشين حياه سعيده .. وكانت الزوجه تعجن وتخبز وتجهز الاكل لزوجها .. وتغسل ملابسه وتنظف له مكانه .. وكانت ما تختلط بجيرانها ولا تطلع من بيت زوجها بالمره الا للضروره .. مرت الايام وصار عند اهل زوجها عرس .. فاقترحت على زوجها انها تحضر العرس .. الزوج رفض فالبدايه وقالها اخاف عليج من جمعة النسوان .. جمعت النسوان ما من وراها خير .. قالت له ما عليك ما يقدرون يأثرون علي عندي عقل اميز به كل شي .. وافق الزوج و راح مع زوجته العرس .. اول ما دخلت عليهم استلموها الحريم .. قالوا لها ليش دومج فالبيت ولا تطلعين ولا تزورين حد ؟ وش الي تشغلين وقتج فيه ؟ ردت عليهم اقوم بشغل البيت واسنع الاكل لزوجي وارتب له مكانه واحنا بخير والحمدلله .. قالوا لها انج قليلة عقل .. احنا ريايلنا يسون كل هالامور عنا .. واصلا هاي شغل الريايل مو شغلنا انتي مو خدامه عنده .. رجعت الحرمه بيتها وهي تفكر في كلام النسوان .. فظنت انها غبيه وانقص عليها ..
فاطمه: ول عليهم هالنسوان ..
بوفارس: شفتي شلون .. المهم .. قررت الحرمه انها تسوي مثل باقي الحريم .. فاليوم الثاني رجع زوجها ولقاها نايمه .. ماحب انه يزعجها فتركها نايمه وقام سنع له ولها اكل وكلوا مع بعض .. رجع اليوم اللي بعده ولقاها على نفس الحال .. فسألها عن حالها .. ردت عليه انا مو من واجباتي اسوي هالشغل كله .. انت تسوي شغل البيت كله انت فاكرني مغفله كل الحريم ازواجهم يسون شغل البيت .. استغرب الزوج وسألها من اللي حط هالافكار السوده في مخج .. قالت له الحريم اللي قالوا لها وانها قررت تسوي مثلهم وما راح تشتغل له فالبيت .. كبر عقله من سمع هالكلام .. وقالها ما عليج من كلام الحريم يقصون عليج .. قالت له بعناد لا ما يقصون علي قالها دام هاي رايج .. شلي اغراضج و روحي بيت اهلج ..
فاطمه: صج انها غبيه .. لعبوا في مخها الحريم ..
بوفارس ابتسم لها ومسح على راسها ..
فاطمه: آسفه بابا .. كمل ..
بوفارس: زين يا طويلة العمر .. راحت بيت اهلها وشافها ابوها جايه من بعيد فعرف انها زعلانه مع زوجها .. راح للام وقالها بنتج جايه من بيت زوجها .. لا تضحكين معاها وكشري في ويها .. اول ما دخلت البنت بيت ابوها ارتاحت شوي وبعدين طلب منها ابوها تسقي الغنم وتنظف حضاير الغنم .. وطلب منها تسوي اشياء وايد لين تعبت وصار كل يوم يشغلها باعمال شاقه ومتعبه .. لين ندمت وعرفت انها غلطانه وان النسوان خدعوها لانها كانت تعيش سعيده مع زوجها ..
فاطمه: مسكينه والله ..
بوفارس: المسكينه على قولتج تمت تنتظر زوجها يجي يراضيها .. بس كان شرط ابوها فالبدايه انهم لو تزاعلوا ما يجي الزوج ياخذها من بيت ابوها الا بعد سنه .. والمده طويله بالنسبه لها .. وبعد سنه بالضبط راح الزوج يراضي زوجته .. طلب الاب من زوجته انها تستقبل زوج بنتها بفتور و تكشر في وي .. وتفرش له كيس يقعد عليه وتطبخ له عدس .. اهل الصحراء يكرهون العدس .. وهاللي يسويه الاب كان احتقار للضيف والبنت كانت تلوم نفسها .. وبعد ما قلطوا النسيب طلب الاب من زوجته انها تفرش له كيس عشان ينام عليه وتعطيه لحاف قديم .. لما حل عليهم الليل راح الاب حق نسيبه وقاله روح نام في مكان ثاني .. وكان الاب مرتب فراش نظيف له نام في المكان اللي قال لزوجته تجهزه .. تغطى وسوا نفسه نايم .. بعد فتره راحت البنت عند ابوها وهي تعتقد انه زوجها .. كانت شايله له اكل طيب وقالت له انه ابوها ماعرف قيمته .. وان قيمته عندها هي كبيره .. وقالت له ان ابوها رواها انواع العذاب وانها كانت معززه مكرمه عنده .. مارد عليها ابوها وهي كانت مفتكره انه زوجها ومن التعب ما رد .. تركت الاكل عند راسه وراحت عنه ..
فاطمه: صج حكيم هالابو ..
بوفارس: واليوم الثاني قال الاب لبنته الحين رجعي مع زوجج ولا تغضبينه وكوني مطيعه .. رجعت مع زوجها بفرح وكانت تشكي لزوجها عن حالها عند ابوها .. واليوم اللي بعده مروا عليها النسوان يباركون لها على رجعتها .. ما استقبلتهم فالبيت .. وقفت لهم عند الباب وقالت لهم ولا وحده فيكم تجي بيتي .. خربتوا علي حياتي مابي اشوف اي وحده فيكم مره ثانيه .. ومن بعدها عاشت البنت مع زوجها حياة سعيده ..
فاطمه: بس بابا احنا زمنا غير زمنهم ..
بوفارس: ادري .. وانا ما قولج قطعي الناس .. الا تواصلي معهم .. بس لاتسمعين من النسوان .. لانهم بيخربون عليج حياتج .. كل وحده بتقول انا زوجي يسوي لي و يوديني .. وانتي بتقولين ليش ما يوديني ويسوي لي .. لا تاخذين وتعطين معاهم في مجال حياتج .. ولاتعطينهم مجال يتدخلون في حياتج .. ولا تسمعين كلام فلانه وغيرها مو تقولج امج والله اجبريه يطلعج بيت بروحج .. ولا تقولج اختج زوجي سوا وغيره .. خلج حكيمه فكري عدل محد بينفعج الا زوجج .. لا تهدمين بيتج بيدج .. وكلام الحريم ابتعدي عنه ..
فاطمه مبتسمه: ان شاءالله بابا ..
بوفارس: فديت فطيم الغاليه ..
بعد هالقعده الحلوه مع ابوها نزلوا خواتها وتعشوا كلهم الا جاسم .. الكل استغرب من عدم وجود جاسم .. وان بوفارس ما ناداه .. وطبعا فارس ما نزل يتعشى معاهم تحجج بوجود محمد ولد عمه معاه .. بعد هالعشى العائلي كلن توج لغرفته عشان يرتاح .. كانت الساعه 10 ونص .. ومحمد كان مع فارس فالغرفه ..
محمد: زين انت شو اللي خلاك تسألها هالسؤال يا فروس ؟
فارس: والله مادري .. يمكن اشتطيت يوم شفت الشباب بيعرسون .. فكرت في هالشي..
محمد: بس يا فروس انت اتخذت قرارك .. وللحين ما كلمت هلك
فارس: والله متردد يا حمود ..
محمد: لا تعلق البنت يا ريال .. انت اتخذت قرار خلاص go for it
فارس: ان شاءالله .. بس يا حمودي اللي محيرني حزنها .. ودموعها اللي ما توقف ..
محمد: ليش ؟
فارس: مادري .. يعني مستحيل عشان سألتها عن نهايتنا بتحزن هالحزن ..
محمد: زين انت تذكر يمكن قطيت عليها كلمه قويه ..
فارس: متأكد من كلامي .. قلت لها يا فلانه انا وانتي لين متى ؟ بس هي انصدمت وتمت ساكته .. سكرت مني بحزن .. حاولت اخليها عالخط بس اصرت تسكر .. خليتها على راحتها .. رجعت كلمتها قبل ما نام ما ردت اول مره .. بعدها بفتره اتصلت لي .. بس كانت حزينه وايد وتصيح .. كانت تصيح بصوت مسموح يا حمود .. عورت قلبي ..
محمد: زين ما سألتها شو فيها ؟ يمكن تعبانه يمكن اهلها فيهم شي؟
فارس: اكلمها وماترد .. تخيل طول المكالمه وانا اهدي فيها وهي تصيح .. ما خذت منها لا حق ولا باطل ..
محمد: لا حول الله .. شو الحل ؟
فارس: اي والله شو الحل .. مادري اخلي وحده من خواتي تكلمها ؟
محمد: لا تحمل .. بطيح من عين خواتك جي ..
فارس: عيل شاسوي قولي يا محمد قولي .. تعبت والله تعبت ..
رن جوال فارس ومناف كانت المتصله .. شاف التلفون بحزن ..
محمد: رد عليها ..
فارس: خل تسكر باتصل لها ..
اتصل فارس بنماف وردت هي ميته من الصياح .. فارس خاف عليها ..
فارس: مناف شفيج .؟
مناف: فارس الحقني يا فارس ..
فارس: الله يخليج يا مناف اهدي شوي ..
مناف وسط دموعها: فارس .. امي
فارس بخوف: شو فيها امج ؟
مناف تمت تصيح و مو قادره تتكلم .. فارس كان مطول باله معاها .. انتظرها تهدى شوي وتتكلم ..
مناف: فارس انا ماعرف شلون ابتدي الموضوع معاك .. فارس انت تدري اني احبك واموت فيك ..
فارس تسارعت دقات قلبه مع كلام مناف ..
مناف: والله العظيم اني اموت فيك يا فارس ..
فارس: مناف طيرتي عقلي .. قولي لي شو صاير ؟
مناف: في واحد متقدم لي ..
فارس بطل عيونه .. تم يطالع محمد و هو مو مستوعب الكلام اللي سمعه .. محمد خاف على ولد عمه ..
فارس: مـ مـ مناف انتي تمزحين ؟
مناف بحزن: لا والله مامزح يا فارس .. ارجوك انقذني ..
فارس بصدمه: من يكون هالشخص؟ من اهلج ؟
مناف: لا .. دكتوري فالجامعه ..
فارس: آآآه يا قلبي .. ليش يا مناف ليش ؟
مناف: والله مابيدي شي .. امس زارتنا امه .. وامي تحن علي يا فارس .. طلعني من اللي انا فيه ..
فارس: انتي تبينه ؟
مناف بصراخ: انا ابيك يا فارس .. بس انت ..
فارس: زين مناف يا قلبي استهدي .. قومي صلي ركعتين واذكري ربج .. انا جايج فالطريق ..
مناف وتشهق من الصياح: ان شاءالله حبيبي ..
سكرت مناف من فارس و سوت اللي قالها عليه .. فارس سكر التلفون وطالع محمد اللي عيونه كانت حايره تدور اجوبه على ردة فعل فارس من مكالمة مناف ..
محمد: شسالفه ؟
فارس: في واحد متقدم لها ..
محمد انصدم .. خاف على فارس .. خاف من اللي ممكن يصير لفارس لو تم هالزواج ..
محمد: وليش بتروح لها الحين ؟
فارس: والله مادري .. ترا الشيطان يلعب في عقلي .. شوري يقولي اخطفها واخذها بعيد عن كل الناس ..
محمد: فروس كبر عقلك وعن الينون ..
فارس: خلها على الله ..
غلغل اصابعه في شعره وغمض عيونه بقوه .. قام من السرير ولبس ثوبه ..
فارس: زين انا طالع يلا قوم ..
محمد: انت بتروح شو بتسوي ؟
فارس: والله مادري يا محمد .. بس ابي اكون حولها .. فيني غل وغضب ..
محمد: اذكر ربك يا فارس ولا تتهور ..
رن جوال فارس وكانت مناف المتصله .. رد عليها وطلعوا هو ومحمد من الغرفه ..
فارس: انا جاي الحين .. لما اوصل باتصل ..
مناف: زين حبيبي ..




يتبع ..
__________________

التكمله


سكر منها و ركب السياره .. سلم على محمد وحرك .. طبعا محمد خاف على فارس .. مشى وراه بس من بعيد .. فارس انطلق بسرعة البرق لبيت مناف .. اول ما وصل اتصل لها تلفون وطلعت له .. اول ما شافها كان وده يطوقها بذراعينه .. وقف جنبها وتم يطالع عيونها الحزينه .. مناف قربت منه ونزلت راسها ..
فارس: رفعي راسج حبيبتي ..
مناف كانت منزله راسها ونزلت دموعها .. فارس رفع راسها ونزلت دمعه على يده .. حس بحزنها ..
فارس: مناف عشاني لا تصيحين .. دموعج غاليه يالغاليه ..
مناف بصوت مبحوح: فارس ..
فارس غمض عيونه: يا عيون فارس انتي ..
مناف: فارس انا ابيك انت ..
فارس: وانا ماتصور حياتي بدونج يا قلبه ..
مناف: مابي الدكتور .. وامي من امس وهي تحاول تقنعني ..
فارس: من وين يعرفونكم ؟
مناف: هالدكتور عندنا فالجامعه .. انا ماخذه عنده مقرر ..
فارس: يا قلبي يا مناف .. لا تزعلين نفسج يا قلبه .. كل شي بيكون بخير ..
مناف: ماقدر انام اليل من كثر التفكير .. وكل شي جى مره وحده .. يوم انك سألتني ذاك اليوم انصدمت واليوم اللي بعده تدخل امه علينا .. آآآه يا فارس تعبت ..
فارس: سمالله عليج يا قلب فارس انتي ..
فتح باب السياره وطلع علبة الكلينكس .. خذ الكلينكس ومسح دموعها ..
فارس: تعالي قعدي هني حياتي ..
ركبت السياره وفارس كان واقف مواجا .. تم يهديها و يطمنها .. تم معاها تقريبا ساعه و شوي .. مناف حست بالراحه شوي .. هدت و ما قامت تصيح ..
فارس: حياتي ..
مناف ابتسمت: قول حبيبي ..
فارس: انتي لا تكدرين خاطرج حبيبتي ..
مناف بحزن: بس يا فارس انا ماحبه .. انا احبك انت ..
فارس كان يسمع كلام مناف وقلبه يتقطع عليها ..
فارس: وانا اموت فيج يا مناف و ربي اني اموت فيج .. بس انتي لا تكدرين خاطرج .. ان شاءالله بتنحل هالمشكله ..
مناف تنفست بعمق: فديت قلبك .. زين انا لازم اروح داخل ..
فارس: زين حبيبتي .. انا باتصل فيج الحين ..
مناف: زين ..
مدت يدها لفارس عشان تنزل من السياره .. فارس مسك يدها بحنان وتم يطالع عيونها بشوق .. مناف انحرجت ونزلت راسها .. بعد ما نزلت حاولت انها تبطل يدها من يد فارس بس ما قدرت ..
مناف: فارس ..
فارس هيمان: يا قلب فارس انتي ..
مناف: يدي ..
فارس ابتسم: فديت يدج والله .. زين حبيبتي باتصل وردي ..
مناف: ان شاءالله ..
فارس كان يراقب مناف وهي داخله البيت لين سكرت الباب .. خذ نفس وركب السياره .. اتصل لها وردت عليه على طول ..
فارس: هلا حياتي ..
مناف: طلعت من فريجنا ؟
فارس: لا توني .. الحين انا نهاية فريجكم المظلم ..
مناف: شنسوي مافي كهربه ..
فارس: الله يعينكم ..
تم فارس طول الدرب يسوق بهدوء ويكلم مناف .. كان يسولف معاها سوالف عاديه عشان ينسيها حزنها .. لما قرب من البيت استأذن منها ونزل البيت .. كان متضايق من الموضوع كله .. محمد رجع البيت بعد ما فارس طلع من بيت مناف .. تطمن عليه وراح البيت .. اما فارس المسكين دخل غرفته وهو مو على بعضه .. حذف نفسه على السرير .. غمض عيونه وتخيل مناف بالفستان الابيض والدكتور واقف جنبها .. فتح عيونه بخوف وقام من السرير .. تم يدور فالغرفه مو عارف شو يسوي .. كانت الساعه 12 ونص .. بدل ملابسه وراح البحر .. ملجأه الوحيد البحر .. صف على السيف ونزل .. تم يتمشى على السيف والموج يداعب ريوله .. كان يفكر في مناف و حزين على الوضع اللي هم فيه ..
فارس " انا تاخرت ولا شلون ؟ هل مناف ضاعت من يدي ؟ مناف حبيبة قلبي تتزوج غيري .. لا مايصير مناف لي انا وانا لها .. مناف الرقيقه الخلوقه الحنونه .. فديت عيونها فديت جمالها .. والله احبها هالبنت .. مناف بعيوني اجمل من خلق ربي .. مناف اللي خذت قلبي فديتها .. يا رب لاتحرمني منها " .. قعد على صخره على السيف وتم يتأمل موج البحر .. نور القمر منعكس على امواج البحر الهاديه .. نسمات الهوا الدافيه تمر على فارس وتطفي النار اللي بقلبه .. فارس كان محتار ونفسيته تعبت .. كان يفكر في مناف ومستقبله معها .. خاف انه تضيع من يده .. مابيده شي يمنع زواج مناف من الدكتور حامد .. القرار بيد مناف .. وهي اللي بتحدد مصرها ومصير فارس معاها .. وفارس خايف ان امها تضغط عليها او تجبرها .. مرر اصابعه في شعره وغمض عيونه .. خذ نفس عميق وطلعه من صدره بقوه .. حضن ركبته لصدره وتم يتأمل موج البحر الهادي .. تم فارس على حاله .. اما مناف المسكينه بعد ما سكر عنها فارس .. رجعت تصيح بحزن .. خذت اللحاف اللي عطاها اياه فارس من قبل وحضنته .. تمت تشم ريحته و دموعها بللته ..
مناف" آه يا فارس .. ما تخيل حياتي من دونك .. والدكتور حامد شيبي ذي بعد .. طلع هيمان .. آآه يا قلبي عليك يا فارس .. انا ادري انك تكابر .. الحزن والخوف شفتهم بعيونك .. يا قلبك يا فارس .. ماعرفت الدنيا الا يوم عرفتك .. ما حبيت الحياه الا يوم عرفتك .. فديت قلبك يا فارس .. مستحيل اعيش بدونك .. ان شاءالله امي ماتضغط علي زود .. حياتي فارس وبس .. ومستحيل حد ياخذ مكانه "
مناف وفارس تموا على هالحال تقريبا اسبوع .. كل واحد يفكر فالثاني وخايفين من النهايه المره ..
بعد هالاسبوع المليء بالاحداث حانت لحظة الصفر لهنادي .. بكره العرس .. وهنادي كانت متوتره .. اما نواف فكان طاير من الفرحه وده الوقت يطير بسرعه ..
نواف " الله متى يجي بكره ونجتمع انا وهنادي تحت سقف واحد .. الله يقدرني واسعدها " ..
طبعا اهل نواف واهل هنادي كانوا مشغولين بتجهيزات العرس .. فاطمه واهلها ساعدوا بيت يوسف .. بوفارس قام فيهم .. والبنات كانوا طول اليوم عندهم .. ومحد مستانس كثر يوسف وفاطمه .. عاد يوسف كل شوي يسوي نفسه ما يدري ان في حد فالصاله ويدخل على فاطمه وهي ماتدري ..
يوسف وقف عند الباب: اموت في هالجمال والله ..
فاطمه انحرجت ولبست شيلتها ..
يوسف قرب منها: افا انا ريلج .. ليش لابسه الشيله ؟
فاطمه منحرجه: خوفتني ..
يوسف قرب منها زياده: شكثر خوفتج ؟
فاطمه ابتعدت: يوسف ..
يوسف حط يده على كتفها وقرب وي من ويها ..
يوسف: ليش ابتعد ؟
فاطمه بتوتر: يوسف الله يخليك ابتعد ..
يوسف: فديت انفاسج ..
فاطمه حطت يدها على صدره ودزته .. بس يوسف تم واقف مكانه ..
يوسف: فديت يدج .. مسك يدها وباسها ..
فاطمه ماتت من الخجل .. نزلت راسها مستسلمه ليوسف .. دخلت عليهم الجوهره وهم على هالوضعيه .. يوسف ماسك يد فاطمه ومقرب منها .. وفاطمه منزله راسها بخجل .. فاطمه انتبهت لوجود الجوهره .. الجوهره على طول طلعت .. فاطمه كانت شوي وتصيح ..
يوسف: شفيج حبيبتي ؟
فاطمه: اختك دخلت ..
يوسف التفت صوب الباب .. ما لقى حد ..
يوسف: وينها ؟
فاطمه: راحت .. يوسف الله يخليك ابتعد ..
يوسف ابتسم لها: ان شاءالله حبيبتي ..
ابتعد عنها خطوتين .. ابتسم لها وطلع من الصاله .. فاطمه حذفت نفسها على الكرسي وغطت ويها بيدينها .. كانت منحرجه و متوتره بنفس الوقت ..
فاطمه " يا ويلي شافتنا الجوهره .. الله يغربلك يا يوسف .. وين اودي ويهي من الجوهره؟ " تمت تفكر وهي منحرجه .. لبست شيلتها وطلعت من الصاله .. راحت فوق عند االبنات وهي راكبه الدري طلع يوسف في ويها مره ثانيه ..
يوسف وقف لها متخصر: هااا ..
فاطمه بطلت عيونها: يا ربي ..
يوسف: .. قرب منها بسرعه وباسها على خدها ونزل ..
فاطمه انصدمت و تمت واقفه مكانها .. اما يوسف نزل وهو فرحان .. بسرعه راحت غرفة هنادي قبل ما يصيدها يوسف مره ثانيه ..
فاطمه " والله ان يوسف مينون " .. دخلت عليهم وتلاقت عيونها بعيون الجوهره .. انحرجت ونزلت راسها .. الجوهره ابتسمت ونزلت راسها .. تذكرت شكل يوسف وفاطمه فالصاله ..
الجوهره " الله يسعدك بفاطمه يا يوسف .. والله انكم عصافير وتجنون "
فاطمه قعدت جنب ايمان .. والبنات كانوا يرتبون مع هنادي شنطتها ..
مريم: خلاص يا هنادي .. الليله اخر ليله لج في هالغرفه ..
هنادي مبتسمه: اي والله ..
الجوهره: عيل بيتمون الشباب بروحهم .. الله يستر شبيسون بدونا ؟
هنادي: شكلهم بيخبصون الدنيا ..
الكل:
الجوهره: يوسف ريال .. و يعرف يطبخ بعد ..
هنادي: من قدج يا فاطمه ..
ايمان: عيل راحات .. والله شي
الجوهره: يوسف نفسه فالاكل عجيب ..
مريم: حالتكم صعبه .. المفروض نقول عكس هالكلام ..
الكل: ه
ايمان: مب زين عليكم هالكلام ..
الكل التفت على ايمان ..
ايمان: شو فيكم .. اقصد مب زين عليكم تطرون الاكل .. جوعتونا .. يلا عاد غدونا يا جماعه ..
الكل: ه
فاطمه: انتي ويهج لوح ..
ايمان: شوفي .. قولي اللي تقولينه ما يهمني .. انا وحده ابي اكل ..
الجوهره: فديت عمرج حاضرين لج .. الحين بنزل اجهز الغدا ..
مريم: بنزل معاج ..
الجوهره بخبث: مب نازله معانا فطومه ..
فاطمه طالعت الجوهره وابتسمت ..
الجوهره: انا اقول لو تبين تنزلين معانا ..
الجوهره وفاطمه:
البنات تموا يطالعونهم بحيره ..
ايمان: ليش تضحكون ؟
فاطمه: ما فينا شي ..
الجوهره: انتي جوعانه صح؟
ايمان: اي ..
الجوهره: الحين بنروح نجهز الغدا ..
الكل: ..
نزلت الجوهره و وراها مريم .. راحوا المطبخ يجهزون الغدا .. البنات كملوا ترتيب الشنط مع هنادي .. وايمان كانت تسولف معاهم وذبحتهم من الضحك ..
هنادي: دمج عسل يا ايمان ..
ايمان: احم احم .. هاي الناس اللي تقدر ..
فاطمه: خفي علينا ..
هنادي: ..


يتبع ..
__________________

التكمله


ايمان: سمعي هالسالفه .. صارت لي الكورس اللي طاف ..
هنادي باهتمام: زين ..
ايمان: تعرفين بداية الصيف والشمس كانت تصلخ الواحد .. كنت اغطي ويهي وانا رايحه عند السياره ..
هنادي: انتي تتغطين لما تطلعين ؟
ايمان: لا .. المهم .. عاد ذاك اليوم الشمس ضاربه في عيوني .. لبست عبايتي وبسرعه رحت اشوف الدريول جى ولا لأ .. لمحت السياره وانا رافعه الشيله شوي عن ويهي .. ورجعت خذت شنطتي وتوكلت .. كملت دربي لين السياره .. انا العاده لما امشي بروحي اسولف ..
هنادي: ها .. تسولفين ؟ بروحج ؟!
ايمان: اي ..
فاطمه: اختي عندها هالمشكله من يوم هي صغيره ..
ايمان: المهم .. وانا ماشيه كنت اقول شو هالحر والشمس اللي تحرقص .. وصلت لين السياره .. فتحت باب السياره وركبت .. نزلت الشيله عن ويهي وانا اسولف وكنت اقول .. يا زين البروده والله .. وفجأه سكت .. اشوف السياره فيها شي غريب .. لون السيتات مو مثل اللي اشوفها كل يوم .. رفعت راسي اشوف الدريول .. ويا ويل حالي .. طلع مو دريولنا ولا السياره سيارتنا .. والمصيبه انه ساكت ولا تحرك .. انقطع ويهي .. نزلت من السياره وحالتي حاله .. رجعت ادراجي للمدرسه .. و الربع يسألوني ليش رجعتي .. عاد خفت ينتفون ريشي اعرفهم .. قلت لهم نسيت كتابي فالصف .. سويت نفسي رايحه الصف ورجعت .. رحت شيكت عند الباب وشفت السياره بس تأكدت انها سيارتنا والدريول دريولنا .. والله مانسى هالموقف كلش .. ومن يومها وانا حاطه نيشان على الجامه عشان ما تتكر الحركه ..
هنادي وفاطمه ماتوا من الضحك ..
ايمان: على فكره انا توني فضحت سري لكم .. هالسر محد يدري عنه ..
هنادي: .. شلون مانتبهتي للسياره ؟
ايمان: اقولج تشبه سيارتنا .. تقولين اختها ..
الكل:
دخلت مريم على البنات وشافتهم ميتين من الضحك ..
مريم: بسكم ضحك .. يلا الغدا جاهز ..
البنات: ان شاءالله ..
نزلوا ورا بعض .. واخرهم كانت فاطمه .. دخلوا المطعم ولقوا السفره جاهزه .. دخلت الجوهره ونادت فاطمه ..
الجوهره: فطومه حبيبتي تعالي شوي ..
فاطمه منحرجه: ان شاءالله ..
راحت فاطمه ورا الجوهره .. دخلوا الميلس ويوسف كان هناك ينتظر فاطمه .. اول ما شافته فاطمه مشت ببطئ وانحرجت ..
الجوهره مبتسمه: وصلت لك الامانه يا يوسف .. سلميه وما عليها شر ..
يوسف مبتسم: تسلمين اختي ..
فاطمه بهمس: اوريج يا جوجو ..
الجوهره ضحكت وهي طالعه ..
فاطمه تمت واقفه مكانها .. ناداها يوسف تقعد جنبه .. مشت ناحيته بخطوات متقاربه وبطيئه .. اول ما قربت قام وقف لها ..
يوسف: قعدي فديتج ..
قعدت فاطمه وقعد يوسف جنبها .. مسك يدها وتم يناظر عيونها .. فاطمه كانت منزله راسها ..
يوسف: شفيج حبيبتي ؟
فاطمه: ما فيني شي .. بس غلط اللي يصير يا يوسف ؟
يوسف عقد حواجبه: شلون غلط ؟
فاطمه: يعني كل شوي تشوفني ..
يوسف ابتسم: كيفي ..
فاطمه التفتت عليه: شو كيفك بعد ؟
يوسف: بيتنا وكيفي .. في بتيكم انتي كيفج ..
فاطمه: .. بايخ ..
يوسف: اموت فالضحكه والله .. زين فطومتي جوعان ؟
فاطمه: زين خل اقوم اجيب لك غدا ..
يوسف: بس بشرط ..
فاطمه: شو شرطك ؟
يوسف: انتي تغديني ..
فاطمه ويها صار احمر ..
يوسف: لو ما غديتيني ما راح احط لقمه في حلجي ..
فاطمه ابتسمت: ان شاءالله ..
يوسف: اموت فيج والله ..
فاطمه بسرعه قامت عنه وطلعت من الميلس .. راحت صوب البنات وقالت للجوهره انها تبي تجهز الغدا ليوسف عاد الجوهره كانت وايد فرحانه بفاطمه .. راحت معاها المطبخ وجهزوا الغدا .. راحت الميلس ولقت يوسف شبه منسدح على الكرسي ومغمض عيونه .. كان شكله روعه بالنسبه لفاطمه .. قربت وحطت الاكل على الطاوله ..
فاطمه: يوسف ..
يوسف فتح عيونه مبتسم: عيون يوسف انتي ..
فاطمه مبتسمه: تبي اتكل على الطاوله ولا على الارض .؟
يوسف: ابي اكل عالارض ..
فاطمه: ان شاءالله .. نزلت الاكل على الارض ..
قعدت جدام السفره .. ونزل يوسف وقعد جنبها .. كان وايد مقرب منها .. فاطمه حست بالتوتر ويوسف كان مستانس انه يلعوزها ..
يوسف: يلا حبيبتي ابي اكل من ايدج ..
فاطمه بلعة ريقها بصعوبه وابتسمت ليوسف .. مدت يدها للصحن وخذت لقمه بيدها .. قربت يدها من حلج يوسف .. فتح حلجه وحطت له اللقمه .. يوسف كان مستمتع وياكل بنفس .. اما فاطمه خف توترها وكانت مستمتعه انها تاكل يوسف وبيدها .. بعد ما شبع يوسف قام يغسل .. وقامت وراه فاطمه .. غسلوا يدهم ورجعوا الميلس .. فاطمه قامت تشيل السفره ..
يوسف: نادي الخدامه تشلها ..
فاطمه: لا عادي يوسف ..
يوسف: ما عليج .. نادي الخدامه تشلها .. وممكن تسوين لي شاي ..
فاطمه مبتسمه: من عيوني ..
يوسف: اموت في عيونها والله ..
ابتسمت له فاطمه بخجل وطلعت من الميلس .. يوسف حط ريل على ريل وابتسم ..
يوسف " والله فديت فاطمه .. شيخة البنات محد يسواها " ..
راحت فاطمه تسوي شاي ليوسف .. دخلوا عليها البنات ..
مريم: تدربين من الحين ..
هنادي: لازم تعرف مكان السكر والغوري والشاي ..
الجوهره: اي لازم تاخذ كورس عندنا عشان تاخذ على المكان شوي ..
ايمان: جنكم قطعتوها ..
الكل: ه ..
فاطمه ويها صار احمر .. خذت كوبين الشاي وطلعت من غير ماترد عليهم ..
مريم: لا ومسويه ثنين بعد ..
هنادي: والله حركات .. خل اتعلم منها ..
الجوهره: كلنا نتعلم منها ..
الكل: ..
فاطمه دخلت الميلس على يوسف وهي زعلانه .. يوسف اول ما شافه دخله قام وراح صوبها ..
يوسف يتفحص ويه فاطمه: شفيها زعلانه حبيبتي ؟
فاطمه بدلع: لعوزوني البنات ..
يوسف: فديتها اللي لعوزوها البنات .. ما عليج منهم .. هم بس محترين من جمالج ..
فاطمه ابتسمت بدلع: يعني ..
يوسف: اموت فالدلع والله ..
فاطمه صدت عنه وراحت صوب الكرسي .. حطت الشاي على الطاوله وراح يوسف وقعد جنبها .. شربوا الشاي وتموا يسولفون .. يوسف حط راسه وقيل شوي .. فاطمه غطته وطلعت عنه راحت عند البنات .. تموا البنات لين المغرب .. بعد ما خلصوا شغلهم راحوا البيت .. وهم فالسياره ..
فاطمه: ممممم .. زين خواتي اللي صار اليوم لا تقولونه حق حد لو سمحتوا ..
ايمان: ان شاءالله ..
مريم: شو فيها يعني ؟
فاطمه: بينقدون علي .. بيقولون توها مالجه وماخذه راحتها ..
مريم: والله انتي ماتسوين شي غلط .. ويوسف ريلج ..
فاطمه: ادري .. بس تعرفين الناس ..
ايمان: والله انا بعد اشوف ان ما فيها شي ..
فاطمه: بس اللي اقصده ان الناس بتتكلم وبتقول هاي توها معرسه وماخذه راحتها ..
مريم: شفيها يعني .. من حقج
فاطمه: عالعموم انا افضل محد يدري ..
البنات: اوكي ..
وصلوا البيت و كلن توجه لغرفته .. فارس كان قاعد بروحه فالصاله .. رن تلفون البيت ورد عليه ..
فارس: السلام عليكم ..
الريم"فديت هالصوت": عليكم السلام ..
فارس: هلا الريم شحالج ؟
الريم بخجل: بخير والحمدلله " من سمعت حسك ردت فيني الروح" ..
فارس: شو اللي تامرين عليه ؟
الريم: ما يامر عليك العدو ..
فارس استغرب وتم ساكت ينتظرها تكمل كلامها ..
الريم انحرجت: ممكن اكلم مريم ؟
فارس: ان شاءالله .. سكري واتصلي مره ثانيه وبخليهم يشلونه من فوق ..
الريم: زين ..
فارس: مع السلامه ..
الريم بنعومه: الله يحفظك .. " فديته والله " ..
فارس سكر وهو مستغرب " شو فيها الريم تتميع معاي؟" .. راح صوب الدري ونادا على مريم ..
فارس: مريم .. مرايم ..
مريم طلعت من الغرفه: هلا فارس ..
فارس: فديتج بتتصلج الريم بنت عمي .. شلوا التلفون من عندكم ..
مريم: ان شاءالله ..
رجع فارس الصاله وتم يطالع التفزيون .. اتصل في محمد ولد عمه ..
محمد: حياتي انته ..
فارس: انت وين ؟
محمد: فروس .. ليش صاير جي ؟
فارس: والله مالي خلق شي ..
محمد: لا حول ولا قوة الا بالله .. زين ما صارت اي تطورات على الموضوع ..
فارس: لا للحين .. بس تقول ان امها تحاول تقنعها ..
محمد: الله يستر ..
فارس: انت وين ؟
محمد: قريب بيتكم ..
فارس: زين انتظرك فالصاله ..
محمد: خير ان شاءالله ..
سكر فارس من محمد وراح جاب له ماي من الثلاجه ورجع .. اول مادخل الصاله شاف محمد قاعد ويتعبث بجواله ..
فارس: متى وصلت يالساحر ؟
محمد مبتسم: .. يوم كلمتني انا كنت في الحوش ..
فارس: اللي يكذب خشمه يصير طويل ..
محمد: ه .. اموت في خفة دمك ..
فارس: يا خفة دمي ..
محمد وفارس:
محمد: شحالك يالغالي ؟
فارس: والله على حطت يدك ..
محمد: اي تطورات ؟
فارس: لا للحين .. يبقى الحال على ما هو عليه ..
محمد ضرب فارس على كتفه ..
محمد بعبط: والله و تستخف دمك بعد ..
فارس: وجع قطيت كتفي .. حشى مب يدك عليك .. هاي لوح ..
محمد: ه ..
فارس: شو اخبار زوجتك مع الحمل ؟
محمد: والله الحمدلله .. لين الحين تمام ..
فارس: الله يسهل عليها ..
محمد: الله يسلمك يا بونايف .. وعقبال ما تحمل مدامك ..
فارس ابتسم بتفائل: ان شاءالله ..


يتبع ..
__________________

التكمله


محمد: تعال مادريت ..
فارس باهتمام: شو ؟
محمد: تدري ان جسوم وسلطانو معاقبين صار لهم اسبوع تقريبا ..
فارس: ه .. ليش ؟ ومن اللي معاقبهم ؟
محمد: عمي ..
فارس: ابوي! .. ليش ؟
محمد: ضاربين ولد جيرانكم والظاهر تولوه صح ..
فارس: كفو عليهم ..
محمد: الابو جى اشتكي عند عمي .. وعمي سنعهم ..
فارس: ه .. حليله ابوي يبي يسوي نفسه شديد ..
محمد: .. تحس ما يركب عليه ..
فارس: كلش ..
محمد: تدري شو مسوي فيهم .. حارمهم من الطلعات .. وماخذ عنهم البلاي ستيشن .. والافلام وتلفوناتهم ..
فارس: والله شديد بوفارس ..
محمد: عيل شلون ..
فارس: عمي يدري!
محمد: لا ما يدري .. انت تعرف لو درى ابوي شو بيصير في سلطون ..
فارس: وانا اقول هالعقاب الخفيف بس من بوفارس ..
محمد: بوفارس مرهف المشاعر والاحاسيس ..
فارس: يااااا قلبي ..
محمد وفارس: ..
تموا مع بعض لين أذن العشاء .. طلعوا المسيد مع بعض .. وبعدين راحوا القهوه ..
مريم وخالد كانوا عايشين جو غير جو فارس ومحمد ..
خالد: مرايم ..
مريم: هلا فديتك ..
خالد: متى يجي الا سبوع الجاي .. ما فيني صبر ..
مريم: ه ..
خالد: تضحكين .. اقطع يدي اذا انتي مو متلهفه علي موت ..
مريم: حالتك صعبه بالواثق ..
خالد: ..
مريم: انت جهزت حق السفر ؟
خالد: اي الحمدلله اكدت الحجوزات الاسبوع اللي فات .. ودفعت لهم نص المبلغ .. واخر الاسبوع بروح ادفع باقي المبلغ ..
مريم:اها .. عيل باريس ..
خالد: هذاي بلاد العاشقين .. و بعد بنروح سويسرا بالسياره ..
مريم: واااو ..
خالد: الوقت اللي بنروح له بيكون في كرنفال في سويسرا ..
مريم: فديتك يا خالد ..
خالد مبتسم: حاضرين لج الغاليه ..
مريم: زين فديتك انا بخليك الحين ..
خالد: يالزطيه ..
مريم: خالد حبيبي تذكر اتفاقنا ..
خالد يستعبط: اي اتفاق ؟
مريم: انا قلت لك قبل العرس بشهر ما بنشوف بعض .. ومكالماتنا تكون قليله صح ولا لأ ..
خالد باحباط: اي صح ..
مريم: زين عيل حبيبي خل اروح ارتاح شوي ..
خالد مستسلم: زين يا حبيبتي ..
مريم: اقعدك الساعه كم بكره ؟
خالد: بقوم بروحي ..
مريم بخوف: ليش؟ ليكون زعلان مني خالد ؟
خالد: ه .. لا حبيبتي .. بس ماخذ اجازه من بداية الاسبوع لين شهر ..
مريم تنفست براحه: اهااا .. زين عيل فديتك ..
خالد: الله يحفظج حياتي ..
مريم: مع السلامه ..
سكرت من خالد اللي كان شوي ويصيح ..
خالد " عليها قوانين بعد .. اي والله ما كلمها وايد وقبل العرس بشهر ماشوفها .. والله حاله " ..

اليوم هو يوم نواف وهنادي .. خوات فارس راحوا بيت يوسف من الصبح .. رتبوا اغراضهم مع هنادي والجوهره .. وبعدين راحوا الفندق .. وطبعا يوسف ما يتوب عن حركاته .. جنن فاطمه من كثر ما يناديها .. كانوا فالفندق ويوسف كل شوي يتصل لها يسوي نفسه يبي شي عشان تطلع له ويشوفها .. فاطمه كانت مستخفه على حركات يوسف بس منحرجه منه في نفس الوقت .. اتصل لها يوسف ..
يوسف: حبيبتي الحلوه ..
فاطمه مبتسمه: هلا ..
يوسف: تعالي شوي ابيج ..
فاطمه: ان شاءالله ..
سكرت منه وطلعت له عند باب الغرفه ..
يوسف: هلا حبيبتي ..
فاطمه: هلا ..
يوسف: عاد تصدقين اني عطشان وابي ماي بارد ..
فاطمه: مو مصدقتك بس بجيب لك ماي ..
يوسف:
رجعت فاطمه الغرفه وخذت قرشة ماي وطلعت عند يوسف .. مدت يدها له وهي مبتسمه ..
فاطمه: تفضل ..
يوسف: دام فضلج يا زوجتي الغاليه ..
فاطمه طالعت يوسف وهي مبتسمه .. شرب الماي وتم يطالعها بوناسه .. مدت يدها بتاخذ قرشة الماي ويوسف مسك يدها وضغط عليها بقوه ..
يوسف: اموت في عيونج ..
فاطمه: يوسف احنا فالممر بطل يدي .. ابي ارجع داخل ..
يوسف مبتسم: ان شاءالله .. بس انتبهي لتلفونج ..
فاطمه وهي داخله: .. زين ..
دخلت وسكرت الباب وراها وهي تضحك على يوسف .. اما يوسف كان طاير من الوناسه .. البنات تمكيجوا ولبسوا وضبطوا اعمارهم قبل ما ينزلون القاعه .. كلهم نزلوا الا مريم اللي تمت مع هنادي .. الجوهره وباقي البنات راحوا يستقبلون الضيوف فالقاعه .. دخلت ام فارس وشافت بناتها عند الباب وخافت عليهم من عيون الناس ..
ام فارس: الله يحفظكم يا بنات ..
فاطمه: الله يسلمج يمه .. ايماني ودي امي عند الطاوله ..
ايمان: ان شاءالله ..
راحت ام فارس مع ايمان عند الطاوله .. رجعت ايمان عند البنات .. وصلت مرت عمهم ومعاها الريم وساره .. الساعه 9 ونص امتلت القاعه بالمعازيم .. الاغاني والوناسه شلوا القاعه .. كانت اللمسات الاخيره تنضاف لهنادي قبل ما تنزل ..
هنادي: وااااي متوتره يا مريم ..
مريم: فديت قلبج يا هنوده .. اقري المعوذات وسمي بالرحمن ..
هنادي: ان شاءالله ..
مريم راحت بعيد عن هنادي خلتها تختلي بنفسها شوي .. وقفت مريم على البلكونه وكانت تشوف البلاد من فوق وهي مبتسمه .. اتصلت بخالد ..
خالد: هلا حبيبتي ؟
مريم: شو اخبارك فديتك ؟
خالد: الحمدلله .. وين انتي ؟
مريم: انا فوق فالغرفه مع العروس ..
خالد: اها .. الله يعطيج العافيه ..
مريم: الله يعافيك حبيبي .. وانت وين ؟
خالد: انا في عرس الريايل .. زين مرايم حبيبتي ..
مريم ابتسمت: هلا حياتي ..
خالد: زين ما يصير اشوفج ؟
مريم: نو نو نو ..
خالد: راسج يابس ..
مريم وخالد:
اتصلت الجوهره على الخط الثاني ..
مريم: خالد فديتك متصلين لي البنات من القاعه .. الحين بينزلون العروس ..
خالد: خلاص حبيبتي .. بس ما وصيج تغطي عدل ..
مريم: ان شاءالله حبيبي اصلا انا بنزل قبل العروس .. اختها واخوها وخالها بينزلونها ..
خالد: زين تبيني اجي انزل معاج لين القاعه .؟
مريم: زين خل اشوف البنات شو يبون ..
خالد: ه .. شريره
مريم: ه .. يلا مع السلامه حبيبي ..
خالد: الله يحفظج ..
سكرت من خالد واتصلت في الجوهره ..
مريم: هلا جوهره ..
الجوهره: هلا مرايم .. هنوده جاهزه ؟
مريم: اي جاهزه ..
الجوهره: زين الحين خالي واخوي بيجون الغرفه ..
مريم: خلاص عيل انا بانزل القاعه الحين ..
الجوهره: زين حبيبتي ..
سكرت من الجوهره وراحت صوب هنادي المتوتره ..
مريم: هنوده انا بالبس عبايتي وبنزل القاعه .. خالج واخوج بيجون بنزلونج ..
هنادي: زين حبيبتي .. مشكوره يا مرايم .. ما قصرتي .. ياعلني اخدمج في عرسج ..
مريم: فديت عمرج حبيبتي ..
سلمان طق الباب ..
مريم: زين خل البس وانزل ..
هنادي: زين حبيبتي .. لحظه شوي خالي ..
مريم لبست وراحت صوب الباب ..
هنادي: خالي درب البنت بتمر ..
سلمان: ان شاءالله ..
سلمان و يوسف وقفوا يسار الباب .. وماعطين الباب ظهرورهم .. مريم طلعت بسرعه وراحت صوب المصعد .. سلمان دخل على هنادي و وراه يوسف .. سلمان اول ما شاف هنادي خنقته العبره حس انه بيصيح .. كان يشوف اخته لولوه في هنادي ..
سلمان " الله يرحمج يا لولوه " ..
يوسف مبتسم: يه يه يه .. كل هالزين حق نواف .. والله انه محظوظ ..
هنادي ابتسمت بخجل: يوسف ..
سلمان: لو مو بنت اختي كنت خطفتج ..
يوسف: الله يرحم ايام بوالشباب ..
الكل: ه ..
سلمان: ها يبه جاهزه ..
هنادي: اي ..
سلمان: زين يلا تغطي عشان نروح صوب القاعه .. يوسف اسبقنا جيب المصعد ..
يوسف: ان شاءالله ..
طلع يوسف صوب المصاعد .. اما سلمان ساعد هنادي عشان تتغطى .. طلعوا من الغرفه وهو ماسك يدها .. راحوا صوب المصاعد ويوسف كان ينتظرهم .. نزلوا للقاعه وهنادي حسة برهبة الموقف .. كانت تتنفس بتوتر وقلق .. يوسف اتصل فالجوهره عشان تستلم اختها وادخلها القاعه .. طلعت الجوهره وهي مبتسمه لاختها ..
سلمان: يه يه يه .. شهالزين يا جوجو ..
الجوهره: شنسوي يا خالي ..
يوسف: يا ويل حالكم يالنسايب ..
الجوهره: بايخ يوسف ..
الكل: ..
سلمان: زين احنا بنروح عند الباب عشان المعرس بيوصل بعد شوي .. انتبهي للتلفون ..
الجوهره: ان شاءالله ..
راحوا الشباب وطلعوا فاطمه و مريم عند هنادي .. دخلت هنادي على موسيقى هاديه وكل الانظار متج لها .. كانت نجمة الحفل بجمالها .. قعدت على الكوشه و البنات قاموا يرقصون جدامها من فرحتهم .. والكل راح يسلم عليها ويبارك لها .. بعد حوالي ساعه الا ربع .. دخل المعرس .. سلمان ويوسف دخلوا نواف .. راحوا صوب الكوشه وهنادي وقفت وهي منزله راسها .. قرب منها يوسف ورفع الطرحه عن ويها وباسها على جبهتها .. هنادي ماتت من الخجل .. وقف يوسف جنب هنادي و الجوهره وقفت جنب يوسف وتصورت معاهم .. وبعدين انضم لهم سلمان واخذت لهم لقطه عائليه حلوه ..
يوسف: نادي لي فاطمه ..
الجوهره: اعتق هالبنت ..
يوسف: ه .. ابي ياخذون لي لقطه معاها ..
الجوهره: اها .. قول جي .. والله انك عيار جننت االبنت
يوسف: ه
راحت صوب وفاطمه ..
الجوهره: المينون اخوي يبي يتصور معاج ..
فاطمه: استحي جدام الناس .. قولي له بعد ما يطلعون المعاريس بنتصور ..
الجوهره: زين حبيبتي ..
راحت صوب يوسف وقالت له هالكلام ..
يوسف: اخ منها .. بس قولي لها يا ويلها لو ما جات تتصور معاي ..
الجوهره: ه .. زين ..
سلمان اشر ليوسف عشان يطلعون .. طلعوا من القاعه وراحوا حق الشباب عند باب الفندق ..
فاضل: نذاله ..
يوسف: لا فاتك بصراحه ..
علي: حرام تسوي باخوي جي يا يوسف .. ما بينام الليله ..
الكل:
عبدالعزيز: من احلاهم يا بوخليفه ؟
خالد: عيب ..
فاضل: بس تكلم المطوع ..
علي ويوسف: ه
خالد: فضول اصطلب ..
فاضل: ان شاءالله طال عمرك ..
فارس: مبروكين يا سلمان .. الله يهنيهم ..
سلمان: الله يبارك فيك .. والفال لك ..
فارس ابتسم ..
محمد: مبروك يا سلمان ..
سلمان: الله يبارك فيك ..
سلمان خذ فارس بعيد شوي عن الشباب ..
سلمان: عسى ماشر يا فارس .؟
فارس مبتسم: ما شر الغالي ..
سلمان: اشوفك دوم شارد وتفكر .. ليكون تحب ..
فارس اكتفى بابتسامه ..
سلمان: الله يوفقك .. وتمسك برايك ولا تخلي شي يفرق بينكم ..
فارس: جزاك الله خير ..


يتبع ..
__________________

التكمله


في القاعه نواف وهنادي قعدوا شوي وتصورا على الكوشه وبعدين طلعوا .. وهم طالعين زفوهم الحريم لين بابا القاعه .. ويوسف كان مرتز يبي فاطمه .. الجوهره ويوسف وصلوا هنادي ونواف للغرفه فوق .. يوسف كان يحن على الجوهره عشان فاطمه ..
الجوهره: والله انك اذيه يالمينون ..
يوسف: زين ابي اتصور معاها يلا وينها ..
الجوهره: تاكل القلب .. اصبر خل ادق لها .. هاي اذا سمعته ..
يوسف: اوهوووو..
الجوهره: تعالي يا فطيم ..
فاطمه: وين ؟
الجوهره: تعالي شوي برا القاعه عشان تتصورين مع بهي الطله ريلج ..
فاطمه: ه .. زين ..
طلعت فاطمه من القاعه وراحت صوب الممر عشان تتصور مع يوسف .. عبدالعزيز شاف توأمه وراح صوبها ..
عبدالعزيز: وين رايح يا حلو ..
فاطمه خافت: عزيز خوفتني ..
عبدالعزيز مبتسم: .. سمالله عليج .. وين رايحه؟
فاطمه: عند يوسف ..
عبدالعزيز: لا ما تروحين ..
فاطمه باستغراب: ليش ؟
عبدالعزيز: بتذبحين الريال بهالحلاوه ..
فاطمه: ه ..
عبدالعزيز: زين ما يصير اتصور معاج ؟
فاطمه بحنان: تعال فديتك .. افا عليك ..
راحوا صوب يوسف .. الجوهره تغطت عدل وراحت صوب القاعه ..
يوسف" اخ منك يا عبدالعزيز شجايبك " ..
فاطمه: هلا يوسف ..
يوسف بأدب: هلا والله ..
عبدالعزيز: شدعوه يالبخيل ما تناديني اتصور معاك ..
يوسف: .. انا و زوجتي بنتصور انت شدخلك ..
عبدالعزيز: افااا .. هاي وانا مزوجك توأمي .. فطيم شوفي ريلج شو يسوي فيني ..
فاطمه: عاد هاذي عبدالعزيز الغالي .. توأم روحي ..
يوسف بهمس: من زينه ..
عبدالعزيز يهمس له: اوريك ياللوتي .. مسوي عمرك المأدب جدام اختي ..
فاطمه: زين بسكم سوالف المصوره تبي تروح فوق حق المعاريس ..
يوسف: زين يلا لا تعطلنا ..
عبدالعزيز: انت السبب ..
فاطمه: بسكم بسكم ..
الكل: ه ..
المصوره: مين راح يتصور بالاول ؟
عبدالعزيز: اخذي لي صوره انا واختي .. وبعدين جماعيه وبامشي ..
يوسف" فديت اللي يقرى افكاري" ..
المصوره: اوكي .. تفضلي مدام .. خلي ايديك على كتف اخوكي ..
فاطمه: اوكي ..
خذت لها لقطيتين مع توأمها ..
المصوره: يلا يا جماعه تجمعوا كلكم .. مدام انتي خليكي بالنص .. و حطي ايديكي على كتوف الشبان ..
فاطمه توسطت يوسف وعبدالعزيز .. والمصوره خذت لهم لقطه حلوه .. استأذن عبدالعزيز ويوسف استفرد بفاطمه مع المصوره ..
المصوره: حط ايك على كتف المدام واطلع بوجها ..
يوسف قرب من فاطمه وكان يطالعها بحنان وحط ايده على خصرها .. وفاطمه تفاعلت مع يوسف وعيونها كانت بعيون يوسف .. المصوره استغلت اندماجهم وهيمانهم ببعض وخذت كم لقطه عشوائيه ..
المصوره: يخزي العين .. بتجننوا .. طيب هلأ ممكن تحطي راسك على كتفه وتطلعي بعيونه ..
فاطمه: اوكي ..
فاطمه حطت راسها على كتفه بس يوسف غير الوضعيه ..
يوسف: حطي راسج على صدري .. ويدج على كتفي .. وطالعي تحت ..
فاطمه حست باحراج جدام المصوره ..
المصوره: اي حلوه الحركه كثير ..
فاطمه صوت اللي قال عنه يوسف ويوسف طوقها من خصرها وحضنها .. خذت المصوره اللقطه .. فاطمه حست بالاحراج ..
فاطمه: مشكوره حبوبه ..
المصوره: العفو يا حياتي .. بس باي غرفه العروسه ؟
يوسف: غرفه 504 ..
المصوره وهي تشل اغراضها: يسلمووو .. موفقين ..
يوسف: وياج ..
فاطمه: زين يوسف لازم اروح ..
يوسف: ودي اخطفج يا فطومتي .. شهالزين كله .. والله ذبحتيني ..
فاطمه ابتسمت بدلع مسكت يد يوسف وضغطت عليها بنعومه .. تركت يده بهدوء ومشت عنه رايحه القاعه .. يوسف تيبس مكانه وهو سرحان فيها .. اختفت عن نظره يوم دخلت القاعه .. خذ نفس عميق وراح صوب الشباب ..
عبدالعزيز: شدعوه كل هاي تتصور ؟ الحق يا فارس ..
فارس التفت عليهم: شسالفه ؟
عبدالعزيز: نسيبك مسوي نفسه صيه ..
فارس: ها بدينا من الحين يالنسيب ..
يوسف: ما عليك من اخوك العيار ..
فارس: ترا هي للحين عايشه في بيتنا ..
يوسف: اخ منكم .. ذليتوني ..
سلمان: .. عندكم اياه ..
فارس: خلاص يا يوسف .. خالك صرح لنا ..
يوسف: شدعوه شدعوه خالي .. يه طلعت مو شي ..
عبدالعزيز: فديته بوخليفه الا شي وشي وشي ..
الكل: ه ..
تموا الشباب يسولفون بوناسه وفرح .. وخالد من بينهم كان مستخف يبي يشوف مريم .. محمد كان يفكر في فاطمه .. ويحسد يوسف عليها .. المعاريس عاشوا احلى ليله فوق .. وباقي المعازيم تعشوا وتوكلوا .. كلن توجه لبيته .. الجوهره مر عليها ابراهيم .. ام فارس وبناتها توزعوا ما بين سيارة عبدالعزيز و بوفارس .. الريم راحت تنام بيت عمها عشان فارس .. ساره محمد كان ينتظرها .. الشباب (فاضل وعلي وسلطان) راحوا يتمشون شوي وبعدين رجعوا البيت .. فارس راح يتمشى عند البحر .. سلمان و يوسف رجعوا البيت .. اول ما دخلوا حسوا ان البيت مو حلو بدون البنات ..
سلمان: ملل ..
يوسف: مالي خاطر اقعد فالبيت ..
سلمان: ولا انا
يوسف: شرايك نروح بيت جوجو ؟
سلمان: لا خل البنت مع ريلها ..
يوسف: احنا مب نايمين معاهم .. بنام عندهم ..
سلمان: ه ..
يوسف: خل اتصل بجوجو ..
سلمان: زين ..
اتصل يوسف والجوهره ردت على طول ..
الجوهره بخوف: هلا يوسف ..
يوسف: شلونج اختي ؟
الجوهره: الحمدلله .. شفيكم يا يوسف ؟
يوسف مبتسم: ما فيني شي .. بس انتي ما نمتي للحين ؟
الجوهره: لا والله ..
ابراهيم قرب من الجوهره ..
ابراهيم: جهزي الغرفه حق اليهال ..
سلمان: .. طلعنا يهال ..
ابراهيم: ..
الجوهره تلخبطت: شفيكم ؟
ابراهيم: سلمان معاي عالخط ويوسف معاج .. حليلهم يخافون ينامون بروحهم ..
الكل: ه ..
سلمان: يلا جهزوا غرفنا جاينكم ..
سكروا من بعض وتمت الجوهره تضحك على اخوها و خالها .. طلعوا من البيت و راحوا بيت الجوهره .. وصلوا و ابراهيم كان ينتظرهم فالحوش .. والجوهره كانت تجهز لهم الغرفه اللي بينامون فيها ..
سلمان: طلعتنا يهال جدام المدام ..
ابراهيم: ه ..
يوسف: والله البيت كئيب بدونهم ..
ابراهيم: حليلكم والله .. عيل متى بيسافرون معاريسكم ؟
سلمان: بعد بكره ان شاءالله ..
ابراهيم: المانيا ؟
سلمان: بأذن الله ..
ابراهيم: حياكم شباب ..
دخلوا الشباب والجوهره استقبلتهم بحب و حنان .. كانت مبتسمه لهم وترحب فيهم ..
الجوهره: هلا وغلا .. فديتكم نورتوا البيت ..
سلمان: البيت منور باهله ..
يوسف حضن الجوهره بشوق .. وسلمان وابراهيم استغربوا منه .. ابراهيم مسك سلمان وطلعوا من الصاله راحوا فوق .. تركوهم بروحهم .. الجوهره حضنت اخوها وصاحت .. تمت تكلمه وتمسح على وي ..
الجوهره: فديت قلبك يا خوي .. ليش هالحزن ؟
يوسف بحزن: فقدتكم فالبيت يا جوجو .. ابيكم ترجعون ..
الجوهره: فديت قلبك يا يوسف .. هاي سنة الحياة .. انا كل يوم امركم .. وهنوده بعد بتمركم ..
يوسف يمسح دموع اخته: ادري فديتج .. بس وجودكم فالبيت غير يا اختي ..
الجوهره: يعني انت عندك الماسه .. وتزعل ..
يوسف: فديت الماستي والله .. هي ضافت على حياتي الفرح .. بس وجودكم حولي اول ماقوم من النوم وقبل ما نام غير ..
الجوهره: فديت روحك يا يوسف .. انت بعد بتنشغل مع فطومه وبتنسانا ..
يوسف: عمري ما نساكم يا خواتي ..
الجوهره حضنت يوسف: فديتك يالغالي ..
يوسف: ترا حتى خالي زعلان .. من تزوجتي وهو كله يفكر ويدور فالبيت يفتح غرفتج ويشيك عليج ..
الجوهره صاحت: بس يا يوسف عورت قلبي والله ..
يوسف: فديت قلبك يالغاليه .. الله يوفقكم يا خواتي ..
الجوهره: فديت روحك والله ..
يوسف ابتسم: وين راحوا الشباب؟
الجوهره: راحوا فوق .. يلا نروح لهم ..
يوسف: يلا فديتج ..
راحوا فوق عند الشباب .. سلمان وابراهيم اشغلوا نفسهم بالتلفزيون لين ما دخلوا عليهم يوسف واخته ..
الجوهره: تبون اسوي لكم شي ؟
يوسف: متى بتنامون ؟
ابراهيم: تو الناس .. سهره شباب ..
سلمان: والله انك شي يا ابراهيم ..
الجوهره: ..
يوسف: سهره سهره ..
ابراهيم: زين شرايكم نروح نجيب شي من برا ؟
الجوهره: والله انا متعشيه .. وليش تجيبون من برا .. انا بسوي لكم اللي تبونه ..
سلمان: والله انا مابي اتعشى .. بس جان بنجيب مكسرات ولا ايس كريم ..
ابراهيم: زين تجي معاي سلمان ؟
سلمان: اوكي .. ها وشو في خاطركم يا جماعه ؟
الجوهره: ابي ايس كريم فانيلا مع مكسرات ..
يوسف: وانا ابي ايس كريم برتقال مع صوص الفراوله ..
سلمان: ما يهمكم .. مشينا يا ابراهيم ؟
ابراهيم: مشينا ..
ابراهيم راح الغرفه يلبس .. ولحقته الجوهره ..
ابراهيم مبتسم: فديت قلبج جوجو ..
الجوهره وهي تعطيه الثوب: حياتي يا ابراهيم .. بس هالله هالله بالمكسرات ..
ابراهيم: حاضرين لج ..
الجوهره: مادري شفيني هالايام كله في خاطري مكسرات ..
ابراهيم: ليكون حامل ؟
الجوهره مبتسمه: لا بدري على الحمل ..
ابراهيم باسها على جبهتها ورطلع من الغرفه .. الجوهره رتبت نفسها وطلعت وراه .. لقت يوسف قاعد يطالع التلفزيون .. قعدت معاه .. سلمان وابراهيم راحوا ياخذون الايس كريم ورجعوا .. تموا الحبايب سهرانين لين اذن الفجر .. الشباب راحوا يصلون فالمسيد وبعدين رجعوا وكلن نام بهدوء ..
كل العيون نامت من بعد احداث اليوم .. الا فارس اللي عيونه ما ذاقت النوم من حزنه وقلقه على مناف .. صلى الفجر في اقرب مسيد ورجع البيت .. مناف الفقيره اللي ماتعرف النوم .. صارت هي ودموعها يواسون بعض ..
يوم جديد وصباح حلو الكل حس فيه الا فارس اللي ما غمض له جفن .. الجوهره والشباب راحوا بيتهم عشان يجهزون للغدا .. هنادي ونواف قعدوا من النوم بنشاط .. تريقوا وتموا فالفندق لين الساعه 11 ونص .. طلعوا وراحوا بيت هنادي .. الكل استقبلهم بفروح وحب .. انقضى اليوم بفرح بالنسبه لعيلة سلمان ..


يتبع ..
__________________

التكمله


في بيت مناف كان الجو مشحون ..
ام مناف: وليش ترفضينه يا بنتي الريال ما عليه كلام مركز وتعليم وفي خير ..انا ابي الاحسن لج يا بنتي
مناف تصيح: يمه مابيه ..
ام مناف: يا بنتي ليش ؟
مناف: ابي اكمل دراستي واعتمد على نفسي .. بعدين بفكر فالزواج ..
ام مناف: يا بنتي هو ما راح يمنعج من دراستج .. وبعدين انت تدرين ان مب بيدج تقررين متى تتزوجين .. احنا في مجتمع الريال هو اللي يتقدم للبنت مو البنت تقرر من تبي ..
مناف: يمه اعرف كل هالكلام ..
ام مناف: دامج تعرفينه .. ليش ترفضين ؟ يا مناف انتي تعرفين وضعنا شلون .. لا اهل يسألون ولا غيره .. احنا نعتبر مقطوعين من شجره .. خالاتج تبروا مني عشان خذت ابوج ..
مناف بغيض: وش فيه ابوي يمه .؟
ام مناف: يا بنتي .. خواتي كل وحده فيهم تزوجت واحد في خير ونعمه .. ويوم ابوج تقدم لي رفضوا بس انا اصريت اخذه .. وقطعوني عشاني تزوجته ..
مناف: يمه بس انتي قلتي لي انكم ما كنتوا اغنياء ..
ام مناف: الله الغني يا بنتي .. احنا على قد حالنا .. بس خواتي كانوا وايد يطالعون فوق .. وكل وحده الله وفقها وانا الحمدلله الله وفقني مع ابوج الله يرحمه .. بس من بعد ما جبت نايف ابوج مرض .. والله ما كتب له عمر .. مناف: وبعدين محد سأل فينا وجينا هني .. آه يالقهر ..
ام مناف: يا بنتي احنا عندنا عزة نفسنا وكرامتنا ..
مناف: وهالشي اللي ابوي علمنا اياه ..
ام مناف: يا بنتي فكري عدل فالريال
مناف: يمه خلاص اتخذت قراري .. مابي اتزوج الحين ..
ام مناف: اللي تشوفينه يا بنتي .. مابي اضغط عليج زود .. وانتي تتحملين نتيجة قرارج ..
مناف نزلت راسها وحست بفرحه في قلبها .. ام مناف كانت حزينه بس ماحبت انها تضغط على بنتها وتركتها تقرر لمستقبلها .. طلعت من غرفة مناف وراحت تشيك على الشباب ..
عبدالله: فصول كلم فارس .. من زمان ما طلعنا معاه ..
فيصل: اي والله حتى هو ما مر علينا ..
اتصل فيصل بفارس .. فارس اول ما شاف الرقم ابتسم ..
فارس: هلا والله ..
فيصل: السلام عليكم ..
فارس: وعليكم السلام .. حيالله فيصل ..
فيصل: الله يحيك .. شخبارك ؟
فارس: الحمدلله .. اعلومكم ؟
فيصل: طيبين .. وينك ما شفناك من زمان ؟
فارس: فيك الخير يا فيصل .. والله انك ريال ..
فيصل حس بالاحراج .. واستانس من كلام فارس ..
فارس: بمركم اليوم ان شاءالله على الساعه 6 ونص ..
فيصل: حياك الله ..
عبدالله خذ التفون من يد فيصل ..
عبدالله: اااي ..
فارس: .. هلا والله عبود شخبارك يا بطل ؟
عبدالله مبتسم: طيب ..
فارس: عيل ما في مدارس .. وناسه الحين كله لعب ..
عبدالله: ااااي .. والله وناسه بدون المدارس ..
فارس: اليوم بجيكم .. تبون اجيب لكم شي وانا جاي ؟
عبدالله يفكر: مممم .. اي ..
فارس: شو تبي يبه ؟
عبدالله: ابي كوره قدم عشان العب فيها ..
فارس: ولا يهمك ..
عبدالله: مشكور فارس ..
فارس: ما يهمك .. لو خاطركم شي قولوا زين ..
عبدالله: زين .. والله انت طيب ..
فارس مبتسم: زين فديتك .. انتظروني الساعه 6 ونص ..
عبدالله: يااي..
فارس سكر من عبدالله وهو يضحك عليه ..
فارس: حليلك يا عبود .. على نياتك ..
انسدح على السرير وهو يفكر في مناف كان قاعد فالظلام بهدوء .. دخلت عليه امه ..
ام فارس: فارس يبه ..
فارس: هلا يمه ..
ام فارس: شو فيك ؟
فارس: ما فيني شي ..
ام فارس: وين ما فيك شي .. ويهك اصفر .. جسمك نحل .. عيونك ذبلت .. شو فيك يا يمه .. شوله قاعد في هالظلام .؟
فارس ابتسم: مافيني شي يمه ..
ام فارس: حتى الشركه ما قمت تروح ..
فارس: ما في شغل وايد هالايام ..
ام فارس ما قدرت تاخذ من ولدها لا حق ولا باطل .. استسلمت وطلعت عنه .. فارس تم على حاله .. قاعد فالظلام ومنسدح على السرير .. ام فارس راحت عند بوفارس ..
ام فارس: محمد ..
بوفارس: هلا يبه ..
ام فارس: فارس مب عاجبتني حالته ..
بوفارس: عسى ماشر ..
ام فارس: الولد فيه شي ..
بوفارس: ما فيه شي .. شو بيكون فيه ؟
ام فارس: والله اخاف حد لاعب بعقله و يحب ..
بوفارس: ولدج مب ياهل ينلعب بعقله ..
ام فارس: عيل ليش ما يبي يتزوج .. وكله حزنان ..
بوفارس: شو فيج يا حرمه .. الولد عنده خصوصيات .. بعد نتدخل في حياته .. مايصير ..
ام فارس: بعد ضناي ولازم اعرف شو فيه ؟
بوفارس: انتي لي تضايقتي من شي بينج وبين هلج ولا ربعج .. حد يتخل ويقولج لازم نعرف غصب .؟
ام فارس: مالهم حق ..
بوفارس: قلتيها .. مالهم حق .. يعني مالج حق تدخلين في حياة الولد .. هو كبير وعاقل .. وعقله يوزن بلد ماشاءالله عليه .. فارس ما ينقص عليه ويعرف يتصرف ..
ام فارس: والله اخاف وحده من هالفارطات لاعبين بعقله وطمعانين بفلوسه ..
بوفارس: وين راح فكرج .. وبعدين اي فلوس تتكلمين عنها .. الولد توه باول المشوار .. لا هو بصاحب الملاين ولا اللي يلعب بالفلوس لعب .. اذكري ربج وخلي عنج هالكلام ..
ام فارس: والله انت قلبك بارد .. الولد بيروح من ايدينا ..
بوفارس: الولد ما عليه شر .. وفضيها سيره ..
طلع من الغرفه وترك ام فارس تاكل بنفسها .. اذن المغرب طلع بوفارس مع عياله المسيد حق الصلاه .. وهم فالدرب بوفارس كان يكلم ولده ..
بوفارس: عسى ما شر يبه ؟
فارس مبتسم: ماشر يبه ..
بوفارس: الكل ملاحظ انك تعبان ..
فارس: مب تعبان والحمدلله ..
بوفارس: انا اقصد ان بالك مشغول .. انت تحب ؟
فارس منحرج: لا ما حب ..
بوفارس: انا ابوك يا فارس .. بحاول اساعدك لو قدرت ..
فارس مبتسم: ما تقصر يالغالي .. وادري انك بتساعدني .. بس لا تشغلون بالكم فيني ..
بوفارس: على راحتك يبه .. بس انا موجود اي وقت ..
فارس حط يده على كتف ابوه: يسلم راسك الغالي .. وباس راس ابوه ..
دخلوا البيت وفارس راح غرفته على طول .. عبدالعزيز اتصل بيوسف ..
عبدالعزيز: حيالله النسيب ..
يوسف: هلا وغلا ..
عبدالعزيز: يعطيك العافيه ..
يوسف: الله يعافيك .. شحالك الغالي ؟
عبدالعزيز: طيب .. اعلومك انت ؟
يوسف: تمام ..
عبدالعزيز: انت وين ؟
يوسف: فالبيت .. وانت ؟
عبدالعزيز: والله فالبيت .. نتلاقى فالقهوه ؟
يوسف: شرايك تمرني الحين .. ونطلع بعد صلاة العشاء ..
عبدالعزيز: شوف .. انا بمر على يدي شوي .. بصلي العشاء وبجيك البيت ..
يوسف: خلاص انتظرك بعد صلاة العشاء ..
عبدالعزيز: بأذن الله ..
يوسف: مع السلامه ..
عبدالعزيز: الله وياك ..
سكر من يوسف وراح بيت يده .. اول مادخل لقى يده قاعد فالحوش .. ماسك الهوز ويرش الحوش بالماي ..
عبدالعزيز: شو تسوي يالكشخه ؟
الجد: ابرد الجو شوي ..
عبدالعزيز: كيف تبرد الجو بعد ؟
الجد: شو عرفكم .. انتوا عيال المكيفات ..
عبدالعزيز وهو نازل من السياره: ه ..
الجد: تعال خل اعلمك يالعوي .. عيزت وانا اعلم فيك .. ما منك فايده ..
عبدالعزيز وهو يبوس راس يده: حشى حشى .. كل هاي فيني .. سمالله علي ..
الجد: لوع الله جبدك ..
عبدالعزيز: مقبوله منك ..
الجد: غصبن عنك ..
عبدالعزيز مبتسم: وين علمني شلون بتبرد الجو ؟
الجد: ارش ماي على الارض .. ولما يدور الهوا علينا .. يجينا هوا بارد .. نسمات تبرد على الويه ..
عبدالعزيز بخبث: اهااا .. زين هات الهوز خلني ارش الماي ..
الجد: زين هاك ..
عبدالعزيز خذ الهوز وتم يرش الماي بعيد .. كان يهوس على طرف الهوز ويطلع الهوز مثل النافوره ..
عبدالعزيز: والله فكره زينه ..
الجد: اقولك انتوا شعرفكم ..
عبدالعزيز: صج والله .. و رش يده بالماي ..
الجد: وجع يا عزوز ..
عبدالعزيز: .. انا تقولي وجع .. اصبر علي يالشيبه .. و يرش يده بالماي ..
الجد راح بعيد وهو يصرخ على عبدالعزيز ..
الجد: عزوز الله لا يبارك فيك .. سبحتني ..
عبدالعزيز: ه .. اصبر علي ..
ركض ورا جده ويسبحه بالماي .. والجد كان معصب ويشرد من الماي .. وعبدالعزيز يضحك عليه بشماته ..
الجد: والله بالتهك بالخيزران .. وخر مناك يا عزوز ..
عبدالعزيز وهو يرش يده بالماي: عيد كلامك الشيخ ..
الجد وهو يمشي بعيد: عزوز ومره تاخذك ..
عبدالعزيز: ااااي ..
طلعت لهم هيا .. شافتهم وماتت من الضحك على عبدالعزيز ..
هيا: عزوز اقعد عن ابوي ..
عبدالعزيز: متفرعن الاخ ..
الجد: حسابك بعدين ..
هيا: حرام عليك يا عزيز بيمرض ..
عبدالعزيز: لا تخافين عليه .. هاذي ما يمرض ..
الجد: حسبي الله ونعم الوكيل ..
هيا: زين تعال سلمي علي ..
عبدالعزيز: ان شاءالله ..
عبدالعزيز قط الهوز على الارض وراح يسلم على عمته .. الجد استغل الفرصه وخذ الهوز .. بدل ما يرش عبدالعزيز بروحه .. رش هيا وعبدالعزيز في نفس الوقت ..
هيا: وااي .. ليش يبه ؟
الجد: ووووي .. ابي ارش عزوز ..
الكل: ..
لكن الجد مسك عبدالعزيز وسبحه بالماي ..
الجد: انا ما ينلعب علي يا عزوز ..
عبدالعزيز ينرفز يده: عادي سبحني بالماي .. انا حران اصلا ..
الجد: يعلك العافيه يا عزوز ..
هيا: ..
الجده: اللهم لك الحمد .. قله العقل مصيبه ..
هيا: انا ما عتقوني يا يمه ..
الجده: انهبل ابوج .. على باله توه بو 12 سنه .. قاعد يلعب فالماي ..
هيا: والله ابوي لي شاف عزوز يستخف ..
الجده: ثنينهم ميانين ..
تمت هيا وامها يطالعوا عبدالعزيز والجد .. لما تعبوا هم الثنين .. قعدوا على الدري اللي عند باب الصاله .. وهم مبللين .. تموا يسولفون شوي .. هيا جابت القهوه والشاي والفواكه .. قعدوا كلهم وتموا يسولفون .. هبت عليهم نسمة هوا .. وعبدالعزيز حس ببرودة المكان ..
عبدالعزيز: يا زين هالنمسه البارده .. والله تبرد على القلب ..
الجده: على ايامنا .. ما كان عندنا مكايفات .. كنا نرش الحوش بالماي .. وذيك الايام ما كنا نبلط بيوتنا .. الماي كان يتم فالطين اكثر ..
الجد: اي والله .. و في عز القيظ .. كنا ننام فوق السطح .. والله كنا نرش السطح بالماي و ننام ..
الجده: اي والله كانت نسمات الهوا حلوه ..
الجد: الحين هالمكيفات ذبحتنا .. عظامنا تكسرت منها ..
الجده: وين اول نمشي حفي فالبيت ولا نتويع .. يا زين الرمله لي مشينا عليها ..
هيا: اي والله ايام احلى من ايامنا ..
الجد: انتوا الا مدلعين ..
الكل: ..
دخل عليهم بومحمد وبوفارس .. استغربوا من منظر الجد وعبدالعزيز ..
بومحمد: شو صاير ؟
الجده: ما تعرف اليهال بعد ..
الكل: ..
الجد: ولدك يا محمد ابليس .. اول ما شافني شغل هوز الماي ورشني ..
عبدالعزيز مبطل عيونه: الله واكبر ..
الجد: وعليه علي انا ..
بوفارس: اي اعرفك يبه ما تسوي شي .. دوم في حالك ..
بومحمد: ايه عليك يبه .. عبدالعزيز يبيله خيزران .. وغمز حق عبدالعزيز ..
الجد: اي يبيله ..
عبدالعزيز همس لجده: كل شي بوقته حلو يا حلو ..
الجده: ولا خيزران ولا غيره .. ابوكم وتعرفونه ..
الجد: حليلي فقير .. لا تصدقون امكم ..
هيا: حالتكم حاله يا الشياب .. قعدوا فديتكم .. جان على هالثلاثه محنا بخالصين ..
بومحمد وبوفارس قعدوا .. هيا فنيلتهم وتموا يسولفون كلهم مع بعض .. عبدالعزيز استأذن عشان يروح البيت يبدل .. وبعدين بيتلاقى مع يوسف ..
فارس ومحمد كانوا مع فيصل وعبدالله .. فيصل وفارس ومحمد كانوا قاعدين عند الباب ويسولفون .. اما عبدالله كان مستانس ويلعب بالكوره اللي جابها فارس .. محمد كان يراقبهم بهدوء ..
فيصل: فارس انت تعبان ؟
فارس: لا .. ليش هالسؤال ؟
فيصل: ويهك مبين عليه التعب .. ما تاكل ؟
فارس ما عرف يرد علي فيصل .. تم ساكت فتره ..
فارس: ماكل وايد هالايام .. مشغول وايد
فيصل: يعطيك العافيه ..
فارس مبتسم: الله يعافيك ..
فيصل: بس مب زين عليك .. لازم تاكل ..
فارس مسح على راس فيصل: ان شاءالله يا فيصل ..
فيصل: بتسافر فارس ؟
فارس مبتسم: ان شاءالله ..
فيصل: وين بتروح ؟
فارس: ان شاءالله بنروح المكسيك ..
فيصل متعجب: وين هاي المكسيك بعد ؟
فارس: .. بعيده عنا .. صوب امريكا ..
فيصل: اي ي ي ..
عبدالله: تعالوا العبوا معاي شوي ..
فارس: زين ..



يتبع ..
__________________

التكمله


راح صوب السياره وفصخ الغتره .. محمد وفيصل كانوا في فريق .. وفارس وعبدالله في فريق .. تموا يلعبون و فريق فارس فاز .. عبدالله كان طاير من الوناسه ..
فيصل: ما يصر .. ما نشوف عدل ..
عبدالله: افف من فريجنا كلش ما فيه نور ..
محمد: مره ثانيه بنلعب العصر ..
عبدالله: بس فزنا عليكم .. هاااااي ..
الكل: ..
محمد: فيصل الله يرضى عليك جيب لنا ماي ..
فيصل مبتسم: ان شاءالله ..
راح داخل يجيب لهم الماي .. عبدالله تم يلعب فالكوره حولهم ..
محمد: شو صار على الموضوع ؟
فارس: ولا شي للحين ..
محمد: الله يعين .. ما كلمتها ؟
فارس: لا للحين .. مابي اكون سبب تعاستها .. مخليها على راحتها ..
محمد: ايه عليك يا فروس .. الله يعينك ..
فارس: آمين ..
فيصل: تفضلوا ..
فارس: جزاك الله خير ..
محمد: مشكور يبه ..
فيصل: عبود تبي ماي ؟
عبدالله: اي ..
تجمعوا كلهم حول بعض وشربوا الماي وتموا يسولفون لين الساعه 8 .. محمد وفارس استأذنوا ..
فارس: زين فيصل احنا بنحرك .. تبون شي ؟
فيصل: لا تسلم ..
عبدالله: فارس من زمان ما رحنا المجمع ..
فيصل ضربه: عبود ..
فارس مبتسم: ولا يهمك .. بنروح بعد بكره ..
فيصل منحرج: لا ماله داعي ..
فارس: شدعوه تستحي من يا فيصل .. انا اخوك الكبير ..
فيصل نزل راسه منحرج ..
محمد: شوفوا ترا فروس زطي .. طلبوا منه اللي تبونه قبل ما يطلع على حقيقته ..
فارس: افااا
الكل: ه ..
عبدالله: اااااي .. فارس طيب وايد ..
فارس مبتسم: فديت قلبك .. زين بعد بكره بمركم .. عبود عندي لك مفاجأه ..
عبدالله بفرح: شنو المفاجأه ؟
فارس: بعد بكره بتعرفها ..
عبدالله: ياااااي .. تم ينط من الوناسه ..
فيصل: ما تقصر يا فارس ..
فارس: حاضرين .. زين يلا دخلوا البيت يبه ..
فيصل: ان شاءالله ..
دخلوا البيت وفارس ومحمد حركوا ..
فارس: وايد تعلقت فيهم ..
محمد: مبين عليك .. هم اصلا يجننون الله يحفظهم .. بس فيصل وايد يستحي ..
فارس: وايد .. عبود عفوي ولو بغى شي بيقوله .. لكن فيصل عكسه يسكت وما يقول ..
محمد: بس عبود ماشاءالله عليه جريء .. اما فيصل عقله اكبر من سنه ..
فارس: والله من اللي شافه ..
محمد: بس موت اخوه ..
فارس: شوف موت اخوه الصغير كان شي متوقع ..
محمد عقد حواجبه: شلون ؟
فارس: لانه دوم يشوفه تعبان .. وفي الفتره الاخيره كانوا وايد ياخذونه المستشفى .. وفيصل كان عارف ان وضعهم ما راح يتغير .. فحط موت اخوه احتمال كبير و زعل عليه من قبل ما يموت .. يعني فالمستشفى كنت منصدم هدوئه فالبدايه .. بعدين صاح عليه بحزن .. و من معرفتي ومعاشرتي بفيصل فهمت شخصيته .. دوم يحط احتمالات لكل شي .. نفسه عزيزه وايد .. بس حياته بين المدرسه والبيت علمته اشياء وايد .. يعني فالبيت كان يشوف حالتهم كانت تمر عليهم ايام بدون اكل .. وتمر عليهم اعياد ما يلبسون فيها .. في حياته ما وج ريال .. ابوه توفى وهو صغير وما يذكره .. و هو مايعرف غير امه واخته واخوانه .. فالمدرسه الصبيان اللي بسنه يشوفهم عكس اللي يشوفه في بيتهم .. يعني اللي ولد عمه يفزع له .. ولا ابوه يجي المدرسه يفزع له .. هاي غير الدلع من جوالات وملابس وطلعات وسفرات .. يسمع الصبيان يقولون هالامور ويقارنها بوضعهم فالبيت .. انا متأكد انه الحين يفكر متى يكبر ويحقق كل اللي شافه في حياته .. لاحظ انه مو وايد شاطر بس يحاول انه يجيب اعلى الدرجات وينجح .. يبي يخلص دراسه بسرعه عشان يطلع من اللي هو فيه .. ويطلع امه واخوانه من اللي هم فيه .. فيصل يفكر على كبير ..
محمد: ماشاءالله عليه .. بس انت مو مقصر فيهم يا فارس ..
فارس: انا مو مقصر والله يعلم .. بس مثل ما قلت لك الولد نفسه عزيزه .. صج الحياه علمته ..
محمد: ماشاءالله عليه .. الله يعطيه على قد نيته ..
فارس: آمين ..
فارس وصل محمد بيتهم وراح البيت .. خذ له شور وحذف نفسه على السرير ..

في بيت سلمان .. البيت كله ربع هنادي والجوهره واهل نواف .. كلهم رايحين يباركون حق هنادي ويسلمون عليها .. خلى البيت من الضيوف على الساعه 10 بالليل ..
هنادي: واااي تعبانه ..
الجوهره: فديت قلبج والله .. ماشاءالله البيت ما خلى من صديقاتج ..
هنادي: حليلهم والله فيهم الخير .. بعد اهل نواف ما قصروا ..
الجوهره: اي والله .. اخته وايد طيبه ..
هنادي: تجنن اخته ..
الجوهره: الله يوفقج يا هنوده ..
هنادي: وياج فديتج ..
دخل عليهم سلمان ..
سلمان: حيالله العرايس ..
هنادي والجوهره: الله يحيك ..
سلمان: يعطيكم العافيه ..
الجوهره: الله يعافيك ..
هنادي: خالي ..
سلمان: هلا يبه ..
هنادي: بقولك ..
سلمان مبتسم: قولي ..
هنادي: جوجو تزوجت فديتها .. وانا الحمدلله تزوجت .. ويوسف والله وفقه بفطومه .. ما بقى الا انت ..
سلمان: تو الناس ..
الجوهره: شدعوه تو الناس يا خالي .. انت في بالك حد ؟
سلمان: لا مافي بالي حد ..
هنادي: عيل ليش ما تبي تتزوج ؟
الجوهره: ما عليك زود يا خالي .. ولا عليك قصور .. ماشاءالله بديت مشروعك و ادخل منه شي حلو .. شناقصك طول بعرض .. و وسامه ..
سلمان: ه .. ويني و وين الوسامه .. بس ما فكر فالزواج الحين ..
هنادي: يا خالي الزواج ستر ..
سلمان: ادري فديت روحج .. خليني اكون نفسي بالاول ..
رن جوال هنادي ..
هنادي: هلا نواف ..
نواف: هلا حبيبتي .. خلصتي ؟
هنادي: اي .. انت وين ؟
نواف: انا قريب بيت ابوج ..
هنادي: تعال حياك ..
نواف: ان شاءالله .. زين انتظرج لا تتأخرين ..
هنادي: ولا يهمك ..
سكرت من زوجها .. وقامت تلبس عبايتها ..
الجوهره: بتروحين ؟
هنادي: اي نواف فالطريق ..
الجوهره: تو الناس اختي ..
هنادي: تعبانه والله ..
سلمان: يعطيكم العافيه يا بنات ما قصرتوا اليوم ..
البنات: الله يعافيك ..
سمعوا هرن فالحوش ..
هنادي: نواف وصل ..
سلمان قام: خل اطلع اسلم عليه ..
طلع سلمان عند نواف فالحوش .. هنادي والجوهره تموا شوي داخل وبعدين طلعت هنادي وركبت السياره .. سلموا على سلمان وطلعوا .. سلمان راح عند الجوهره ..
الجوهره: وين يوسف ؟
سلمان: عند المدام ..
الجوهره: .. مب صاحي ذي ..
سلمان: .. ليش ؟
الجوهره: ما شفت شسوا فيها يوم العرس ..
سلمان: شسوا ؟
الجوهره: جننها .. كل شوي اتصلها تلفون اونه يبي شي .. يطلعها من الغرفه بس عشان يشوفها .. والبنت كل ما ترجع ويها متغير من الخجل ..
سلمان: ه .. حليله يوسف .. الله يوفقهم ..
الجوهره: آآآمين .. زين خالي توصلني البيت فديتك ..
سلمان: حاضرين .. متى تبين تروحين ؟
الجوهره: الحين ..
سلمان: زين يلا قومي لبسي وبروح اشغل السياره ..
الجوهره: ان شاءالله ..
سلمان: بارك الله فيج ..
طلع يشغل السياره والجوهره لبست عبايتها وطلعت وراه .. في سيارة سلمان ..
الجوهره: خالي ..
سلمان: عيونه انتي ..
الجوهره مبتسمه: فديت عيونك يا خالي .. تشوف لي اي محمصه على الدرب .. في خاطري مكسرات ..
سلمان: ان شاءالله فديتج ..
راحوا عند المحمصه ونزلوا ياخذون مكسرات .. خذوا مكسرات فرش وكان طعمها يجنن .. الجوهره وسلمان كانوا ياكلونها بتلذذ ..
الجوهره: وااااو وايد حلوه ..
سلمان: توهم محمصينها .. روعه
الجوهره: ممممممم .. بخلي ابراهيم يجيب لي منها كل يوم ..
سلمان مبتسم: افا عليج حاضريا يا بنت الغاليه ..
الجوهره: .. فديت روحك يا خالي .. ماتقصر ..
سلمان: ولا يهمج ..
كملوا دربهم لبيت الجوهره وهم مستمتعين بالمكسرات .. وصلت الجوهره البيت ونزل سلمان معاها شوي ..
سلمان: الله يحفظ لج ابراهيم .. مو مقصر معاج ..
الجوهره: شلون يا خالي ؟
سلمان: معتمد على نفسه .. وفر لج بيت .. وخدامه .. وقريب بيجيب لج دريول ..
الجوهره خنقتها العبره: اي والله يا خالي ابراهيم مو مقصر معاي .. لو اطلب المستحيل .. بيسويه عشاني ..
سلمان: ابراهيم ريال و ينشد فيه الظهر .. والله يوم تقدم لج .. كل ما اسال عنه امدحوه .. ما سألت عنه ريال الا قالي قربوه .. تراه قايم باهله وبربعه .. و محد سأله الا وعطاه .. الله يوفقكم يا الجوهره ..
الجوهره مبتسمه: الله يسلمك يا خالي ..
سلمان: وانتي يا جوجو حطي الريال في عيونج .. حفظيه في حضوره وغيابه .. احفظي حلاله وانصحيه .. وترسي له البيت عيال .. يلا نبي نشوف انتاجكم .. ودي اشل عيالكم والاعبهم ..
الجوهره: ان شاءالله يا خالي .. و لك مني اسمي واحد من عيالي سلمان ..
سلمان مبتسم: سلمان بيكون غلاه غير اخوانه ..
الجوهره: .. ابيه يطلع مثلك .. خلاص بعتمد عليك تربيه ..
سلمان: .. فديت روحج والله ..
الجوهره: خالي خذ راحتك بس بروح اودي عبايتي وبرجع ..
سلمان: زين ..
راحت الجوهره تعلق عبايتها فالغرفه الثانيه .. سلمان قعد فالصاله ودخل عليه ابراهيم ..
ابراهيم: السلام عليكم .. حيالله النسيب ..
سلمان مبتسم: عليكم السلام هلا والله ..
ابراهيم: شحالك ؟
سلمان: طيب الله يسلمك ..
دخلت عليهم الجوهره مبتسمه ..
الجوهره: هلا والله ..
ابراهيم: منور البيت ..
سلمان: بوجود من ؟ حدد موقفك ..
الكل: ه ..
سلمان: يلا عيل استأذن ..
ابراهيم: وين يا ريال .؟
سلمان: اول شي وصلت لك الامانه .. ثاني شي تاخر الوقت ..
ابراهيم: عادي يا ريال ..
سلمان: تسلم الغالي .. وراي شغل الصبح ولازم اقعد من وقت ..
ابراهيم: على راحتك ..
ابراهيم وصل سلمان لين سيارته .. ودعه ورجع عند زوجته .. ابراهيم و الجوهره قضوا ليلتهم بهدوء ..


يتبع ..
__________________

التكمله


هنادي ونواف كانوا عايشين اسعد ليالي العمر .. نواف كان حاضن هنادي وكانوا يسولفون عن شهر العسل ..
هنادي: نواف ..
نواف: قولي حياتي ..
هنادي: ميونخ حلوه ؟
نواف: وايد حلوه .. انا مرتب لنا جدول حلو هناك ..
هنادي: وااااو ..
نواف: انا اعرف المانيا شارع شارع ..
هنادي: شكلك وايد كنت تروح
نواف: الوالد الله يرحمه كان دوم يروح للعلاج .. وتعرفين محد كان يعابله غيري .. وعرفت شوارعهم ومحلاتهم
هنادي: اها .. بس بيفوتني عرس اخت مرت يوسف اخوي ..
نواف: معليه شنسوي بعد .. لي رجعتي قدريهم ..
هنادي: اي اكيد ..
نواف: زين جهزتي كل شي للسفر ؟
هنادي: اي ..
نواف: بس مابيج تلبسين عبايه هناك ..
هنادي عقدت حواجبها: ليش ؟
نواف: احسن يا قلبي .. يعني لبسي قميص طويل و بنطلون واسع .. اريح لج من العبايه .
هنادي: اي ي ي .. خلاص ولا يهمك ..
نواف قرب من هنادي وباسها على جبهتها .. هنادي ابتسمت له وحضنته ..

يوم جديد يمر على الكل بفرح و سرور .. اول من فرح بهاليوم هو فارس .. كان غرقان في احوانه بين النايم واللي مب قادر ينام .. كانت الساعه 8 ونص الصبح .. رن جواله وكانت الرنه ( عالي مستواه ) .. طالع التلفون باستغراب وحس بفرح وهو يشوف الاسم فالتلفون .. خذ نفس عميق ورد ..
فارس: هلا ..
مناف: حبيبي فارس ..
فارس ابتسم: فديت صوتج يا مناف ..
مناف بفرح: خلاص انتهى الموضوع يا فارس ..
فارس عض على شفايفه وقام من السرير يطالع نفسه فالمرايه .. ابتسم وغمض لانعكاسه فالمرايه ..
فارس: فديت قلبج يا قلب فارس انتي ..
مناف صاحت: والله يا فارس اني اموت فيك ..
فارس: اذا انتي بس تموتين فيني .. انا اعشقج بكل ما فيج .. احبج وا احبج و احبج .. والله لو قلت لج احبج لين آخر نفس فيني .. بعد اللي في قلبي لج اكثر و اكثر .. فديت دموعج حياتي .. مسحيها
مناف غمضت عيونها: هاي دموع الفرح .. فديت روحك يا فارس .. الله لا يخليني منك ..
فارس: والله ردت فيني الروح .. جني ظميان وانتي رويتيني بهالخبر يا قلبي ..
مناف: حياتي يا فارس .. عيل انا شاقول اللي ماعرفت طعم النوم من صار الموضوع .. كل همي انت يا فارس ..
فارس: آآآه .. فديتج يا اغلى مناف فالدنيا ..
مناف: فارس ..
فارس: اموت لي قلتي فارس .. يا قلبه انتي .. آمريني ..
مناف بهمس: وحشتني ..
فارس مبتسم: وانتي وحشتيني اكثر يا بعد عمري ..
مناف: والله اني مستانسه وناسه ..
فارس: يعلها دوم هالوناسه ..
مناف: فديت روحك ..
فارس: يا عمري انتي .. زين قولي لي شو صار ؟
مناف: مممممم .. شوف الحين ماقدر اتكلم على راحتي .. بكلمك بعدين وبقولك كل شي ..
فارس: خلاص يا قلبه .. حاضرين لج ..
مناف: يلا حبيبي .. بخليك الحين ..
فارس: الله يحفظج من كل شر ..
مناف مبتسمه: وياك حبيبي .. مع السلامه ..
فارس: سلام ..
سكر منها وتم ينط مكانه من الوناسه .. تغيرت ملامحه من الحزن لين الفرح و الوناسه .. فرحت فارس ومناف ما تنوصف .. نزل عند امه وطلب منها تسوي له اكل ..
ام فارس مبتسمه: يا علني اشوفك معرس يا فارس ..
فارس مبتسم: تسلمين الغاليه ..
ام فارس: فديت قلبك يبه .. زين خلني اروح اسوي لك لقمه ..
فارس: اخذي راحتج الغاليه ..
راحت ام فارس المطبخ وفارس تم فالصاله يفكر في مناف .. اتصل بتوأمه الروحي محمد عشان يبلغه هالخبر الحلو ..
محمد: هلا والله ..
فارس بفرح: حمودي ..
محمد مبتسم: يا قلبي فروسي ..
فارس: .. اليوم انا اسعد انسان فالكون ..
محمد: يعلك دوم في فرح و وناسه يا فارس ..
فارس: الله يسلمك الغالي ..
محمد: ها بشر ..
فارس: خلاص انتهى الموضوع على خير ..
محمد بوناسه: الحمدلله ..
فارس: من شوي كلمتني .. و زفت لي هالخبر الحلو .. طار عقلي يا حمود ..
محمد: ايه عليك يا فارس .. الله لا يغير عليكم ..
فارس: الحمدلله على كل حال ..
محمد: عيل على هالخبريه الحلوه .. اكيد عازمني على العشا الليله ..
فارس: ولا يهمك .. اختار اي مطعم وادفع الحساب .. انا ما قول لأ ..
محمد: يالزطي .. انت اعزمني ..
فارس: اي ي ي .. انا راضي انك تعزمني يا حمودي ..
محمد: فروس يالعبيط .. العزيمه عليك ..
فارس: والله انك قدها يا حمودي .. بس تحرجني لما تعزمني يالغالي ..
محمد: .. اوريك بالعبيط ..
فارس: هاااااااي .. متى لقائنا ؟
محمد: الليله ..
فارس: الساعه كم ؟
محمد: مادري عنك ..
فارس: تعال بسألك .. شو صار على سفرة المكسيك ؟
محمد: سلمان ما قصر .. رتب مع ربعه هناك ..
فارس: والله .. حليله هالريال .. بس متى بنسافر ؟
محمد: احنا اتفقنا بعد ما ارجع انا من السفر ..
فارس: زين انت متى بتسافر ؟
محمد: بعد عرس خلود بكم يوم ..
فارس: حلو .. في وقت الواحد يجهز نفسه حق السفر ..
محمد: الشباب كلهم دخلوا سيايرهم الفحص .. و فنتكوا فيها تفنتك .. اللي مغير اللون واللي مادري شو مركب ..
فارس: والله انهم مقاليع ..
محمد: تحس محد عاقل من بينكم الا انا الله يحفظني ..
فارس: ااااي .. حلوه منك بن عمي ..
محمد: .. الله يغربلك يا فروس على هالضحك ..
فارس: والله من زمان ما ضحكت ..
محمد: ان شاءالله دوم تضحك ..
فارس: الله يسمع منك .. زين عيل نتلاقى الساعه 8 ..
محمد: حلو ..
فارس: زين خل اروح اتريق ..
محمد: بالعافيه ..
فارس: الله يعافيك ..
محمد: سلام ..
فارس: سلام ..
محمد وايد فرح لفارس .. و تم يدعي له ان الله يوفقه مع مناف ..
طبعا اليوم هنادي بتسافر شهر العسل .. حانت لحظة الوداع .. كانت في بيت ابوها .. مع سلمان ويوسف والجوهره .. كانت طيارتها الساعه 6 المغرب .. طبعا حزن و دموع بين هنادي والجوهره ..
هنادي حاضنه الجوهره: فديتج يا جوجو بتوحشيني ..
الجوهره: وانتي اكثر يا حبيبتي ..
هنادي: احس مو شي بدونكم ..
سلمان: روحي تونسي حبيبتي .. هاي شهر العسل ..
يوسف: بس تحملي تاكلين بصل ..
الكل: ..
هنادي: وااااي .. بتوحشني خفة دمكم .. سوالفكم .. كل شي بيوحشني ..
سلمان: هنوده ليش مكبرتها .. انتي مو رايحه طول عمرج .. كلها كم اسبوع و راجعه باذن الله ..
االجوهره: صح ..
هنادي: فديتكم والله ..
سلمت عليهم وراحت المطار مع نواف وسلمان .. وصلهم سلمان و ودعهم .. رجع البيت وهو مشتاق حق هنادي سلمان " فديتها هنوده والله مكانها مبين .. الله يحفظهم " ..
الجوهره: شخبار فطومه ؟
يوسف: الحمدلله ..
الجوهره: يوسف خف على البنيه ..
يوسف مبتسم: ليش ؟
الجوهره: جننتها .. كل يوم انت عندهم ..
يوسف: لا والله من ملجنا ما رحت لها الا مره وحده .. و يوم جات بيتنا تغديت معها وبس ..
الجوهره: ولا تنسى الفندق .. هاي بعد محسوبه عليك ..
يوسف: ..
الجوهره: انت ما شفتها لما كنت كل شوي تناديها ..
يوسف: شفيها ؟
الجوهره: كل ما تدخل علينا و يها يكون احمر .. وحالتها حاله .. عذبتها ذاك اليوم ..
يوسف: .. تعالي بسألج ؟
الجوهره: هلا ..
يوسف: متى بتطلع صور العرس ..
الجوهره: يبيلها اسبوعين الى 3 اسابيع تقريبا ..
يوسف: يه وايد .. زين ما يصير اروح اطلع صوري انا وفطومتي .. كلها الا كم صوره
الجوهره: اهم شي فطومتك .. ..
يوسف مبتسم: عاد عديها انتي ..
الجوهره: بس هالمره ..
يوسف: زين بخصوص الصور ..
الجوهره: اي ي ي .. زين مر على المصوره شوفها اذا تقدر اطلع لك صورك قبل ..
يوسف: اكلمها ولا اروح احسن ؟
الجوهره: لا روح احسن .. عشان تختار الصور ..
يوسف: ما تصورنا وايد .. يمكن 4 او 5 صور انا وهي .. و صورتين مع اخوها ..
الجوهره: لا روح احسن ..
يوسف: ان شاءالله ..
رن جوال يوسف .. وفاطمه كانت المتصله .. يوسف شاف التلفون وابتسم ..
يوسف: هلا وغلا حبيبتي ..
فاطمه: هلا فديتك ..
يوسف وهو طالع من الصاله: فديت هالصوت والله ..
فاطمه مبتسمه: شحالك حبيبي ؟
يوسف بهمس: فديت حبيبي لي قلتيها ..
فاطمه انحرجت: يوووووسف ..
يوسف: لا خلاص باذوب من دلعج ..
فاطمه ماتت من الخجل ..
يوسف: شخبارج حبيبتي ؟
فاطمه: طيبه ..
يوسف: وحشتيني حبيبتي ..
فاطمه مبتسمه: وانت بعد ..
يوسف: انا بعد وشو ؟
فاطمه: انت بعد وحشتني ..
يوسف بفرح: يا ربي على الغزل .. والله اني انسان محظوظ ..
فاطمه: ..
يوسف: فديت هالضحكه وربي ..
فاطمه: يوسف ..
يوسف: عيونه ..
فاطمه: تسلم لي عيونه .. مممممم
يوسف: قولي حبيبتي ..
فاطمه: توديني بيت يدي .. محد فالبيت غيري .. راحوا وخلوني ..
يوسف مبتسم: من عيوني .. حاضرين لج يالبرنسيسه فاطمه بنت محمد ..
فاطمه مبتسمه: ما تقصر فديتك ..
يوسف: متى تبيني امرج حبيبتي ؟
فاطمه: يعني على الساعه 7 ونص يناسبك ؟
يوسف: يناسبني غصبن عني ..
فاطمه: ..
يوسف: اموت فالضحكه والله ..
فاطمه كانت وايد تنحرج من غزل يوسف لها ..
فاطمه: اول ما اجهز بتصل لك عشان تمر علي ..
يوسف: انا تحت امرج ..
فاطمه: ما تقصر فديتك ..
يوسف: يا قلبي عليج ..
فاطمه عضت شفتها: زين بخليك الحين ..
يوسف: زين حبيبتي ..
فاطمه: مع السلامه ..
يوسف: مع السلامه ..
سكر منها ورجع الصاله عند اخته .. كان مستانس .. الجوهره تمت تسأله وتلعوزه ..
الجوهره: المدام ..
يوسف: اي ..
الجوهره: قلبت كيانك فطومتك ..
يوسف: ه ..
الجوهره: شكلك غرقان في حبها ..
يوسف: حدي ..
الجوهره: ايه عليك يا يوسف .. هالكثر تحبها ..
يوسف غمض عيونه ورجع براسه على روا ..
يوسف بهمس: هي حياتي كلها ..
الجوهره: شتقول ؟
يوسف: ولا شي .. زين خالي متى بيرجع من المطار ؟
الجوهره: يبيله شوية وقت .. شوراك ؟
يوسف: بروح اودي المدام ..
الجوهره: وين ؟
يوسف: بوصلها بيت يدها .. ما عندها حد يوصلها ..
الجوهره:بصراحه فطومتك هاذي تنأكل ..
يوسف: ايه والله تنأكل ..
الجوهره: يوسف .. ترا حالتك وايد صعبه ..
يوسف: ساشوي يا اختي .. لقيت كل اللي فقدته عندها ..
الجوهره مبتسمه: الله يخليكم لبعض ..
يوسف: الله يسمع منج ..



يتبع ..

التكمله


الجوهره: الا بسألك .. انا وهنوده نسولف عن اسامي اليهال ..
يوسف باهتمام: زين ..
الجوهره: انا وهنوده بنسمي اول ولد على ابوي .. وانت ؟
يوسف: هي ودها تسمي على اخوها ..
الجوهره: اخوها الكبير صح ؟
يوسف: اي .. ليش ؟
الجوهره: لا بس اسأل .. شسمه اخوها ؟
يوسف: اسمه فارس ..
الجوهره: اسمه حلو ..
يوسف: وايد تحب اخوها .. وهو يموت فيها ومدلعها .. تخيلي لو خواتها طلبوا منه شي لو قدر عليه سواه لهم لو ماقدر يقولهم لأ .. بس فطومتي ما يرفض لها طلب .. خواتها لو يبون شي منه و رفضه يدزونها تتوسط لهم
الجوهره: .. حليله وايد يحبها ..
يوسف: وانا بعد وايد احبها ..
الجوهره: ه .. فديتك يا يوسف ..
دخل عليهم سلمان ..
سلمان: السلام عليكم ..
الكل: عليكم السلام ..
الجوهره: هلا خالي ..
سلمان: هلا يبه .. جوجو فديتج ماي بارد ..
الجوهره: ان شاءالله ..
يوسف: عيل راحت هنوده ..
سلمان: اي والله .. ايه عليها .. من اللي بلعوزه بعد اليوم ..
يوسف: .. اي والله بشتاق حق عبطها ..
سلمان: والله صاحت لين قالت بس ..
يوسف: مسكينه .. الله يرجعها بالسلامه ..
سلمان: آمين ..
دخلت الجوهره وتموا شوي يسولفون مع بعض .. اتصلت فاطمه بيوسف عشان يمر ياخذها .. استأذن منهم وراح لها طيران .. وصل عند بيتهم واتصل لها .. هي كانت تنتظره فالصاله ..
يوسف: حبيبتي ..
فاطمه مبتسمه: هلا والله .. وصلت ؟
يوسف: اي حبيبتي ..
فاطمه: الحين طالعه ..
سكرت منه وطلعت له .. كانت تمشي وعيونها على السياره .. يوسف كان يناظرها من بعيد ومبتسم ..
يوسف " فديت هالطول .. فديت هالجمال .. يا ربي عليها .. والله ذبت فيها هالبنت " .. قربت فاطمه من السياره ويوسف مد يده فتح لها الباب.. كان يراقبها وهي تركب السياره .. قعدت جنبه وسكرت الباب ..
يوسف مبتسم: تباركت سياراتي يا حبيبتي ..
فاطمه بخجل: زين بنوقف وايد ..
يوسف: اوه نسيت نفسي .. بعد من يشوفج ما تبينه يضيع ..
فاطمه: ه ..
يوسف مسك يدها وحرك طالع من بيتهم .. فاطمه ضغطت على يده بنعومه .. تم ماسك يدها طول الدرب وهو يسوق بهدوء ويسولف معاها .. اتصل فيه عبدالعزيز ..
عبدالعزيز: وينك يالشيخ ؟
يوسف: اوه .. تصدق نسيت موعدنا ..
عبدالعزيز: صج والله ..
يوسف: شاسوي .. مدام معاي القمر مالي ومال النجوم ..
عبدالعزيز: شقصدك ؟
يوسف: انت وين ؟
عبدالعزيز: انا رايح بيتكم ..
يوسف: وانا رايح بيت يدك ..
عبدالعزيز: شو تسوي هناك ؟
يوسف: ناس فديتهم طلبوا مني خدمه .. وماقدرت اردهم .. تعرف مثل هالناس .. طلباتهم اوامر ..
عبدالعزيز: صج والله .. زين اوريكم انتوا الثنين ..
يوسف: من احنا الثنين؟
عبدالعزيز: عرفت من تكونون ..
يوسف: .. زين بس انزل المدام بيت يدك وبجيك البيت .. ادخل الميلس وخذ راحتك ..
عبدالعزيز: ما تقصر يا بوخليفه .. بس غصبن عنك باخذ راحتي ..
يوسف: ..
سكر يوسف من عبدالعزيز والتفت على فاطمه .. تم يطالعها بحنان .. وصل بيت يدها ودخل الحوش .. كانوا كلهم فالحوش .. الجد شاف يوسف وقام له على طول ..
الجد: حيالله هالولد النشمي ..
يوسف نزل من السياره وسلم على الجد ..
يوسف: الله يحيك .. شحالك يبه ؟
الجد: طيب طاب حالك الغالي .. اعلومك يبه ؟
يوسف: الحمدلله طيب ..
الجد: اخبار بنتنا ؟
يوسف: اسألها ..
الجد: ها فطيم يبه .. شخبارج مع هالمزيون؟
فاطمه منحرجه: الحمدلله يدي ..
الجد: والله عرفت من تختار يا يوسف .. فاطمه الماسه ..
يوسف بهمس: فديتها ..
فاطمه: زين انا بروح داخل .. تامروني على شي ؟
الجد: لا يبه .. الله يحفظج ..
يوسف: الله وياج ..
راحت فاطمه وهي طايره من الفرح .. وكانت ام فارس تراقبها وهي مستانسه لفرحة بنتها .. بس قلبها متقطع على فارس .. تفكر فيه وايد .. ودها تشوفه معرس ..
يوسف تم يسولف مع الجد شوي .. سلم عليه وراح بيتهم حق عبدالعزيز .. طلعوا يتمشون وراحوا القهوه .. مر هاليوم حلو للكل .. فاطمه و يوسف احلى عصافير .. فارس ردت فيه الروح بعد ما سمع احلى خبر من مناف .. مريم و خالد مشغولين بتجهيزات العرس اللي ما بقى عليه الا كم يوم ..
انشغلت العيلتين بتجهيزات العرس .. فارس طلع مع عبدالله وفيصل .. راحوا المجمع و تونسوا .. دخلهم السينما وتعشوا .. وبعدين رجعهم البيت .. مر هالاسبوع والكل مشغول بنفسه حق عرس مريم وخالد .. مريم كانت متوتره وحاسه برهبة الموقف .. خالد كان ميت من الشوق .. ام فارس كانت طايره من الوناسه .. وما خلت شوي ما سوته من فرحتها .. اما ام محمد كانت فرحتها بفرحة ام فارس .. هيا كانت تشارك الكل في التجهيزات بوفارس و بومحمد والجد كانوا يعابلون عرس الريايل .. فارس ومحمد وباقي الشباب كانوا يرتبون الخيمه مع العمال .. الجوهره كانت عندها مفاجأه حق سلمان و يوسف وهنادي وابراهيم .. هنادي و نواف كانوا عايشين احلى ايام الحب والرومنسيه في ميونخ ..
الجوهره: ابراهيم حبيبي ..
ابراهيم ترك الجريده اللي بيده والتفت عليها مبتسم ..
ابراهيم: هلا حبيبتي ..
الجوهره: ابي اكلمك في موضوع ..
ابراهيم باهتمام: قولي حبيبتي ..
الجوهره بدلع: تبي تعرف الموضوع يا بوخليفه ..
ابراهيم بوناسه: هااا .. بوخليفه .. فديت قلبج يا جوهرتي الغاليه ..
ابراهيم من وناسته شل الجوهره وحضنها بفرح .. الجوهره كانت مستانسه من ردة فعل ابراهيم ..
ابراهيم: مبروك يا اغلى ام فالدنيا .. مبروك يا ام خليفه ..
الجوهره منحرجه: الله يبارك فيك حبيبي ..
ابراهيم قعد على الكرسي وقعد الجوهره جنبه وتم يطالعها وعيونه تحكي فرحته ..
ابراهيم: قلتي لاحد ؟
الجوهره: انت اول واحد ..
ابراهيم باس راسها: الله يبشرج بالخير .. والله اني طاير من الفرحه ..
الجوهره: فديت روحك حبيبي ..
ابراهيم حط راسه في حضن الجوهره وتم يسولف معاها .. الجوهره كانت تلعب في شعر ابراهيم ..
ابراهيم: تتوقعين بكرنا بنت ولا ولد ؟
الجوهره: والله مادري ..
ابراهيم: شتفضلين ؟
الجوهره: ما تفرق عندي .. اللي يجي من الله حياه الله .. وانت حبيبي ؟
ابراهيم: انا بعد ما تفرق عندي .. بس حبيبتي لو جات بنت ابي اسميها على امي ..
الجوهره مبتسمه: ولا يهمك حبيبي ..
ابراهيم مسك يدها وحطها على صدره .. غمض عيونه ونام في حضنها .. تمت الجوهره تتأمل ملامح ابراهيم ..
الجوهره " الله يحفظك يا ابراهيم " ..
سلمان و يوسف فرحوا بخبر حمل الجوهره .. واخيرا بيمتلي البيت يهال .. سلمان فرح من خاطره .. و وعد نفسه انه يحب كل عيالهم و يكون له دور كبير في تربيتهم .. ويكون مسؤل عنهم .. اما يوسف فرح لاخته وتمنى الوقت لو يمر بسرعه ويشوف عياله يلعبون بحضنه .. احساس الابوه فاض في خاطره .. الجوهره اتصلت لهنادي وبلغتها بهالخبر الحلو .. وهنادي فرحت وايد لاختها .. حست ان فرحتها اكتملت بالخبر الحلو ..
اليوم هو اليوم الموعود لمريم وفارس .. والفرحه عمت البيتين .. في بيت بوفارس .. البنات من الظهر راحوا الفندق .. عشان يتجهزون .. هيا وام محمد وام فارس نزلوا يشرفون على القاعه .. الكل كان مرتبش .. البنات كانوا يتعدلون .. والجوهره كانت معاهم ..
مريم: فديت هنوده .. تمنيتها معانا ..
الجوهره مبتسمه: فديت قلبج يا عروسه .. انتي الحين خلج من هنوده وغيرها .. انتي اهم حدث اليوم ..
فاطمه: صح .. انتي اهم شي .. لا تشغلين بالج ..
الجوهره: لا تتوترين مرايم ..
مريم مسكت يد الجوهره وابتسمت لها ..
مريم: بحاول ..
تموا البنات يتعدلون والحريم يعابلون القاعه تحت .. الساعه 7 ونص هيا راحت الغرفه عند البنات ..
هيا: ها بناتي خلصتوا ؟
ايمان: باقي شوي عميمه ..
هيا: زين من خلصت مكياج ؟
ايمان: انا والريم خلصنا ..
هيا: ومن يتمكيج الحين ؟
ايمان: فطومه ..
هيا راحت صوب فاطمه ..
هيا: فديت هالعيون والله ..
فاطمه: هلا عميمه ..
هيا: من بعدج ؟
فاطمه: مرايم ..
هيا: الجوهره ما تمكيجت ؟
فاطمه: بلا تمكيجت من العصر .. انتي بعدي عميمه ؟
هيا: ان شاءالله .. زين سمعي حبيبتي ..
فاطمه: هلا ..
هيا: خلصوا ونزلوا القاعه زين ..
فاطمه: ان شاءالله ..
ايمان والريم خلصوا من تسريحاتهم .. لبسوا ونزلوا مع الجوهره .. هيا وفاطمه خلصوا ونزلوا مع بعض .. تمت مريم بروحها فتره وبعدين رجعت لها فاطمه .. كانت مريم تضيف اللمسات الاخيره على نفسها .. لبست الفستان بمساعدة فاطمه اختها .. رتبت نفسها وتمت تنتظر ينادونها عشان تنزل .. فاطمه كانت معاها ..
فاطمه: مرايم تجنين ..
مريم: فديت عيونج يا فطيم .. فطيم بقولج شي ..
فاطمه: قولي ..
مريم بخوف: خايفه من خالد ..
فاطمه بدهشه: شلون ؟ و ليش ؟
مريم خنقتها العبره: تذكرين سالفة الجنيه اللي طلعت له .؟
فاطمه مبتسمه: اي ..
مريم: اخاف تطلع لي .. يا ماماي ..
فاطمه: .. من صجج انتي ..
مريم: اي والله من صجي ..
فاطمه: خالد رجع احسن من قبل وما عليه شر .. بس انتي لا توسوسين .. يعني تطلعين معاه وتكلمينه فالتلفون ما حسيتي ان فيه شي؟
مريم: لا هو وايد عادي ..
فاطمه: عيل ليش متخرعه ..؟
مريم: لان خالد قالي السالفه ..
فاطمه عقدت حواجبها: اي سالفه ؟!
مريم: سالفته كامله .. مره قالي انها طلعت له وقالت له باخذ منك مريم .. ابيه خايفه ..
فاطمه حضنت اختها: مرايم ما عليج من هالكلام .. وبأذن الله ما عليكم شر انتي وخالد ..
مريم: الله يريح قلبج يا فطيم ..
فاطمه: زين لا تصيحين تخربين المكياج ..
مريم: ه .. زين
تموا مع بعض فتره لين اتصلت لهم هيا ..
هيا: فطومه .. ابوج جاي الغرفه .. لبسي اختج و تجهزوا ..
فاطمه: ان شاءالله عميمه ..
سكرت من عمتها والتفتت على اختها ..
فاطمه: يلا مرايم .. ابوي جاي ..
مريم: زين ..
بوفارس طق الباب ودخل على بناته ..
بوفارس مبتسم: فديت بناتي والله ..
فاطمه: والله فديتك انت يا بوفارس .. اللي يشوفك يقول انت المعرس ..
بوفارس: ..
دخل فارس وكان يمدح في خواته ..
فارس: شهالزين .. حلاتين حلاتين .. لو مو خواتي جان تزوجتكم ثنتينكم بليله وحده ..
الكل: ه ..
بوفارس: الله يحفظكم من عيون الناس ..
فارس: زين يلا فطيم .. غطي مرايم خل ننزل ..
فاطمه: ان شاءالله ..
لبست فاطمه عبايتها .. وغطت اختها .. ونزلوا هم الاربعه .. وصلوا لين القاعه .. بوفارس وفارس راحوا برا بعد ما وصلوا البنات لين القاعه .. طلعت ام فارس عند الباب و دخلت بنتها .. مريم دخلت وكل الانظار متوج لها .. ام فارس صاحت من فرحتها .. ومريم كانت متوتره ومنحرجه .. و صلت للكوشه والكل قام يسلم عليها .. تمت فتره وبعدين دخل خالد .. اول ما دخل مريم كانت شوي وتصيح .. بوفارس وبومحمد دخلوا مع فارس .. خالد كان مستانس .. وشكله طالع يجنن .. وصل لين الكوشه .. ومريم كانت منزله راسها من الخجل والتوتر .. خالد قرب من مريم رفع راسها وباس جبهتها .. وقف جنبها وهو مبتسم .. بوفارس سلم على بنته .. وبومحمد سلم عليها .. الجد كان جاي من اخر القاعه وهو معصب ..


يتبع ..
__________________